deleted

legolas625

好多謝各位

呢幾日好忙，除左返兼職，親身去左協青及心橋報名，全部都要排隊。我發覺問野都幾花時間，一黎好多唔同課程，問協康話無私人S位，有密集班，我都亂亂地，因為同係forum上見到既唔同，二黎我阿仔仲細，有d課程要2歲先報得，變數較大，都唔知咩先岩佢。三黎，睇下好唔好彩，遇唔遇個識答、同有心答的職員，我試過俾人敷衍。

仲有我忙去買玩具，在醫院見到的測試項目，我在屋企DIY和買番黎，包括磁力畫板和似人的公仔，教佢拿筆和手指指眼耳口鼻，同埋用屋企玩具車綁繩教拉繩。

我想問，見到醫院有圓形板吸落圓形板窿內的玩具，邊度有得買?

沙田傻妹妹

LEGOLAS: 唔好咁擔心+CRYING, 我個仔宜家13 個月, 我係佢半歲已覺得佢似自閉, 宜家都排緊.,又做緊, 學其他姐妹講, 早D 介入, 早D有改善.

legolas625

沙田傻妹妹，半歲就知道佢自閉? 佢有症狀呀?

我個仔下周排到去做協康首次個別幼兒訓練，個導師話最細做過20個月，阿仔16個月唔知有無用? 只好咩到試下。


最近進展:

- 識分辨媽媽、爸爸、婆婆，例如我老公叫媽媽呢，佢會望我，唔係次次肯，但佢係識分，睇心情。
- 開始識少少手指指，但要抬起佢隻手提佢，好勉強。
- 終於識撕紙巾。
- 自己爬上梳化，自行坐好。
- 上到一、二級矮樓梯

- 開始腳尖行路，仲好開心，我立即制止。

沙田傻妹妹

宜家的症狀：1. 唔望人，鐘意望風扇、鐘、轉的野， 2. 叫佢無反應，3.唔會手指指，4. 唔會特別「痴」」我地家人，5.唔會同家姐或妹妹玩(無群體)
  
半歲的時候係發展慢，唔識坐，啱啱轉身，佢之前有做開PT，所以都觀察到，過多幾個月就仲似自閉，
宜家月尾會第一次去CAC，已排早訓，

legolas625

我個仔半歳時都未識坐，而家OK

legolas625

今日第一次去協康做幼兒訓練評估，好緊張

fongbau

先唔好理個診斷係咩，越早排到服務，越有可能追得返！

legolas625

阿仔在協康評估個日，不時轉頭望我，幼兒導師同佢玩，都開心有反應，導師話佢社交、認知其實唔係咁差，似一歲多的bb，不過係跟指令、認物件弱d。

前日阿仔突然識俾俾，仲好開心，各位媽媽，付出係會有收獲的，大家努力。

TTT520

我囝囝宜家10個月大, 我發現佢有以下情況, 想請教係唔係有自閉傾向?

1. 好鐘意望轉O既野(風扇/抽氣扇).  比佢玩有車仔/有轉得O既玩具, 佢會好鐘意玩車轆/係咁轉個部份
2. 有EE 呀呀咁叫, 但無特別發音講爸爸/媽媽呢類.  
3. 要7-8個月先肯轉身(佢比較肥, 6個月有21LB), 宜家8-9個月可以坐係度.  9-10個月可以扶住野企係度玩.  但佢唔肯爬, 之前轉O左身又唔肯郁(唔好反返身), 只會係度喊.
4. 同家姐有少少交流, 見到家姐會笑會有撲埋去.  但有時佢玩緊時叫佢名, 要叫2-3次先會望你.  我放工返黎時, 一見到我會笑, 會叫我想我抱佢.
5. 佢食飯時食得1/3 就已經唔係好肯坐, 一路比玩具/書引佢都好似無咩用
6. 佢有濕疹, 個頭成日會好痕又R損晒.  有時佢會向後撞HIGH CHAIR 磨頭, 我都唔知佢係痕定係其他原因.
7. 我媽有時會開電視睇, 佢一睇到就眼定定 (睇電話都係)
8. 教佢用手攞下餅, 經常性都唔肯, 見到你手攞住餅仔就拉你隻手埋口就咁食.  
9. 叫佢用手BYE BYE只會一時時肯做.  
10. 好鐘意痴實姐姐, 有時我媽 (每日都會揍佢, 姐姐係幫手)抱開佢, 佢都會喊.  

另外想問下排位,有無指明小朋友要幾大先有得排?  要唔要一定做O左評估先?  

THANKS!

fdsafdsa

TTT520 發表於 14-2-20 13:51
我囝囝宜家10個月大, 我發現佢有以下情況, 想請教係唔係有自閉傾向?

1. 好鐘意望轉O既野(風扇/抽氣扇).   ...

好多 BB 都係咁, 唔好亂諗野.

legolas625

其實10個月仲細，但可以小心觀察下。
我的意見係BB睇轉的野好正常，但唔好沉迷，因為醫生評估時有問過。一定唔好俾佢玩車轆，教佢正確玩玩具的方法。唔好開咁多電視，因為會忽略左與人溝通，係要有少少犧牲。

legolas625

TTT520，我覺得要留意叫名佢應唔應，同埋與人有否眼神交流，望得好唔好，建議同佢玩多d，講多野，留佢知道要望人，同人要交流，不過要慢慢黎，唔係幾日就得。不過自閉症狀分三大範疇，唔係有少少就係既。

至於排位，我諗無限幾大要可以排，有d媽媽話小朋友好嚴重都可以好細個就排(如體能有問題)，但一定要有兒科醫生或心理學家評估，如果你有擔心，可以叫健康院或搵私家寫信轉介CAC，或自己搵私人評估，但一定要搵有認可資格的專家評估先可以排e/i/S位。

HopeLJ

你要搞好濕疹。最好唔好靠類固，要由基礎入手。小朋友好可能牛奶敏感，蛋白敏感，可以去驗食物敏感（要抽小小血)。如果係，咁你轉咗豆奶可以見很大好轉。(但都有小朋友黃豆敏感的，要驗清楚)。

HopeLJ

你咁快就有進步真係好，繼續努力，好快就追到。

crystal媽咪

早知道早排服務都係好事, 而家未夠歲出去上堂.
可以找些單對單ST / OT /PST做住先.

負擔到的排隊上密集班(即係私人S班),每次2-3小時,每次上半天,一星期四至五天.
因為而家排隊,都差不多要排成半年.

你可以加入協康/明愛一些家長資源中心, 可以去借教具,咁就買少一些.
詳情你上網再看看.

legolas625

報告阿B最新狀態

就黎18個月

- 自己識開心拍手，知道自己完成某件工作，亦會拍手。
- 曾經識自發Bye Bye(見人地出門口)
- 同熟人玩眼神OK，陌生人未得(早幾日又俾playgroup老師叫我做評估)
- 叫名時理時不理，睇佢心情和係咪專心做緊野。
- 開始習慣坐凳仔，知道食野要坐低，試過去面試自己拉開張凳坐。
- 做指令、玩玩具有改善，但未追上其他小朋友


- 仲未識手指指，但會拉大人隻手去拿或行去做某件事。
- 唔願講野，大部分是BB話，玩時會流口水，曾經模仿過講爸爸、媽媽，但好少。

legolas625

我而家上緊單對單幼兒導師訓練，每周一堂，我同老公去齊，一起睇老師點同阿B訓練，每日返屋企自己教，老師都有借玩具俾我地訓練。

legolas625

聽日同老公帶阿b再去見CAC醫生，好驚，好擔心~~~

legolas625

阿b最新識手指指了，但望人差左，好似懶左望人，譬如指人，但唔望o個個人，係咪會咁?

上次cac見醫生，醫生話好左，點解而家又差左，好唔開心。

TTT520

SORRY...好耐無上黎....等我講下囝囝情況.

宜家佢17個月大, 同佢去上緊感統訓練O既班.  
無搵過醫生去做評估, 不過見O左一位教育專家,
佢睇過囝囝情況, 話佢唔係自閉, 因眼神接觸同與人交流都好好.
玩車轆宜家重有, 但老師話佢玩玩具車係自己用手轉係可以.
只係唔好成日比佢望風扇抽氣扇個O的就OK.

佢已經識用字表達, 爸/媽/姐/婆/爺/車/街/包/貓之類單字全部都識講,
出街會同人玩, 有交流.

濕疹問題有改進, 因為我終於搵到佢係對香蕉敏感, 一戒就無咩點痕,
但宜家想同佢去做TEST, 再搵下邊O的食物係敏感.

佢食飯坐唔定, 有時都大脾氣, 加上敏感, 我已經幫佢戒蛋,奶,牛之類O既食物.  宜家會買GLUTEN FREE 餅仔比佢, 轉豆奶, 暫時都叫ok.

多謝各位比過意見同幫助o既媽媽, 我都會keep 住留意囝囝, 希望幫到佢健康成長. 亦祝各位媽媽同小朋友身心健康!  thanks!