名校幼稚園

deechai

積奇百事 發表於 13-10-15 14:52
樓主, 諗下點解要俾小朋友讀幼稚園先啦. 讀幼稚園同唔讀幼稚園都係按照小學收生程序去做(自行派位及大抽獎) ...

你想講咩, 唔係好明??
有什麼關連?

loveDD

名幼咁多人揀當然有佢理由，名幼打個名喺度，大把人同你講有咩好有咩唔好，普通幼稚園你想知佢有咩好或唔好真係無咩人會覆到你，要知名幼都唔一定要錢，例如有些保良局，靈糧堂和救世軍的幼稚園都很出名，父母可以得個安心

taktakchichi

俾多一樣資料, 以我所知, 有名氣的官津小學, 多數有分"精英班"同非精英班, 分咗班教法就有些不同 (有些學校連教材都會有分別).

雖然唔係小一就分, 但如果小朋友個底打得唔好, 入到小學會吃力.
名幼生相對之下會較較有優勢其

入唔到精英班, 對升中呈分有頗大影響.

w_y

經驗話我知, 名幼生優勢係初期. 谷不得其法, 衰收尾的, 見好多.
只不過入得名幼, 家長多數重視教育, 即使上到小學比較少放任不管. 考得最好那些, 往往唔係最出名谷功課的那幾間幼稚園出身.

而且名幼, 唔一定都係功課深, 你去問下SPK 深唔深...

MrBeast

最主要係叩門和接小一(尤其是一線小學），名幼課程設計和教學方法有一定保證。但如你諗著play safe抽二缐，自己又有時間跟的話，理論上可慳返幾千個月。

siukitty

阿仔脾氣大，如有幸考入名幼，我都怕老師嫌棄佢

kyleebc

回復 siukitty 的帖子

不要氣餒！做到老師的實有佢辦法。

worldcat

回復 summato 的帖子

認同、加多一樣係名幼學術基礎普通會打好啲、到小學有幫助。

oooasis

好簡單
想考私小，直資－－－名幼學術強，有競爭力，更容易脫穎而出。
唔想考小學，打算讀官津－－－名幼可以打好語言，學術等基礎，銜接小學。
想讀龍校－－－入讀該校的幼稚園是最大，甚至唯一可以入讀龍校的機會。

loverbear

其實單純咁諗，只係想個仔打好基礎，有好嘅語境，接觸net, 就算大抽獎冇luck, 學到嘅始終係佢自己！

teambuilder

橫掂都要讀，當然揀間好，除非負擔唔起，否則節衣縮食都要子女接受最好的教育。可以的話，揀純英普（native)幼稚園，仲要小班教學。好小primary school能提供相同語境。

twinsng

好耐冇上BK了，小女兒當年亦報了不少學校，最終幸運地入了港島區1間有學券的龍校，現在已經K3了，亦剛interview了某些直資或私小。其實名幼不是有什麼特別，學術也不特別高，只是收生時學校揀過大家背景差不多，所以我承認未必只看小朋友能力，家長學歷亦是學校考慮因素之一。至於將來小朋友的學術水平，大多數是家長另外再讓小朋友上興趣班，如果只靠幼稚園教的，相信很難考到直資或私小了，因為呢種學校d題目越來越深，中英數加普通話，單靠幼稚園教的，實在難以應付。

miffish

回復 kongman 的帖子

九龍塘的根德園是著重中文, 小朋友的自理及紀律。
差多全部根德園的學生放學回家會自動自覺做功課的。
這一點, 老師真的教得好好。

而根德園由K1下學期已有測驗, 所以很多根德園的小朋友
可以馬上適應小一的生活。

candytsy

deechai 發表於 13-10-15 12:18
但如KV (很多人都想入), 但沒有直入小學. 聖心- 如果去到叩門, 基本上所剩冇幾學位.

那入讀那些沒有銜接的 ...

我諗不同在於開心學校同學術深淺的吧,像KV,它k2己經學英文句子,著重抄寫,語文,K3已經好像小一一樣操法,而其他開心學校會淺小小,無論讀什麼小學,KV出來的比其他幼稚園都容易跟上小一,可能這叫勝在起跑線上吧,但似乎同教育專家的6歲前幼兒應放養又有些背道而持!家長還雖看自身看法吧!

deechai

twinsng 發表於 13-10-16 09:56
好耐冇上BK了，小女兒當年亦報了不少學校，最終幸運地入了港島區1間有學券的龍校，現在已經K3了，亦剛inter ...

你所講這點, 亦是我另一個在思索的地方
今天名幼因為出名, 到底是學術成績出眾(不用外求)?
還是名幼本身家長的背景以及他們的財政能力, 所以入了名校外, 還要周邊的扶持, 令結果是名幼成績出眾. 但這結果跟本身(名幼)的關係不太直接.  更大是家長本身的要求.  子女入了名校, 為了保持在校以及父母間的互為因果, 相對的附加行為誕生, 導致小朋友後天培養比其他小朋友多, 看起來, 名幼真的很好, 但實情是因為大量資源.  

所以, 今天小朋友以自己能力入了名幼, 但沒有後天大量的資源, 在名幼分分鐘家長失望, 小朋友亦可能有挫折感.  

這只是我自己看法.  

chuchu789

原帖由 candytsy 於 13-10-16 發表
我諗不同在於開心學校同學術深淺的吧,像KV,它k2己經學英文句子,著重抄寫,語文,K3已經好像小一一樣操法,而其 ...

請問KV中文係咩

deechai

candytsy 發表於 13-10-16 12:44
我諗不同在於開心學校同學術深淺的吧,像KV,它k2己經學英文句子,著重抄寫,語文,K3已經好像小一一樣操法,而其 ...

我亦相信KV或其他名幼, 在銜接小一或學術一定有優勢.  但上小一是沒有.  除非已經安排了直或私小這條路, 不然, 名幼實際上是跟其他的沒有分別.  如是, 那各家長追求的名幼, 是什麼原因?  我猜, 家長們不會是因為學術起跑比人早這方面, 更甚是升小這問題上的優勢. 但如前面提到, 全部家長都是為了私/直小而鋪路?  

candytsy

deechai 發表於 13-10-16 13:01
我亦相信KV或其他名幼, 在銜接小一或學術一定有優勢.  但上小一是沒有.  除非已經安排了直或私小這條路, 不 ...

看了以上這么多家長,你還不明入名校原因,有些是想羸在起跑線,有些是為直/私小鋪路,對於兩樣都不是的家長跟本不用考慮名幼

deechai

candytsy 發表於 13-10-16 13:10
看了以上這么多家長,你還不明入名校原因,有些是想羸在起跑線,有些是為直/私小鋪路,對於兩樣都不是的家長跟 ...

可能你唔明我的目的或想法....名幼好在那裡!!  起跑線?  K1讀K3的課程或K2讀小一就是贏左起跑線?  那為何不是間間K都這樣做??  這很快並直接.  起跑線是需要大量的資源, 而不是名幼  ....!!

另外, 我之前問, 真的各家長是為了直或私小而入讀?  有沒有認為入名幼, 對入其他小學有幫助, 如是, 是否捉錯用神.

不過, 每人看法不同, 亦有自己想法.  我只是請教各家長.   

vnghk0001

其實真係唔明樓主想要乜答案，已經答曬啦