喇沙or英華？

Kingkin

我大仔讀緊英華，英華 一樣競爭好大，但小朋友讀得開心，我都有細仔跟尾而家都擔心細仔入唔返英華

Babemama

有細跟尾我就會選喇沙。

monsterparentss

如有細跟尾，我都會選喇沙，唔駛錢又照顧到細佬。
但我哋得15分，爸爸又唔係舊生，喇沙真係諗都無得諗。
但如得一個囝囝，我會選英華。
識得一英華家長，哥哥讀喇沙中學，從喇沙小學升中，細佬讀英華小學。
哥哥有一日問媽咪，點解當初唔揀英華俾佢讀嘅？佢見細佬讀得好開心。
那家長都話喇沙升中壓力唔講得小。

pigpigapple

有壓力可以磨練自己。憑意志克服困難。接受挑戰,競爭下求存,有何不可。
但我總覺兩間學校不在同一 Level . (不喜勿插)

joan1021

crabtree528 發表於 14-4-17 17:39
英華收左你仔未呢？

己收左~

joan1021

nsterparentss 發表於 14-4-17 21:16
如有細跟尾，我都會選喇沙，唔駛錢又照顧到細佬。
但我哋得15分，爸爸又唔係舊生，喇沙真係諗都無得諗。
但 ...

呢個係我最擔心嘅問題，如選LS我唔太擔心學術上嘅壓力，只怕佢讀得唔開心，但LS可照顧埋細佬。而英華應該係最適合佢，但細佬冇得跟

joan1021

Kingkin 發表於 14-4-17 18:18
我大仔讀緊英華，英華 一樣競爭好大，但小朋友讀得開心，我都有細仔跟尾而家都擔心細仔入唔返英華 ...

其實有哥哥收細佬機會大嗎？

monsterparentss

pigpigapple: 唔緊要，唔同嘅家長有唔同嘅睇法，有啲追求層次上嘅問題，而我只選擇適唔適合我小朋友嘅學校。

Joan1021: 學校都係睇interview嘅表現。

喵媽

如果哥哥入LS，細佬考小學就無壓力，當哥哥讀到LS,但細佬呢？會否讀到？如讀不到入到LS也不是好事。
當細佬都好叻，其實也不怕選YW，要相信細佬一樣有能力考到呢！
當然LS的名望比YW高，但看得出你不是看名而是以是否適合為主。
讀YW真的好開心，真係要入到去先知有，我仔今年一年級，我真的覺得他好幸福及幸運。

喵媽

原帖由 喵媽 於 14-04-18 發表
如果哥哥入LS，細佬考小學就無壓力，當哥哥讀到LS,但細佬呢？會否讀到？如讀不到入到LS也不是好事。
當細佬 ...

補充一下，當細佬無哥哥咁叻，我會選LS，試下讀，真的要轉，拎住LS的位再扣門個心也定好多呢！

SCKnight

LS

janettang

入讀YWPS, 家長一定不會後悔，當見到你個仔返學可以咁開心，你一定好感動。
如果哥哥讀得好，品學音樂或體育也不錯，細佬要入YWPS，問題不大。

當然入LS亦是很多家長夢未以求的願望，而且唔駛煩細佬，家長都輕鬆好多，LS初小都讀得輕鬆，高小較有壓力，但你的小朋友讀書叻，又怕什麼呢？讀LS一樣好多活動，小朋友一樣好有自信。
另想講一句，倆兄弟讀同一間學校，有同一校園生活，佢哋一定好開心。好羡慕你。

PassionC

只是一半機會呀!我家的弟弟有幸可跟哥哥入讀英華,但有些同學仔的细佬沒有被取碌。。

joan1021

回覆 PassionC 的帖子

恭喜哂

bigboy129

原帖由 pigpigapple 於 14-04-17 發表
有壓力可以磨練自己。憑意志克服困難。接受挑戰,競爭下求存,有何不可。
但我總覺兩間學校不在同一 Le ...

好簡單，讀到咪話有壓力係好，讀唔到咪話壓力大囉！

bigboy129

以前我都覺得LS小學好神，但睇過學生嘅工作纸及試卷後，就覺得………………，但英文reader係幾深。

jefftam06

Kingkin

每間學校都有唔同優點，我好欣賞英華比啲仔有好多發揮的機會