如果P1-P3級頭20名, 到高小成績倒退,會是甚麼原因?

魚王

以我觀察，的確到高小，有步份在後的变了在前，中學更甚，從前一同升中的，在小學頭一到六名，得番兩個升到中六，其他的成绩很差㖭。反而考小學十名外的都上了中六。小一年年孝第一個女同學到中四分科後，又是大執位的時候，跳樓上了天堂！

cowmoon

如果係資質好，又鍾意睇書鍾意思考，唔洗谷啦。只要佢繼續好勝，就有動力。
不過，你話佢每個weekend打幾個鐘ipad game，要小心大左會 cyber addiction 啊。
有點非學術的課外活動比較好。

marcuscyrus

joanthony 發表於 13-10-24 22:46
咁我應該點做呢? 我而家同佢溫中文都係比幾本唔同的補充或測考前影印作業,  或者而家要開始加下作文了, .. ...

我諗唔係要佢再做多D練習或再睇更深o既書，而係學下專心/深入/專注之類

huba

明白家長們都關心孩子的成績，但樓主在資優教育版的帖子「沉迷打機，睇書...」中提到孩子的各式行為可能比成績更需要關注及專業輔導，在該帖中樓主提到已book 咗去做輔導，希望情況在改善中。

另外讓孩子連續幾小時任玩iPad，撇開上癮不談，對眼睛只怕也是有害無益。已看到其他家長提過一些好方法，我也就不再重複了。

huba

Deleted ...

marcuscyrus

同意，孩子的教養又豈只是成績，看來樓主的兒子學術上根本不用擔心，又已讀一條龍學校，只要關得學校那關就直上中學，那又何必執著於名次的上落？按樓主所述，應該不會變成墊底掛？
反而態度/專注這些問題應該及早解決

marcuscyrus

回復 joanthony 的帖子

呢度提及的問題才是最急切需要改阿，依家咁幸運入到間好的一條龍學校，名次那些暫可不理啦

ysnmama

我也認為樓主兒子學術上不用擔心. 反之真的可以加一種團體的運動給兒子. 只為強身健體, 學習與人相處, 遵守規則和紀律, 情緒管理等等. 減少打機. 不要為他唔開心就讓他繼續下去. 聰明的孩子是比較難駕馭的.

cowmoon

回復 joanthony 的帖子

如果從好的方面看，打機係一個好好的途徑去學自制，趁E＋細一定要教 self control。我聽到不少 case 到了小五六初中，想管都管不了。太多名人傳記都係講一個人成功必須有好的自制能力。能自制的人也會比較有自信。 每個星期 family day 去D唔同地方，例如 wetland park, museums, 郊外離島，回家再寫日記，你會發現小朋友好似一塊海綿好快可以將所見所聞融會貫通。

我自己的 case 是由小到大都係成積好，小學讀書好輕鬆，因為記性好，只要上課有聽書，考前溫下書，答題小心D，就九十幾分了，中學遇強愈強，自然會去讀。我記得我細個搭車返學，有個 auntie 每日成程車不停同個女計數串字，我覺得好慘，如果我媽媽都係咁谷我，我覺得我會愈讀愈蠢。

sukitelfold

11-12點瞓，會唔會諗下辦法?例如落街踩下單車、公園跑跳碰，令佢攰D而推前瞓覺時間。。。。如果係我，會停谷學術，重點行為、專注力訓練!!

marcuscyrus

joanthony 發表於 13-10-25 11:51
具體上停谷學術是指邊方面? 我自己已經minimize左......功課班: 如果唔上, 佢會做好耐, 中文補充: 唔做可能 ...

我仔都是小二，讀的小學仲要冇中學back up的，但我們除了上學就無額外的學術班，每天做完功課就ok，唔會再有額外補充，周末溫一次該星期教過的，考試才做補充練習，睇落好似好hea好懶散，但其實佢上堂有自己做筆記，咁我覺得暫時就唔使大量操練啦，佢自己有時興之所至會寫故事，就由得佢寫，我好少硬性規定佢每星期交一篇比我，當然勤力會有回報，但我做媽媽的，會諗我用多一個鐘頭在學術上，可能佢成績進幾分，暫時我睇唔到呢幾分對佢黎講有幾重要，咁我寧可佢多d 時間做其他野，平衡返，打機電視呢d可免則免，同佢玩下board game佢都好開心，有時同細佬無聊下又一日

HaYi

我覺得佢學術已好好,又肯自學, 真的未用好擔心, 反而冇咩其它非學術活動長遠會是一個問題,

好多類似的人會慢慢傾向冇動力, 年紀大左, 更只守在安全區 (佢自己擅長的地方, 不去試其它野, more and more 自以為是, 朋友更少), 我就係近排接觸了幾個P6生, 類似宅男宅女, 有好成績有不好成績, 但共通的是此些小朋友的成長我們都看到有大問題, 加上升中, 他們會好難應付.

其實有ADHD 的小朋友好多好精力充沛, 趁細個有時間, 又輸得起, keep 住多試下不同種類的活動, 可能有驚喜. 有些童軍在外小一已有, 可能會好些.

strawberry11

回復 joanthony 的帖子

在我角度是好 “谷” 閒時的興趣班又是學術的！

weekends打機電視幾個鐘不行！ 改去全家行山、戶外活動。不知你住邊？ 去下新界、離島行下…

(父母要身體力行，大家一齊行山、打波，去郊外野餐(我地喜歡去佐敦谷公園)，去科學館… 小朋友冇理由唔like)

發掘下佢d興趣…

男孩子 - 圍棋、劍擊、攀石…
英文好，朗誦、合唱團？

慢慢找，總有喜愛的

Obiepapa

原帖由 marcuscyrus 於 13-10-25 發表
我仔都是小二，讀的小學仲要冇中學back up的，但我們除了上學就無額外的學術班，每天做完功課就ok，唔會再 ...

呢位家長應該講出問題重點。成績不能保持，一般是學習態度，學習習慣，學習方法的問題。只有自覺學習，自我改善型的讀書方法才能走得遠。幼兒聰明，小學跟吾上，因為學習態度；小學叻，中學吾拔尖，因為學習習慣/方法（死記硬背）；中學名列前茅，大學不能出類拔萃，主要是天資；大學畢業，社會上撈吾起，主要是性格。