Oxford Reading Tree

natnat519

原帖由 IloveJJ 於 13-11-05 發表
其實我覺得可能至少由level3開始會啱啲，因為你講那套，我都買咗俾個細仔，佢而家k1.佢地另一套係level3-5, ...

Thanks for your advice.
由於呀囡只喜歡看中文書，所以想由淺入深加強佢嘅興趣。
因為仲有個姪仔歲幾，如果level 1~2太淺可以俾佢然後再買level 3~5

MrBeast

回復 natnat519 的帖子

所以之前我都是suggest 到library 借，anyway, 唔緊要，書多人不怪，我估淘返來都唔會話太貴，上少幾個班都返返來。
Btw, 之前有位老師朋友曾經同我說ort for hk 小學課程不太好，某程度上我是同意的，第一，它是用past tense, 對接小一幫助不大，第二上到stage 5-6, 有很多英國人用的字句，未必咁易get 到個meaning, 不過如父母本身英文都ok, google 下都不難。as a start and for 培養興趣，its a v good choice。

babywoman

淘寶好多假嘢.
不過,唔知翻版書有冇嚴重嘅影響?
極少上淘寶買嘢,特別未買過書

魚王

從1開始看，不打緊，小朋友會容易愛上，這才是成的第一步，level 1 to 2 很快會看完，買定3 to 9都得了！我仔今年四月到開始看，小一開學時開始level5. 有點感覺樽頸位，看少了點，因家深了和長了。小一過了兩個月，英文接觸多了，最近看番，ok bor, 可看到了！

pw_113

上淘寶買定stage 3 to 9啦, 百四本，隨序漸進的，小兒K3兩個月已由stage3 睇到stage7

minisheep

回復 pw_113 的帖子

請問你地係點同佢睇呢?

例如:
a) 當故事, 自己口講, 佢睇圖畫及聽我講
b) 每句同佢慢慢講, 叫佢認清楚無一個英文字 (集中學 vocab)

請賜教. (因為本身好少同佢睇書)

cute_melody

K2開始，阿仔學校每星期會借一本ORT比佢返屋企睇，老師會按照每一個小朋友嘅程度，借唔同stage嘅書比佢哋。

開始時老師係比stage4/5佢睇，因為學校K1開始，已經有教phonics，所以阿仔係可以自己讀晒成本書，當然有啲字佢可能唔明，佢問我會解釋比佢聽。不過有時佢睇公仔，自己都會估到係講咩。

其實學校老係有比家長指引我哋，小朋友返屋企係要讀比家長聽，讀完後家長要就有關故事，問小朋友問題，睇吓佢係咪真係明白個故事講咩。因為老師係NET teacher，佢會expect家長用英文問小朋友。而串字反而係其次，因為老師暫時唔會著重佢哋寫嘅生字，串得啱唔啱，反而係想佢哋多睇多讀。老師應為小朋友學識phonics，將來串字唔會有大問題。

K2暑假前阿仔已經可以讀到stage7，因為故事吸引，阿仔又好有興趣，所以暑假時買咗stage6-9比佢喺屋企睇。而家K3，佢已經可以隨手攞本嚟讀，stage9 32pages都可以自己讀晒。

而學校K3開學時，已經借stage8比佢睇，所以我相信佢讀嘅程度係自己可以handle到，只係學校希望，家長可以伴讀，增加佢嘅閱讀興趣。

睇到阿仔嘅進步真係幾開心，當然學識phonics更加容易培養佢自己閱讀嘅興趣。總括而言，ORT係一套幾好嘅書，故事吸引，有時我陪阿仔讀時，自己都有興趣追落去！

hoihoima

回復 natnat519 的帖子

ORT 陪伴我的孩子渡過最艱難的認讀期。他小一前讀到部分 Stage 6。不過之後我就沒有再買了，因爲他已有能力看英文小説，如老鼠記者。我還有一些 Stage 6 沒拿出來給他看。他現在看也當是普通圖書而已。

MrBeast

回復 minisheep 的帖子

Depends on 你小孩的能力和屋企語境，如廣東話，初初用口語講，跟著才讀，ort 低level 很少字的和經常repeat 用的字，認到讀到才move on to the next stage, 不要心急，這不是競賽。
Ps, 書第一和最尾頁有些指引和問題，很有用的，記著睇和用

momama

http://www.bookdepository.com/

minisheep

回復 MrBeast 的帖子

感謝賜教.

因為屋企講廣東話, 加上很少同佢睇書, 現在K3, 先由ORT Level 2 開始讀(真係好慚愧),
因大部份 vocab 佢都唔識, 所以我係先講故事一次, 第二次就每句/字同佢慢慢讀(等佢識多些字).

明白晒. 要"認到讀到才move on to the next stage".

多謝你的提示, 等我返去睇下" 書第一和最尾頁有些指引和問題".

感激!