是運氣還是表現？

小洪寶

我覺得成功既一定係表現好或者中左幼稚園既target, 但失敗既吾代表表現差，可能係運氣，不須太上心

happywangbb

如果唔係最出名頭幾間名幼,應該係運氣眼緣多d,其他好睇學校收生準則,有d 2月大b反而唔收,收左12月細d,某d全日班只收雙職父母,有個街坊話interview時個仔走來走去都收左...... , 真係要睇開d

suki224

我都覺得老師好重要，有心機既，小朋友既表現真係好好多，相對一些好公式化去inn ，我個女跟住無反應，只怪我個女人仔細細，唔識睇人眉頭眼額，做個世界女

sin369

我成日都同老婆講，有200個位。1000人去考>800人個合資格>600人識答問題>400人表現特別好。依400人都係靠運氣去爭200位。

kiukiu1017

運氣八成，表現兩成。

ccMrsLo

運氣八成，表現兩成 X2...其實小朋友冇人收, 唔代表佢唔叻, 係佢運氣未到者...所以唔使太介懷..

hoping_c

運是九成, 出來工作多年, 打工都是一樣

rabbitbaby1

原帖由 rgalc 於 13-11-11 發表
運氣同眼緣一定有，不過表現更緊要！如十問九唔識，點收呀！

吾係呀，我識得有人無答都有pn offer,反而我囡答50%都無

mymelody999

回復 suki224 的帖子

我囡都係，老師有心機D就肯做晒！公式化嗰D直頭反感扭計唔想做，小朋友最真呃唔到人，唔做又代表唔識，所以我都覺得運氣好緊要……

lilyrico

唔知學校收生標準係咩。
係咪表現好既差既，都會收一定比例？
至於收邊個，睇彩數啦

daisylhn

考幼稚園同抽獎差唔多

運氣包括嗰日小朋友心情啦、面試時間有冇撞午睡啦、當時有冇嘢令佢分心、唔開心啦、面試老師評分鬆緊啦、眼緣啦、坐隔離位小朋友有冇影響佢啦等等……

lizwai2003

回復 DevilPig 的帖子

有時小朋友無問題, 但父母唔合老師眼緣...都無offer...
我覺得運氣好重要...表現一般都可能入到.
以前聽話朋友囡囡讀邊間名幼...我會話小朋友好叻!!!不過現在會覺得小朋友真係有書緣...唔係會話小朋友叻.
因為叻小朋友好多, 但都未必入到心目中幼稚園!!!

小曳人

大家有無睇過年前幼稚園老師分享條thread?
我印象中係咁嘅：
老師們第一睇衰嘢~ 即fail！ 特別係麻煩家長！佢地話有樣睇嘅
個別學校對家長背景會睇得幾重，如果係學校鍾意嗰類，小朋友表現就算一般都會收
跟住先睇小朋友反應、禮貌.. 專注力，遊戲時表現等

chumiguan

原帖由 小曳人 於 13-11-14 發表
大家有無睇過年前幼稚園老師分享條thread?
我印象中係咁嘅：
老師們第一睇衰嘢~ 即fail！ 特別係麻煩家長！ ...

請問點樣為之麻煩家長呢？老師睇咩衰嘢？自問唔麻煩，亦因我媽媽係老師，我好想阿女都識尊師重道。但啲幼稚園老師點睇人嘅呢？

macmate

原帖由 小曳人 於 13-11-14 發表
大家有無睇過年前幼稚園老師分享條thread?
我印象中係咁嘅：
老師們第一睇衰嘢~ 即fail！ 特別係麻煩家長！ ...

好想再重溫番，印象中都幾好笑

小曳人

chumiguan 發表於 13-11-14 14:36
請問點樣為之麻煩家長呢？老師睇咩衰嘢？自問唔麻煩，亦因我媽媽係老師，我好想阿女都識尊師重道。但啲幼稚 ...

咁你應該要搵返個post睇睇嚟！
因為d老師真係話一望個格，就知道係麻煩家長 ，好似話係好多問題好多投訴嗰d

happytummy

其實我都覺得老師除咗睇小朋友, 仲會睇埋家長, 如果小朋友喊or坐唔定, 老師可以睇到家長如何處理&同小朋友嘅互動