有無人可以幫我呀！

vincat

小一仲可以教好佢, 你再搵下辦法啦, 除左耐心同佢傾多d, 我都無咩辦法教你, 努力!

SK@媽媽

原帖由 sugarnana 於 14-01-15 發表
新雅出版社有一系列德育故事叢書，圖書館都可找到。一本書一個主題，細細本容易消化，陪她一同閱讀，之後問 ...

K3 開始就中意同你對抗，例如飯後叫她飲水，她5飲，再叫，都5飲，甘我就由她，等一會再比過，一放低杯就即刻話我要飲水！刷牙，訓覺，冲涼，換三每一樣都係甘，咒眉頭灰灰氣氣話：哎呀！換啦！換啦！換啦！麻煩！我初初都抱住開朗的態度解釋比她聽，這樣係5啱！她也說知道，我以後都5會甘，因為我愛媽媽！
但其實一直都沒有改過！得個講字， 有時仲要變本加厲， 久而久之，我既容忍已經到了極限！

SK@媽媽

原帖由 vincat 於 14-01-15 發表
小一仲可以教好佢, 你再搵下辦法啦, 除左耐心同佢傾多d, 我都無咩辦法教你, 努力! ...

謝謝你我想揾學校社工傾下！5知得5得！

SK@媽媽

原帖由 sugarnana 於 14-01-15 發表
新雅出版社有一系列德育故事叢書，圖書館都可找到。一本書一個主題，細細本容易消化，陪她一同閱讀，之後問 ...

到小一情況更加惡劣！

sumyau1012

你話你唔鐘意，無說服力。你要俾佢知係為佢自己。

aleelee

我覺得你囡囡係引你地更主意她，平時親子玩既時間怎樣？？

hopeeee

我仔仔而家k3都有類似情況！因為我本身有用stickers獎勵計劃，而家，就講大話，扭計,還有做錯野想唔認我就減一個stickers 。。現在開始慢慢改緊。。。重有，睇圖書時如有相同人物事件發生，我又會話: eee, 呢個甘似你既？？hahaha, 原來你甘唔得人鍾意架。。。好囉，我諗你就快好似佢甘無朋友！

SK@媽媽

原帖由 hopeeee 於 14-01-15 發表
我仔仔而家k3都有類似情況！因為我本身有用stickers獎勵計劃，而家，就講大話，扭計,還有做錯野想唔認我就 ...

我有貼紙獎勵，儲夠有禮物，儲下儲下佢竟然話：換禮物又點者，又5係d呢特別禮物！
我都有試過用圖書比諭黎話佢，講下講下佢就喊住話：你做咩話我無朋友呀！你話人先無朋友呀！你好想無人同我玩咩？你都5錫我啦！
總知就打橫黎講！

yanlamma

我囡囡都有類似問題，現在她小四，小三開始覺得她態度惡劣，做事散漫，屢次惹人生氣。後來我決定將她的劣行用畫公仔形式寫下，每次她惹我發火就告訴她在使用哪一招惹怒人，另外，又試過將她的言行錄音再play back 給她自己聽，她才察覺原來佢自己好衰。

她也是做錯唔肯認又駁咀的人，經過多次駁火，平息後告訴她剛才點解打仗，原因便是她不承認錯誤，解釋給她聽做錯要認、補救而不是駁咀，除非她沒有做那件事，現在情況好一點，但佢有時會忘記，每一次事件都要反覆提醒佢。

在學校她可能從同學仔身上學左d壞毛病回家，要跟她解釋分辨好壞，要時間！

長期作戰中，累啊！不要氣餒！

SK@媽媽

原帖由 aleelee 於 14-01-15 發表
我覺得你囡囡係引你地更主意她，平時親子玩既時間怎樣？？

玩，佢都可以玩到發晒脾氣
有一次我話同佢玩一陣，但細佬訓左，要玩d安靜d既遊戲，佢話好呀！甘我地玩咩呀？我話玩呢樣，又話5好，玩果樣，又話5好，甘我話不如你揀呀！她就開始發脾氣，叫我再諗，諗完又係話5好，我話甘你想玩咩？不如你講啦！她就話：係你要玩，應該係你諗，又5係我話要玩！
就算好地地玩都會發脾氣！
我係未應該帶她去睇下心理醫生！佢既EQ真係好低！

hopeeee

原帖由 SK@媽媽 於 14-01-15 發表
我有貼紙獎勵，儲夠有禮物，儲下儲下佢竟然話：換禮物又點者，又5係d呢特別禮物！
我都有試過用圖書比諭黎 ...

會架，我咪唔彩佢囉。。。ignore 佢，佢地會知衰架！講得多會覺得我地煩，咪唔講囉，總之，要比佢知你非常唔鍾意！再唔得，就無得去街，無得去朋友生日會之類！

hopeeee

加油吖！you are not alone !

Jane1983

hopeeee 發表於 14-1-15 15:33
加油吖！you are not alone !

"You are not alone!" 講得好！ 養育小朋友，吾係呢樣吾好，就係果樣吾掂，見到多。
天資吾好，功課跟吾上，你擔心；聰明醒目，但吾聽話，你又煩；到乖巧讀書叻，你又怕佢甌豆，運動吾得：到讀書叻，又乖巧，身體又可能孱弱。

見招拆招，盡力做到最好，就夠！

SK@媽媽

原帖由 Jane1983 於 14-01-15 發表
"You are not alone!" 講得好！ 養育小朋友，吾係呢樣吾好，就係果樣吾掂，見到多。
天資吾好，功課跟吾上 ...

多謝大家支持，5係得我一個作戰緊，大家一齊加油！

魚兒小寶貝

直d講，你女女既行為聽落都幾恐怖，好似好喜怒無常兼有公主病咁，態度真的＂好串＂！我仔K3，佢除左T2時出現過No man情況之外，冇試過咁，但我有見過有呢d行為既小朋友，我認為應該找出個根先，再諗對應既辦法好d。

睇你做既野，感覺你好＂正常＂而且識教，但點解囡囡咁呢? 所謂當局者迷，會唔會你對佢過於寬容而不自知呢? 一路有父母管教既孩子，為何有咁多不良既行為? 為何佢有機會累積呢d不當行為呢? 當初問題出現時，你有即刻矯正嗎? 認真問一問熟悉而經常接觸你兩母女既人，你有問題嗎? 另外，你地家庭和諧嗎? 你是FTM嗎? 囡囡幾時開始係咁? 升小一後嗎? 模仿同學或朋友嗎? 睇得電視多嗎?

我見過有個小朋友，佢爸爸好鍾意同佢玩，專登整估佢呀，攪下佢呀，講反話呀，說d似是而非既說話呀，整到佢喊。。。然後佢學佢爸爸，講埋d野就正正同你囡囡一樣，最初佢心裡只當玩，但好快（真的好快），呢個行為成為左習慣。

又有一個小朋友，從小好乖，但升上小一後性情大變，打人講大話駁咀，初頭以為唔適應小學，但經深入了解後發覺，升小及同學之間係有d影響，但最大原因相信係因為媽媽生左一個好可愛既妹妹。。。

除了管教太寬鬆，管教太嚴、經常打駡亦會出現此情況。講大話亦是一種逃避行為，明知講真說話冇好後果，寧願講大話逃避。

SK@媽媽

原帖由 魚兒小寶貝 於 14-01-15 發表
直d講，你女女既行為聽落都幾恐怖，好似好喜怒無常兼有公主病咁，態度真的＂好串＂！我仔K3，佢除左T2時出 ...

多謝你既分析，你講中左幾點
1..我要反工的，但每日六點反到屋企，都有時間同女兒溝通。
2..主要係99湊，99個性格急，燥，講野大聲，加上請了工人，一做得5合心意就鬧
3..你所講既爸爸，很像我老公。
4..上年細佬剛出世

SK@媽媽

原帖由 魚兒小寶貝 於 14-01-15 發表
直d講，你女女既行為聽落都幾恐怖，好似好喜怒無常兼有公主病咁，態度真的＂好串＂！我仔K3，佢除左T2時出 ...

管教方面，有獎有罰，做錯事首先會提佢一次兩次，第三次就嚴厲警告，再錯落去就罰，有要求不可以喊住扭，喊住扭就一定無，麻麻，爸爸，我，三個之中最容忍，忍耐，耐性，我勇講係我，你提醒左我，得我一個人正確係無用，我一個人既力量係5夠，老公方面，我有信心糾正，但99方面真係個大問題，好難好難……

魚兒小寶貝

表面睇，我覺得問題之一是你對佢太過寬鬆，你會幾時罰同點罰及罰咩野呢? 我是反對體罰的，除左講道理外，適當既懲罰是必須的。罰得佢，一定要有阻嚇性，每個人都有弱點，都有佢喜歡既野，針對呢兩方面罰佢就最好。你亦可同佢一齊制定及協議。

例如我仔視書如命，如果罰佢一晩冇得睇書，我諗佢會覺得比死更難受（所以呢樣我未試，嘻!）我會罰佢企、冇得去兒童遊戲室、圖書館、取消之前安排左既行程。。。仲有一個剎手諫 - 係我自己，因為我係佢最大既玩伴，如果我唔啋佢唔同佢玩，佢會好驚（故有嚴重事件才會使用）。

另外，平日比佢做多d服務性質既野，如家務、幫人拉門、讓人先行等。盡量唔好經常問佢＂好唔好＂，最怕d人同小朋友講＂著衫好唔好? 乜乜好唔好? 佢地仲細，只會諗d自己想做或對自己有利既野，口頭蟬般問好唔好，只係癈話或假民主！比如飲水，除左解釋佢知水對人體既功用外，我會比兩個選擇佢，一係飲一杯一係飲半杯，如佢講數話飲三分一，視情況啦，有得傾既，但起碼佢冇得選擇唔飲（呢個係比喻遮）。

SK@媽媽

原帖由 魚兒小寶貝 於 14-01-15 發表
表面睇，我覺得問題之一是你對佢太過寬鬆，你會幾時罰同點罰及罰咩野呢? 我是反對體罰的，除左講道理外，適 ...

真的太寛鬆
警告之後罰，又時罰企，罰無遊戲玩，罰無電視睇，罰星期六，日無得玩手機，嚴重罰係體罰！
我要檢討一下

魚兒小寶貝

回覆 SK@媽媽 的帖子

Oh, sorry! 我打字慢，所以send出去前未見到你的回覆！
同我3年前一樣，果時囝囝由99湊，老公同6299都好縱囝囝，佢地直情同一鼻孔出氣，眼見囝囝愈來愈曳，愈來愈少爺仔，為免第時埋怨人及自責，K1時決定自己湊番，依家囝囝乖左好多好多。

唉~ 唔係自己湊，真的很難攪!