培僑書院小一超收逾30人

macaw

原帖由 erniec 於 13-09-13 發表
回復 applelove 的帖子

咩唔係一定會收細佬妹架咩?我聽一個2014 九月升小一既小朋友已被培僑取錄(因哥哥在 ...

我想佢講的是柴灣的那間

Carina11

其實今年不只培僑一間超收，只係無人會去投訴！

Christi

回復 lazyqueen80 的帖子

請問校長講了什麼補救方法呢?

MrBeast

Hold multiple 位到9月的家長看到這文唔知會有乜感想?

KYHung

回復 GCG 的帖子

校長已說明下年，班級人數不會再超過33人

yyctma

其實一向培僑都係32-33人一班，從來都唔係小班教學 (小班教學係25-28人一班)。我個女今年讀培僑小一，我尋日家長會問過D老師，今年五班小一，有四班36人，其中一班38人，星島報導都唔係太準確。

Christi

請問除了培僑,還有那些學校超收?

bigboy129

我建議全級考最尾個三十個踢出校。

Charlotte_mom

原帖由 macaw 於 13-09-13 發表
我想佢講的是柴灣的那間

你意思係港同一早收細佬妹？咁可信性係負tim呀。大把細佬妹連第二輪都入吾到

macaw

原帖由 Charlotte_mom 於 13-09-14 發表
你意思係港同一早收細佬妹？咁可信性係負tim呀。大把細佬妹連第二輪都入吾到



  ...

唔係港同，柴灣有一間培僑小學㗎！

Charlotte_mom

原帖由 macaw 於 13-09-14 發表
唔係港同，柴灣有一間培僑小學㗎！

OIC ，係，果間包入

elbar

培僑：高估流失致超收

http://www.singtao.com/yesterday/edu/0914go01.html



被  揭  嚴  重  超  收  的  培  僑  書  院  （  小  學  部  ）  ，  將  增  聘  教  學  助  理  照  顧  學  生  ，  但  不  會  加  開  小  一  班  ，  令  家  長  大  感  不  滿  。

　　直資一條龍名校培僑書院（小學部）被揭超收逾三十名學生，令小一每班人數多達三十八人，引起家長不滿。校方昨晚在家長晚會解畫，承認因高估小一新生流失比例而出現超收，將每班各增聘一名教學助理照顧學生，但無法應家長要求加開一班小一，有家長對校方說法感到失望。本報發現，在八月學校辦理新生註冊時，已有家長發現學校「每班超收八至十人」，在網上呼籲「放位」以免每班人數暴增。

　　校方昨晚在家長晚會交代小一超收事件，小一家長張太透露，校長溫霈國在會上向家長道歉，又解釋校方在小一註冊後已向當局匯報，但今年受到跨境生衍生的學額競爭影響，不少北區及大埔學生跨區報讀該校為「升學水泡」，流失率較以往低，使校方大失預算而出現嚴重超收。

　　校方在會上承諾每班增聘一名教學助理，協助教師兼顧學生需要，但表明無法應家長要求加開一班小一。張太坦言，感到校方無意解決「小班變大班」的超收問題，覺得無奈與失望，打算為女兒安排入讀其他直資學校，「家長雖然反應尚算平靜，但大家聽完校長這樣說都不太開心，畢竟十二年中小學都是大班，令人難以接受」。本報昨再度致電校方查詢，惟校長溫霈國透過秘書表示不會回應。

　　本報發現，暑假期間已有家長在網上留言，透露該校「每班超收八至十人」，候補生入讀機會渺茫，有人更公開呼籲獲其他學校取錄的新生家長「放位」，「要減低超收的情況，不至於開學時要成四十人一班那麼恐怖」。校方最終超收約三十名新生，其中約二十人超出每班容額的學生，將不獲當局發放每人逾四萬元的直資單位津貼，但校方仍可從超收學生繳付約六十多萬元的學費收入，撥出資源改善，包括聘請教學助理。

　　教育局證實，過去兩個學年分別有十七及十四所直資學校出現超收情況，重申若學校取錄的學生人數超出當局設定上限，將不會就超收學生向學校發放直資津貼，校方須盡快糾正並採取適當安排，使教學不受影響，亦不能再收取學生入讀已經超收的班級。當局會因應個案的嚴重性，考慮發出勸喻信或警告信等進一步行動。

crazymum

原帖由 Charlotte_mom 於 13-09-14 發表
OIC ，係，果間包入

嗰間係津小！

granddelsol

我小朋友今年在培僑讀小一，超收係就係覺得怪怪地，不過我又唔會好似呀張太咁激，好似上文家長提到，如果唔係超收，都唔知會唔會收到我個仔：P, 而且校長已經承諾了會在每班加助教，其實都ok了，再者我相信間間學校二年級都會有人轉校，到時可能會平均番d。昨天去完家長會，老師都好好，好細心，相信係一間好學校。

pizzapark

原帖由 Charlotte_mom 於 13-09-14 發表
OIC ，係，果間包入

又唔好咁講，果間都好人報

macaw

原帖由 pizzapark 於 13-09-14 發表
又唔好咁講，果間都好人報

因為上文講有兄弟讀緊，所以我們說東區培僑第一輪係必收。不是別的意思。

lazyqueen80

原帖由 granddelsol 於 13-09-14 發表
我小朋友今年在培僑讀小一，超收係就係覺得怪怪地，不過我又唔會好似呀張太咁激，好似上文家長提到，如果唔 ...

作為家長其實對超收的確有點不開心，但家長會過後，很欣賞老師的努力，很喜歡學校嘅課程，欣賞學校放在教學上的資源，例如由g1-g6每班雙班主任，每位老師有直線電話，英文老師更每日update教學內容。而且小朋友正式上學一星期，中文併音已學得好好，接觸英文機會也多，而且老師對小朋友紀律及自理要求也合理，除了超收以外，其他事情也很滿意。

ireneyklo

昨晚去完家長會，我同爸爸都覺得老師和學校的努力，我覺得我沒有選錯學校。

karen55407

如果係我仔學校出現這樣超收的情況，我會覺得被賣豬仔

lazyqueen80

原帖由 karen55407 於 13-09-14 發表
如果係我仔學校出現這樣超收的情況，我會覺得被賣豬仔

我地初時都有呢個感覺，但昨天校長詳細解釋及致歉，超收對學校及家長都無好處，雖然我地覺得學校補救方法作用不大，但除此之外，學校各方面做得好好，老師好有心教學，學校各方面資源好夠，最重要小朋友返學又開心又學到野。