我打左個仔一大餐

麟媽媽

好在我仔學校唔比一年班帶錢，唔係都可能派街坊。
不過上次有個同學帶左張八達通，跟住係部vending machine度猛咁”dud”！個媽咪發現無晒錢通知老師囉。最後有份分贓的全部小息無得落操場玩，另外持咭回校既要留堂吖！當然我仔都分左一罐汽水，但佢唔係自己飲喎，而係送比佢個好朋友，因為嗰日佢生日喎，你話D細路係咪日日新鮮吖！

carollam310 寫道:
小朋友交換筆同刷膠好平常~~互相送禮亦有~~我個女帶錢送比同學仔添啦 :evil:  :evil: o個D錢係佢命根黎架,佢讀幼稚園時已經用呢個粉紅色公主銀包,裏面有5張全新紫色十蚊紙.佢平時出街會帶埋出去架.但三年黎o個5張十蚊紙都仲o係度,佢唔捨得用架,做樣帶出街咋.點不知依家上左小學竟然捨得拎去送比人.係老師打電話比我話我知我先知咋~~ :evil: 你話激唔激死o丫~~升上小一之後我個女都比左唔小"驚喜"我....... :

Bluestar

真正的分享。

carollam310

我女學校小一都係唔俾帶錢架.佢自己偷偷地帶架~~~新年後返學仲帶左廿幾粒金莎請D小朋友食添.人地又請返佢食瑞士糖.仲有校車上既朋友呢~~真係好客~~個個都話要請.佢話人地請左佢食,佢就要請返人地食喎~上次o係校車有個姐姐請佢食橙色o個D魚柳.又硬又冇牙食(換牙中)佢都要食~夾硬用兩邊牙扯.搞到兩邊咀橙色.食到落車都仲食緊~~笫二日又要帶野回禮~ :  :

師奶

All Ma
我個仔係傳統一行行坐,家長日老師都有話佢坐位附近有筆、刷膠、文具,跌左都唔知，其實都有懷疑小朋友吾小心拎左，懷疑都冇辦法現在只好將新刷膠切開一半用，我都吾想打佢，但佢又吾記得寫家課冊,又吾記得帶常識簿,又吾見刷膠做功課又慢吞吞,卒之就打左佢一餐。
見到你o地D仔女原來都係比咁多'驚喜'你，唉！我都係要睇開D先得

師奶

carollam310
你個女好闊老啊,見到你個女咁,我覺得幾可愛,吾好意思見到你個女咁仲覺得咁好笑,由其係換牙仲食好硬ga魚柳包 :

砂糖爸爸

No good ! He didn't do it on purpose - right ? as u said, he just 大頭蝦 ! Maybe he was very sad ! it may be even worse if u 打左個仔一大餐.

I believe encouragement is the best way rather than punishment !

Try ....

connie_mak888

請你不要打你的仔仔, 太殘忍了,雖然唔係我個仔,但我聽見都覺得好驚, 仔女係心肝命"ting", 唔好咁啦, 即使有時表現的很大人,但佢地年紀還很少, 請你不要打你的仔仔,

Charitymami

其實唔見文具都係小兒科啫, 我個囡自升小一以來, 都有唔見鉛筆, 擦膠, 顏色筆等等, 有時筆袋仲多左D其他牌子嘅文具, 個個小朋友都係粗心大意喇! 唯有同佢講好好 keep 好自己嘅文具, 因為"買"唔係問題, 但唔好浪費囉!

記得學校開家長會時, 有D家長要求老師延長網上功課系統, 因為個囝成日漏抄家課冊, 成日要打電話問其他同學, 好麻煩; 但老師話佢地是有能力去 handle, 應該要學識自律, 唔好太過倚賴父母, 如果我個囡唔得抄家課冊, 我就會好嚴厲對佢, 佢亦知媽咪底線, 所以佢自己執書包, 點功課, mark 低重要事情 (e.g. 默書) 在日曆上, 自己一腳踢。

所以為人父母, 打是解決不到問題, 在大事上執著, 小事就隻眼開, 隻眼閉, 無謂影響親子關係。

紫晴媽媽

各位媽媽,
雖然我個女得5個月,但好奇心下入黎look下,你地d小朋友真係好'可愛'俾住我其'開心'死 :wink:

師奶

打完我都好吾開心，其實我都有用獎勵方法，佢學校功課做得好會有金貼紙，默書100分又會有印印,儲夠一定數量我就會買禮物，佢好鐘Tomas火車同Tomy車仔,所以佢都好努力儲，我可能真係對佢太高要求，淨係覺得人o地吾會咁點解你會咁！諗真d其實佢都吾係太差,起碼佢會主動溫下書,我就只係記住佢d缺點，唉！我d IQ同EQ真係太差啦。 :cry:

WYmom

It is very common for small kids to lose their stuff, my daughter lost her jacket, wallet, stationeries etc., sometimes forget to take her homework back home, miss this and that....  She is getting better in P.3 now, but still very disorganised.  Even she writes down the things to do in her handbook, she still forgets to bring this and that sometimes, so really feel very annoyed to remind her everyday so many things, and it does not work at all if you beat your kids as they seems to have short memory...  

So have to take it easy, it is really a training of our EQs, and we need to think of a lot of different ways to help the kids to manage their own stuff.  Beating will only hurt the relationship with kids and they will be worse...   

師奶

All Ma
前日我在筆袋及家課冊寫住提佢帶齊文具返屋企及寫齊家課冊,尋日放學文具就齊晒,但家課冊就欠一項功課,今次只係叫佢小心d,現在寫在紙仔提佢，希望會好轉啦！

anna_gigi

師奶

你個仔都話曬小一(庶),你地話唔見擦膠文具我只覺係小事,我有個仔己中一都係咁,文具不在話下,連教科書都可以唔見,由小一至小五常常唔見八達通,激唔激氣 問你打得幾多次

師奶

All Ma
我個仔放學話我知,他成為班裏第三位大使，我好意外,我諗緊係老師想比佢學習責任，等佢乖d，我叫個仔要好好珍惜這次機會,做大使要做個好榜樣,吾好咁大頭蝦啦！今日d文具及家課冊帶齊晒，希望佢可以堅持到底。