有無人都係Asperger + ADHD

chowqv

建議大家睇下一本“自閉兒希望你知道的10件事”既書。

我睇完，直頭喊左出黎。

baubaulee

原帖由 emaine 於 13-09-20 發表
我個仔都係Asperger,佢特徵係把口好似唔識停咁,要不停講嘢,好多時都控制唔到自己,企唔定,佢今年剛升小一,之 ...

同你一樣慘況!
互勉之!

maymay621

回復 baubaulee 的帖子

已經pm左你, 你睇下幫唔幫到手

emaine

回復 joanthony 的帖子

我個仔k1,k2時都係咁,叫極佢都係唔肯叫人(又唔迫得佢,因為迫佢叫佢會發好大脾氣),之後我就試吓由我做先,即例如朝早見到人我會第一個叫人早晨,有同學仔叫佢我就會問:你識xx架?(我仔個名),然後再問返佢叫咩名,跟住下次再見到佢就主動同佢打招,...到而家,佢唔單止會主動同人打招呼,連上巴士都會叫司機叔叔講早晨/午安,(我做咗成半年先有效果),你都可以試吓尼個方法,睇吓得唔得,加油呀!

chowqv

joanthony 發表於 13-9-24 15:25
你們D仔係咪永遠唔肯叫人, 唔敢望人? 唔敢望人呢樣佢自己都覺, 佢知唔好亦改唔到, 而唔肯叫人既無論係節日 ...

佢眼仔無望，但會叫人。但學校既老師，同我都會迫佢眼對眼講byebye。老師係捉實頭仔，眼望眼。

我自己湊，會要求佢望住果個人講，唔望當唔知佢同邊個講，無稱謂，都唔應佢。

呢個唔係有無得改既問題，係要佢（迫佢）養成習慣。

我個仔唔望，唔叫人，我會叫對方直頭唔好理佢，唔賣野俾佢。

chowqv

joanthony 發表於 13-9-24 20:37
Let me try

脾氣佢地一定發。唔好俾理由佢地唔做。一日唔得就一個星期。總之唔望都要叫人。

唔可以因為自閉就無禮貌。

我成日講阿仔，有把口就要叫人。

衰d講：自閉only，又無智力問題，做咩唔叫人！

不過，要全部人同你合作，要堅持過佢。

同埋，樓主有無幫個仔上情緒班？

政府既又好，私人既都好。

點都要執下呢d弱項。

hellolo

請問邊到自情緒班？我真的找不到！謝謝

baubaulee

我都想知

siufung

原帖由 joanthony 於 13-09-24 發表
本帖最後由 joanthony 於 13-9-24 23:39 編輯

你地真係要超強EQ...
我女兒是奀皮少少，不過都算oK...好抗拒頁面語句(例如死、癡線、蠢、衰、甚至“屎“-因為污糟)，她歸這些爲“粗話“，小朋友不得講....做錯事會驚我炳，罰企抆耳仔會勁驚....會講對唔住...平時成日會好lum走埋黎講“I love u“。但間中脾氣好大，會死撐和大吵、掉野落地、甚至慶得滯會打人(只敢打爸媽)、打招呼好心情或鼓勵她會做，10次有5次會叫，但得1次半次主動叫....
在街八成時間hyper好開心周圍走、拖唔住，一有電梯和馬路就自動拖..因知危險...
我d朋友都話我縱壞曬，不肯乖乖拖實，太失控...在酒樓食飯永遠坐不過5分鐘變除鞋企在凳上邊玩邊食，3yr7個月末肯自己食，要餵先食好少，又揀飲擇食...長輩都側目覺得我冇家教..
我想講的是，別人常以爲不達他們心中的標準就是父母縱壞、冇家教...但其實邊個唔想自己仔女又乖又聽話？根本天性是難馴的...試過好多次見人拖住乖到冇人有的同齡孩子的父母，見到我女周圍標，相形見拙，他們的眼光是既爲自己子女自豪，又鄙視你孩子曳，看到很無奈難受....
無論如何父母都愛自己的仔女，大家努力加油吧！

hellolo

做媽媽係咁苦，我个仔脾氣差，教唔聽，固執，打人，4歲半，我都唔想打鬧佢，但每次要用打先唔發癲。我都好辛苦，我係在職媽媽，如果自己湊番好唔好？

chowqv

joanthony 發表於 13-9-24 23:34
D房門成日被佢好大力咁開關(發脾4), 好彩夠堅固, 打極佢都控唔到自己, 把口臭到不得了:第日送你去老人院唔 ...

媽媽，咁唔得既。要正視個問題。

佢點會唔識，佢識搵人蝦。可能我個仔自少係我湊，我地感情好深厚，阿仔成日都唔捨得我，唔可以無呢個媽媽。

雖然佢久唔是都會郁手郁腳，但我信佢真係無心。

如果照顧者都郁得，出去就好有禮，咁唔得既。大個容咩易打老婆（因為越親既人越放縱）。明愛唔得既，你有無

睇政府既兒童精神科？可以試下政府既服務，佢地教得唔錯。同埋有無俾佢參加制服團隊？

baubaulee

原帖由 chowqv 於 13-09-25 發表
媽媽，咁唔得既。要正視個問題。

佢點會唔識，佢識搵人蝦。可能我個仔自少係我湊，我地感情好深厚，阿仔 ...

制服團隊包容到嗎？

chowqv

baubaulee 發表於 13-9-25 21:29
制服團隊包容到嗎？

阿仔學樣有基督少年軍。都係老師做導師。

要守規矩，唔得就係唔得，導師無情講。淨係步操一樣，我覺得值得。

別的，我就唔知。

siufung

原帖由 hellolo 於 13-09-25 發表
做媽媽係咁苦，我个仔脾氣差，教唔聽，固執，打人，4歲半，我都唔想打鬧佢，但每次要用打先唔發癲。我都好 ...

可能的話最好自己湊番，老實講，工人能适當照顧已收貨，品行習慣學術人地實在愛莫能助...我自問算有耐性的人，自己湊但冇請工人，有時忙家務求其開套卡通打發佢....真係分身不暇....但相對的時間始終多d，溝通多，可以在相對的時間每樣細微野都跟到...每句說話都滲入教育元素....日復曰，影響和效果相對於假手他人湊會分別很大....當然，要好好計劃資源和時間分配...例如我有朋友不工作便不能afford請工人，而她自己衡量過全職湊又冇工人會辛苦到c，所以選擇番工比工人湊....冇特殊問題的小朋友跟工人尚且會差少少，如需額外關注的，單靠工人其實變相會拖延個小朋友進步的時間...自己用心計計條數先，凡事有取捨，加油！