你細個有冇書檯？

glo000

讀廿年書都係用果張枱

eviepa

我讀中學時，屋企係工埸，日間完全讀唔到書，要温習就一定要去自修室。晚飯後如果想讀書，就要搬開D雜物，用一瑰大木板，放嚮一張又窄又長嘅枱上面。櫈係無椅背嘅圓摺椅。如果有一張摺枱，一張有椅背嘅櫈就好開心咯。

jdhwangmom

雖然家有3房兩廳, 幼稚園至小三時我跟奶奶住, 做功課時都是開張小摺桌, 到了小四有了自己房間才有書桌, 但仍然喜歡在客廳做功課和溫書.

A-Mum

我細個屋企有張長板櫈，擔張櫈仔坐埋去就可以開工。其實好方便，啲書可以隨手放地下，霸下遠D霸下又遠D，＂枱面＂面積可以無限擴大，又唔駛做做下要清枱開飯。

習慣成自然，我大學 final exam 又係坐係宿舍地下讀，攤到一地筆記，不知幾壯觀

annie40

原來大部份家長求學時沒書枱，卻出奇的讀好書，結論或可歸納為「沒有書枱跟讀書能力沒多大關係」。
xxxxxxx
話說回來，我們這一代家長努力工作，節衣縮食地為孩子提供書枱，書架，書櫃，書籍等，也是希望孩子用心學習，想法是美好的。部份家長無能為力是事實，不需可憐可憫的，量力而為，超越障礙，成功的人生不是贏在起點，而是䇔在轉折點。

20120808

什麽「制度」或「思想」也好，過份「高舉」而導致莫視其結果所帶來的現實性影響，當下就正正顯示出其制度及思想的缺陷了，不是嗎?  

smalleye

當年我身邊的人好少稱呼一張枱做"書枱"，因為全屋得一張，基本上是萬用。想分享我師兄一段關於枱的往事，一家人只得枱一張，所有兄弟姊妹都在上面攪掂晒啲功課，夜晚那張枱就變身成亞哥張床，而師兄就墊塊𥱊瞓枱底，為了慳點錢，那張枱不是甚麼地方買，是他老豆執回家的！就這樣，他一家兄弟姊妹陸續入讀港大、中大、理工等。從前他媽媽由朝到晚車衣來養活一家七個細路，最近才知道他媽媽當年是接沒有多少人願意車的壽衣來做，就是為了賺多點錢！今天所有的子女也學有所成。

camomile00

我好似中四左右開始，唔止有書檯，仲有自己一間房。兩個家姐要share房，因為呀媽覺得我要讀書，自己一間房會專心D。但其實我多數o係房入面聽歌同玩電腦。。。。。。跟本有無書檯，有無自己房同讀唔讀到書無關係。要讀o既o係屎坑都可以讀到。唔讀o既，就比間豪宅你，都唔會讀。

Jackieson

http://www.dailymail.co.uk/news/ ... est-apartments.html

好鍾意上面條link入面的文章裡頭最頂的一幅相, 即一對姊弟扒在碌架床上層, 比到我好有童年回憶!
當年屋企又係咁細, 但環境仲惡劣因為係木屋, 又係同阿妹在碌架床上面做功課, 瞓覺, 玩. 伸手就攞到書, 文具, 被窩... 好有自己的空間     書檯喎, 諗都未諗過.

wister

無啦，得張摺枱之嘛

Obiepapa

一張台就可以解決教育問題太簡單了。

neverstop

咁有枱用點都好過冇

sirsix

無架,係摺台黎

easybring

膠櫈仔+木板床當書檯。連自己既床都冇。環境一日比一日好。中三執到張鐵書檯。雖然不是高材生，幸運地讀書機會也多，今天生活滿足。希望下一代明白啦！

Ceci333

不如社福機構先做一個報告，說明書桌與成績的因果關係，才說其他罷。

ANChan59

原帖由 Ceci333 於 14-02-06 發表
不如社福機構先做一個報告，說明書桌與成績的因果關係，才說其他罷。

即是強人所難！