什麼才是真公平?

jamiee_c

點會有公平﹖幼稚園，識人好過識字!!!

普通家庭如我們，入到心儀學校，在乎「天時、地利、人和」，當然有「實力」同「運氣」同「學校位多」的機會較
大。

yokeeland

呢個係無據可依的遊戲，我地永遠唔會知道學校收生的準則，所以不用猜，輕鬆面對就可以。

好多時都係學校挑選認為合適在他們學校入讀的小朋友，而唔係完成所有指令的小朋友。

ballg

幼稚園只係起步，唔需要浪費太多精神同感情，我諗起當年自己畢業，都係不停寄信，interview ，咪又係咁上下情形，人生就係咁！最重要係小朋友健康快樂！

AnnieYau

現今社會, 我相信每個小朋友的能力都比父母幼小的時候高, 幼稚園面試只是人生的開始, 不要看得失太重, 自問自己見工也不是間間收. 學校有自己的收生要求, 我相信不是單靠表現和背景, 也要睇眼緣, 因小兒in某校的PN唔收, 最後in K1 也幸運地被取錄

zero1022

我覺得最公平係唔好有面試，收生由申請表中抽籤決定，咁細個人仔面試叻唔叻唔重要，教育應本住有教無類先可以做到人人平等

wingyan008

呢個世界就係吾公平，幼稚園面試點會例外

DevilPig

原帖由 寫我心中話 於 13-12-04 發表
唔面試就等如平等?

我又有另一個睇法,

good point

jwycsw

社會無絕對公平，大家以平常心面對。做父母首要有良好心理質素，漫漫人生路，先要自己能接受失敗，才能教導小朋友將來如何面對人生的挫折。我囡囡上年IN N 班，差不多全軍覆沒，今年IN K1, 全部取錄。世事就係....愈唔志在，愈多意外。心態決定命運。共勉之。

zero1022

我想問咁多年來買左六合彩的人，有冇人因為唔中六合彩出黎嘈話唔公平？其實只要抽籤過程公平公正係唔會有人嘈的，咁小朋友同大人又冇咁大壓力

而家d人認為唔公平係因為唔知幼稚園以咩標準去做面試評估，每間幼稚園收生標準又唔一樣，面試結果係幼稚園內部黑箱作業，小朋友太細又唔可以通過考試評分做標準，事實上咁細個評估都冇咩意義，既然冇統一標準，而每個小朋友都有不同的才能，咁不如抽籤算啦

仲有，你話每間幼稚園的提目唔係秘密，做好準備就唔怕，咁就會有人有貼士，有人冇貼士，又點叫公平呢

zero1022

所以咪話要公平公正囉，仲要公開添！

不過幼稚園唔會咁玩，除非政府有辦法強制要幼稚園咁做，否則邊間幼稚園唔想收最叻最乖的學生，做家長的唯有按遊戲規則啦

xoshan1025

唔會啦！無學券嘅更加睬你都傻！

藍藍媽

原帖由 寫我心中話 於 13-12-04 發表
幼稚園想收最叻最乖的學生, 是佢地權利

我小朋友唔夠叻, 我就努力訓練佢叻d

有時都唔知好嬲定好笑，乜鬼都話抽簽最公平…… 第日連大學入邊科同做乜職業都話要抽簽就大鑊！  要向上流就係要自己努力的！今日入唔到名幼咪努力三年後入名小law… 都入唔到咪再努力law…  還是很懐念香港以前力爭上游的文化！

藍藍媽

原帖由 寫我心中話 於 13-12-04 發表
抽籤同共產冇分別

Exactly 係我的想法！我還是喜歡奉行資本主義的香港…… 喜歡以前大家視李生為偶像的時代……

xoshan1025

原帖由 藍藍媽 於 13-12-04 發表
有時都唔知好嬲定好笑，乜鬼都話抽簽最公平…… 第日連大學入邊科同做乜職業都話要抽簽就大鑊！  要向上流 ...

zero1022

原帖由 藍藍媽 於 13-12-04 發表
有時都唔知好嬲定好笑，乜鬼都話抽簽最公平…… 第日連大學入邊科同做乜職業都話要抽簽就大鑊！  要向上流 ...

入幼稚園的小朋友你同佢講要力爭上游，會否太高要求？