我都好想阿仔有一小時遊戲時間

virgokaren

little_yolky 發表於 14-3-12 09:08
依家小朋友真係星期六日仲忙過返學, 無得玩。家長仲陪埋佢哋一齊忙。
星期六
上午                 阿大在 ...

你呢個時間表咪冇其他節目?我幾大都留番個星期曰 hea 下!

JHsbb

我仔325PM回到家
325-335PM換校服
335-405PM睇卡通食茶點(同一時間我對功課, 因為仔係學校做晒功課返黎)
405-420PM改功課, 執書包(如唔駛改功課, 2分鐘內執完書包)
420-430PM(默書中及英)

以上係大約時間, 基本上日日係405前做好晒

430-5PM(練琴)
5-515(練國際象棋)
515-530pm(沖涼)
605-635pm(晚飯)
830pm(瞓覺)

無寫時間的係自由活動時間,以上係唔駛上興趣日子就咁..........

如上興趣班就扣返個半鐘自由活動時間

我仔係絕對足夠每日1小時, 仲要over的. 就算test exam溫書都係每晚1個鐘, 我會加半小時比佢玩, 即係遲半個鐘瞓, 所以都仲有1小時玩
其實都係大約日程 , 亞仔真係日日有1小時玩的

minejoujou

學校有功課堂,做完晒,爭好遠的

little_yolky

JHsbb 發表於 14-3-12 23:11
我仔325PM回到家
325-335PM換校服
335-405PM睇卡通食茶點(同一時間我對功課, 因為仔係學校做晒功課返黎)

哇, 點解你仔仔可以2分鐘執好書包咁爽手的? 我阿女執個書包要15分鐘, 好似蝸牛咁。

little_yolky

virgokaren 發表於 14-3-12 22:41
你呢個時間表咪冇其他節目?我幾大都留番個星期曰 hea 下!

係, 跳芭蕾舞真係好困身。星期日係考試班, 無辦法, 下次考試班揀星期一可能好啲。

JHsbb

little_yolky 發表於 14-3-13 09:09
哇, 點解你仔仔可以2分鐘執好書包咁爽手的? 我阿女執個書包要15分鐘, 好似蝸牛咁。 ...

我仔真係好快手的, 我教佢睇手冊該堂第1個字, 佢就背左當日上O既堂佢跟住執, 好快攪掂(如上中文, 數學, 常識, 英文, PHONICS 佢就會背成中數常英"風"), 同埋學校幫佢地KEEP作業, 佢只帶書, 宗教音樂普通話書都係放係學校組柜內

JHsbb

minejoujou 發表於 14-3-13 07:29
學校有功課堂,做完晒,爭好遠的

係呀, 所以亞仔好乖了

scyauchris

為何要幫小朋友對功課，我習慣不對功課。不過你小朋友好乖肯温書，我女兒近考試都不願意温習，叫她温她還覺得我好煩！

sumyau1012

我女學校都有功課堂，但經常原風不動地回家，真係唔知人地做功課時，佢做咩@@

edith208

JJDBB 發表於 14-3-11 12:26
我都覺得越來越難。小囡小四，我比佢自己安排時間，不過我見佢遊戲時間有時半小時，有時四十五分鐘，佢未必 ...

有1小時自由或自選活動, 不論跑跳 / 睇書 / 畫公仔 / ......都已經不錯, 但係小朋友有時做功課時, 自己加插這些自由或自選活動, 搞到功課夜曬, 變相冇左呢1小時

smartcash

回覆 hellohelloruby 的帖子

我都係雙職家長, 屋企有細佬搞搞陣, 所以大仔都係在功課班做功課. 亞仔都有幾多功課, 每日8-10樣, 但兩個鐘通常都做得完, 但無時間溫默書, 所以溫書的功作會留番星期六做, 星期日就hea的. So far 每日都可以有1小時玩, 9pm或9.30pm瞓.  我想您的問題係要有推動力令亞仔快些完成功課.

little_yolky

torunpoland  其實係咪一定要學琴和芭蕾舞?  發表於 8 小時前

學琴係因為學校規定要學一種樂器。如在學校學, 該日要帶住舊學器返學, 佢好辛苦, 同埋細個學開無謂改。

芭蕾舞係佢體育堂以外唯一的運動。因為佢有扁平足, 聽講跳芭蕾舞踮踮腳有幫助, 佢自己又鐘意跳。但係可能考埋5月個試下次唔考了, 唔考試一星期只跳一日, 無咁辛苦。

eviepa

「我都好想阿仔有一小時遊戲時間」

這句話令我想起不少家長的想法：「課外閱讀很重要。」（不過閱讀之前先要完成學校的功課、讀熟默書、測驗範圍、補習、補充練習、學琴、學……….）

到最後，偶爾當天時地利人和都配合得天衣無縫時便讓孩子讀一兩本課外書。其實，對這些家長來說，由於課外閱讀的重要性很低，所以很理性地不怎樣讓孩子閱讀課外書。

xxx   xxx   xxx    xxx   xxx   xxx

有些學生說，其實我很想讀好書，不是我懶惰，但只是老是提不起勁而已。

這些學生認為打機、看電視、午睡、煲電話粥、和朋友見面….. 的重要性遠高於讀書。

xxx   xxx   xxx    xxx   xxx   xxx

選擇一間多功課學校，安排子女密集的課外學術、體藝活動後，孩子學業、才藝有成，不但孩子有成果，父母臉上也貼金，同享成果。但孩子沒有時間玩耍，天天過著無天無日、奴隸幹苦工般的生活，痛苦的只有是孩子，不是家長。

孩子每天有「一小時遊戲時間」重要，但………遠比「一小時遊戲時間」重要，因此「一小時遊戲時間」要讓路。

xxx   xxx   xxx    xxx   xxx   xxx

我從來都覺得小學生「每天只有一小時遊戲時間」是相當殘忍的一件事。小朋友們最需要的是玩耍，每天上了多個小時課後需要大量的玩耍，來讓腦部休息一下，來讓所學的沉澱。沒有足夠的玩樂時間，孩子很難有較大的成就。

我女兒讀小學時，在需要上課的日子通常每天都有三小時的自由活動時間，另外，她更愛晚上和我渡過的講通識親子時間。週末的空閒時間更多。

香港有一些標榜少功課的學校。

報紙雜誌有很多專家認為過量的操練對孩子有害無益。

在EK有一些家長分享怎樣的培養方法可以做到孩子既愉快，又會學業有成。

能否讓孩子每天有超過一小時的玩耍時間，家長擁有絕對的權力。

momama

星期一至五做完功課就算，溫習留喺星期六日，不過好多家長會安排好多課外活動喺週末，唯有一至五溫習，悪性循環

MrBeast

現今小學生活真的很忙，有些小孩（like mine)又天生做事慢和失魂，或者樓主請半日假observe 下做功課的情況，再睇下點幫小孩，如可以，每星期（1-5）至少有一日可以玩半小時，比他見到做得快就會有時間玩

mrsjacky

玩一個鐘唔係唔得，但唔係日日都得，我仔每星期都有兩日會咁，一入屋就換衫然後落公園，攞包餅一路行一路食當茶點左，6pm回到家輪流沖涼，等緊果個就做功課先。做到730開飯都做到七八成，有時可以做晒，因都有成個鐘做。食完飯8點就清埋做功課，溫陣書或者自由時間，930上床。

得兩日可以玩，因有兩日我要用黎練樂器，有一日就留校有課外活動。星期六係課外活動加溫習日，星期日返教會同喪玩/或者補飛(假設星期六hea左溫唔晒)

mrsjacky

hellohelloruby 發表於 14-3-11 10:32
回覆 IloveJJ 的帖子

我計過, 如果單對單每日補3個鐘, 我諗要成4, 5千, 負擔唔到! ...

一日唔洗三個鐘掛，再多功課，兩個鐘mud都夠，我指專心做，hea做係另一個問題，hea做返半日制都死。如兩個鐘認真做都做唔完，大部份日子係咁，我會轉校。


如果我係你，與其在補習社磨爛蓆，我會叫佢在我放工前完成以下事情:沖涼，拾好明天書包，食飯，刷埋牙，剩低全部自由時間，應該多過一個鐘玩。730你回到家就自己睇佢做功課，到930有兩個鐘，快手的話溫埋習都得。可以叫佢做難度低功課先，當係自律訓練，自己趁呢個時間食飯，假設媽媽無燥狂(燥狂越跟越死)，一段時間，成績同時間控制應該大有進步。大溫習留返週末。

hadwinboy

原帖由 eviepa 於 14-03-14 發表
本帖最後由 eviepa 於 14-3-14 23:28 編輯

「我都好想阿仔有一小時遊戲時間」

Agreed. 1小時實在太少了. 好幸運我仔起碼有兩小時自由活動時間。一放學他說要玩完才開始做功課，我也尤他去，而他也會keep promise.

hadwinboy

原帖由 little_yolky 於 14-03-11 發表
有咩可能日日有一個鐘頭玩！
阿囡時間表：
4:30           回家

我仔放2：30，3點多已回到家，已多了時間玩。我是孟母三遷為了他。

little_yolky

hadwinboy 發表於 14-3-17 01:08
我仔放2：30，3點多已回到家，已多了時間玩。我是孟母三遷為了他。

唉, 現代孟母真唔易做, 九龍城啲樓真係好貴。