為家人擔心

legolas625

其實我一直懷疑我個仔有問題，我有時都覺得自己係咪多疑，但因為我的堅持，先幫到阿仔，而家比之前有好大進步。其實咁細個，醫生都可以話佢一定係，要2歳後才磪定，不過慢過人係客觀事實，父母要正視，我同老公學左點同阿仔訓練，阿仔真係好左，咪當學教仔。同埋政府服務要排，可以先排住等，阿B好左可以唔要，錯過黃金時間，會害左小朋友

Joanwatson

原帖由 Vichang 於 14-03-03 發表
你第一段所講嘅就係我個仔18個月時情況。佢喺20個月評為自閉症，而家過多2個月就三嵗，最近呢幾個月先有單 ...

原本家事不想多講，細佬兩公婆都做野返工時間長，姪兒滿月起就是跟家傭揍大，他們放假我媽上過佢地屋企，媽話佢兩公婆自顧自打機/呢係房，個仔就同工人係廳，再唔係落街食野都唔帶仔落，兩公婆仲掉低過個仔幾次去旅行，開頭以為小朋友無人教就會係咁，我漸漸上網睇得多先發現係病癥，你講得對，我試過教姪兒擺/比 來回數十次加示範他都是不為所動的，看罷你的留言我更相信自己的懷疑沒錯，你有先見之明令小朋友得到合適治療，實在是一位觀察入微的媽媽！謝謝你的意見！

Joanwatson

原帖由 legolas625 於 14-03-03 發表
我個仔的情況類似，14個已寫醫生信轉介，16個月見cac醫生，話有自閉症狀，發展慢，之後上訓練，而家快18個 ...

Legolas聽到你兒子的情況很鼓舞，短短時期已經有進步，那請問兩歲是否再次再接受評估，去確定是否屬自閉症？請問你是否主動去接觸健康院姑娘轉介？

jjcow

legolas625 發表於 14-3-3 00:40
其實我一直懷疑我個仔有問題，我有時都覺得自己係咪多疑，但因為我的堅持，先幫到阿仔，而家比之前有好大進 ...

係呀，你講得好啱，慢咗就係慢咗，唔好理最後係唔係。小朋友發展係有里程碑嘅，尤其係三歲前，係發展最快速嘅，達唔到里程碑就係有問題。「每個小朋友發展都唔同，唔好同人比較」＜＜呢句說話真係害人不淺！

jjcow

Vichang 發表於 14-3-3 00:14
你第一段所講嘅就係我個仔18個月時情況。佢喺20個月評為自閉症，而家過多2個月就三嵗，最近呢幾個月先有單 ...

係呀，千祈唔好理身邊人點講，自己感受先最真確。我仲衰啦，個仔歲半 test 樣樣都過唔到，同健康院姑娘講話佢表哥歲半都唔係咁，點知比佢用好不屑嘅語氣同我講：「你將自己個仔同人地比較呀？」
後尾我個兒科寫紙比我自己去排 CAC，我直情打電話返健康院同佢講：我唔會再返嚟，依家有 CAC 同我跟！

legolas625

1歲時執唔到小物件，14個到健康院覆診時，主動向醫生提出，醫生見我擔心，肯寫cac轉介信，話要排6至9個月，我好彩因有人改期，未到16個月就見到cac醫生，因我情況特別，未到18個月再見醫生，之後到今年尾再見醫生，先叫診斷性評估，到時阿仔23個月，因為而家太細，但已排了E和S位。

legolas625

醫生話發展可以有6個月誤差，而家未識bye，應名，太慢了。
教仔一定要勤力，仲好辛苦，尤其係A仔，要不停同阿仔玩，講野，教指令，認物件，可能要一個動作要教幾個月，父母太懶，當然唔會識，BB天生不會bye

legolas625

我的感受係，做父母一定要主動，先幫到阿仔。我叫老公自己搵自閉資料，佢都覺得似阿仔的問題，好接受到，仲一齊同阿仔上堂

siufung

原帖由 jjcow 於 14-03-03 發表
係呀，你講得好啱，慢咗就係慢咗，唔好理最後係唔係。小朋友發展係有里程碑嘅，尤其係三歲前，係發展最快速 ...

“每個小朋友發展都不同，不要比較“某程度可以係啱的，但有d野，off得緊要一定要注視....BB的發展係有標準的，我女當年是典型:“七坐八爬九出牙“.......之後有d野稍一跟慢左(例如自己用杯飲水較遲掌握)，我便努力跟進番個task

siufung

原帖由 legolas625 於 14-03-03 發表
我的感受係，做父母一定要主動，先幫到阿仔。我叫老公自己搵自閉資料，佢都覺得似阿仔的問題，好接受到，仲 ...

你囝囝好好好幸福！！有積極正面的父母，他一定會好快進步！！

siufung

原帖由 Joanwatson 於 14-03-03 發表
原本家事不想多講，細佬兩公婆都做野返工時間長，姪兒滿月起就是跟家傭揍大，他們放假我媽上過佢地屋企，媽 ...

其實他們有你這樣的大伯已好幸福了！你自己有自己家庭，亦有孩子要教，爲了不誤姪子多番搜集資料，希望能幫一把...老實講，得罪一句，你弟弟和弟婦如果仍堅持這種態度教養孩子，莫講是A仔，就算是天賦異稟的天才，也養不了成才；萬一孩子真是A仔，所需父母投放的愛心耐性時間金錢將比培育正常小朋友多無數倍，如持續“放逐“態度對待，這有如置孩子於永無翻身的萬丈深淵！小朋友好可憐，父母將來更會視之如包袱。這並不是“自己受番“咁簡單，因為小朋友將來是一個獨立個體，他也要面對社會、面對自己，到時他沒能力自處，只埋怨父母又有何用？現在首要是父母面對問題，積極幫忙小朋友；其實幫孩子也是幫自己！

pokey

從來干涉人教仔都會失感情，即使係多年好友，你一講人地個仔點，或者佢地教法點，即刻反面都有可能。所以我都避免講太多，有啲野提一兩次佢都唔理就算了。另外再旁敲側擊咁囉。例如你介紹佢去playgroup，唔駛日日喺屋企悶幾好喎，等老師同佢講個問題。例如你facebook同其他朋友討論下社會上的幼兒問題。

琪寶

我好明白你弟婦的心情，以我為例，我嫂個仔係典型a仔，在我女還是bb時已經常提點我要留意什麼什麼，我當時一點也不上心。到我女兩歲多語言發展仍很慢時，她就多次叫我要帶阿女去評估，說她可能都是a的，當時我覺得很煩厭，心想為什麼你總認為我女和你兒子有同樣問題。我覺得我女除了語言慢和怕陌生人之外，其他都很正常，跟你兒子很不同。
到之後，連我女的老師都說她語言真的很慢，我才帶她評估，才發現她是自閉傾向，雖然到現在我都不太接受這個結果，因我覺得心理學家的解說很含糊(她說我女兒是踩界，剛剛跌入自閉傾向這個範圍，若在我們中心上三個月課程，必會有很大進步)，我覺得他是為做生意居多。
我覺得真的需要有專業人士(如老師)出口說，你弟婦才會醒覺有問題，你侄兒有上playgroup嗎？如有，可問下導師的意見，如沒有，可提出讓小朋友上playgroup，等你弟婦親眼見下兒子和其他小朋友的分別。

Vichang

突然間諗起，如果弟婦未幫囝囝買保險，快d買，任何懷疑個案一入左file 保險公司唔承包！

bearclub

原帖由 chowqv 於 14-03-01 發表
得18個月，又真係好難知。
有自閉症既，就連阿媽都唔會有眼神接觸。
不過快2歲，你不如鼓勵弟婦俾阿b讀下b ...

唔一定。有啲自閉症小朋友眼神接觸唔錯，有啲就局限於親人。

Joanwatson

原帖由 pokey 於 14-03-03 發表
從來干涉人教仔都會失感情，即使係多年好友，你一講人地個仔點，或者佢地教法點，即刻反面都有可能。所以我 ...

全對 基本上講過一次，見面氣氛已有不同，如果不是怕婆媳爆發我媽都不會要我開口吧，playgroup也是好提議，但私營機構不知道見小朋友有問題會否作出建議提醒，但起碼是一個學習機會，謝謝你的建議！

Joanwatson

原帖由 Vichang 於 14-03-03 發表
突然間諗起，如果弟婦未幫囝囝買保險，快d買，任何懷疑個案一入左file 保險公司唔承包！



  ...

姪兒出生我父母已經幫bb買左，不知道將來確診會否影響受保？謝謝你的提醒！

Joanwatson

原帖由 legolas625 於 14-03-03 發表
醫生話發展可以有6個月誤差，而家未識bye，應名，太慢了。
教仔一定要勤力，仲好辛苦，尤其係A仔，要不停同 ...

謝謝你的分享，看到你們為小朋友的付出令小朋友日漸進步，希望家人也盡快接受，好好幫助小朋友，雖然弟兩公婆說什麼搵食艱難 返工壓力是真的，家家都有，但我認為教養小朋友父母是責無旁貸的，小朋友比大人更無辜，有病加上白紙一張，什麼命運就是看父母如何去對待。

llam1210

試問一些有特殊教育經驗的機構例如心橋，循道。希望幫到你。加油。唉看你描述真同我女兒那時一樣

Vichang

原帖由 Joanwatson 於 14-03-03 發表
姪兒出生我父母已經幫bb買左，不知道將來確診會否影響受保？謝謝你的提醒！



  ...

如果買左危疾有自閉症，確診后可能有得賠。