不懂做媽媽

shadeslayer

原帖由 hadwinboy 於 13-07-25 發表
我仔也是，放暑假三個多星期了，什麼也沒有做。上星期某一天他用了3小時做一本 Enopi. 我終忍不住扯火了， ...

你們會反省，比好多人好。

暑假，是孩子一年辛苦的功課考試賛回來的。如果我孩子每天用三小時做暑期作業，我會叫佢出街玩，唔好做咁多，真的。

ic07

我同我屋企人都就快癲！請問各位媽媽升小一，現在應該每天做幾耐功課？半，一或兩個鐘？做嘅時候係唔係成日要提佢專心？好慘！好想喊！

happycandy

我個仔今年升小一
每逢星期一至星期五，做兩頁假期作業，抄一頁中文，抄一頁英文。
每逢星期六日，計廿條數。
通常十五分鐘做完，有時佢冇心機，會叫佢上午五分鐘，下午十分鐘做完。
其實，你越緊張，你越介意，你越容易發火。我通常同自己講，讀書係你個仔，唔係自己，我如果出去學新事物，我都覺得很難上手，需要很大恆心及鼓勵，我們做父母係要付出這些！
不懂做媽媽？大家咁話，邊學邊做！

momama

原帖由 happycandy 於 13-08-03 發表
我個仔今年升小一
每逢星期一至星期五，做兩頁假期作業，抄一頁中文，抄一頁英文。
每逢星期六日，計廿條數 ...

你安排得好好！

JJDBB

每個媽媽都想孩子好，EQ低(在孩子面前)這是一定的，就算我囡快快手手，總有一D地方，媽媽是会發火。
如果幼稚園升小一，温習下以前K3學的，或者暑假作業，每天做兩頁就算，不要放太多時間，会失去兴趣。参加暑假班，出去打下球.....
楼主你懂做媽媽的，只不過你太緊張，其實緊張冇用，是要自己想了一個目標，例如，想小二的学生於八月二十号完成作業，那你大可告訴他十五号可以嗎？當他遲了少少，你都要鼓勵他，久而久之，便會自己安排幾時会安排自己的事情！
至於老公方面，以前，我會覺得凑孩子，教孩子做功課点解系媽媽責任，但他回來已累死，所以，我叫囡兒去補習，免得下下問我或爸爸功課，大家磨擦少D，但都有磨擦的，當平常吃飯，傾計時，我們会討論一下孩子学習，得意野，聽下意見，到年覆年，我們磨合到了，大家都知大家出發点都是為小孩；更加安慰的，他一得閒会自動幫手教孩子數學，英文，至於教品行的，我們一至，只不過我比較緊張，他会比好多意見，因我系好火個D人，我們一起加油吧！

ic07

原帖由 happycandy 於 13-08-03 發表
我個仔今年升小一
每逢星期一至星期五，做兩頁假期作業，抄一頁中文，抄一頁英文。
每逢星期六日，計廿條數 ...

你安排得很好！但15分鐘做完，咁快？我個小朋友五分鐘停一停，最起碼一個鐘！點樣令佢哋專心D？真心討教各位媽媽！

elvisBB

你們試下我的方法，我仔升小2，學了enopi 4年幾，近來學到lv17，他也會做，暑期作業做完了，只是字太醜，所以買了3-4本寫字作業給他，其實有一點你們要注意，買任何練習或作業，都讓他自己選，做多少也讓他自己說，我只會問你覺得做多少你會開心，媽咪又開心？他會認真做佢答應的工作量，久而久之，其實佢不知不覺做了很多，不要介意開始多和少，只要日日有做就ok。
他學會了自覺和責任，比任何作業也來得珍貴。

JJDBB

原帖由 elvisBB 於 13-08-03 發表
你們試下我的方法，我仔升小2，學了enopi 4年幾，近來學到lv17，他也會做，暑期作業做完了，只是字太醜，所 ...

我都是問你覺得自己可以做幾多，我不會迫，只會带佢去選擇；今年暑假，佢自己揾左兩本，自己十天KO晒；自己“簡"自己做，好過你叫佢做！

birdbird

Radiomama 發表於 13-7-25 14:14
回復 yulamltma 的帖子

暑假可以輕鬆一點嗎?

我也是要工作的媽媽，我也會"每天"安排功課給八歲的兒子，要訣是:

1) "每天"發放和調整，不要全本叫他"做"。
2) 每天不多於三個練習，長短及程度要適中。(eg P1 & P2，只應做少少中文找寫、十條數學題+讀英文故事書)
3) 每天check，今天不做就累積明天一起完成。

打罵不會起作用，一切都是規律和講道理，做功課是為他好，當然要多鼓勵。

跟我的安排也差不多.
最重要係令到個小朋友覺得輕鬆, 功課量及程度都要適中, 令到小朋友能夠達標完成.
暑假功課, 每天只佔用小朋友約1.5hrs (3科, 每科0.5hr).
其餘的時間, 小朋友就可以看書, 玩玩具或做其他野.

jeremyphlam

放鬆D啦香港人，親子關係是最重要的。

happy_lavender

原帖由 happycandy 於 13-08-03 發表
我個仔今年升小一
每逢星期一至星期五，做兩頁假期作業，抄一頁中文，抄一頁英文。
每逢星期六日，計廿條數 ...

小學生的正常專注力就是十多廿分鐘，夠時間就要給他們稍稍休息數分鐘，吃點零食或玩個小遊戲，充電後再温書或做功課，不然就算迫佢坐定定都唔會入腦！這是他們的限制，是正常的，只能由家長調整來遷就他們，唔明白這一點就好快入深切治療部。

jeremyphlam

原帖由 elvisBB 於 13-08-03 發表
你們試下我的方法，我仔升小2，學了enopi 4年幾，近來學到lv17，他也會做，暑期作業做完了，只是字太醜，所 ...

重點係，點解學校功課外，重要買咁多練習俾小朋友做?唔覺太過份嗎?

MariaTsui

看了這幾頁，大部份小朋友都是P1-P3，這段時間，不需要太緊迫，有空出外走走，去下科學館，和同學仔開大食會，做媽媽要relax，開學後，媽媽和小朋友都很緊張，大家就趁暑假一齊relax，我對小朋友都升上高小，哥哥更要呈分，明年升中壓力更大，更要relax.

elvisBB

我仔日日都會同我講打機，捉棋，看書等等，家長們不要把做課外練習看書==>變成孩子很可憐，我的重點係由佢自己提出，自己要求，我仔會用自己的零用錢買遊戲卡，買玩具，買書。。。大人不要把讀書看成一件苦難，對他來說，玩具和書和作業一樣感興趣，一樣有動力，孩子迫不來的，自覺是重要。我家2小朋友，3歲女和6歲仔，2個都會自己讀書，寫字和遊戲。家中的書有近千本，每星期還要求我帶他到大衆買新的回來看，我們要鼓勵他們，自己的事自己做，放手讓他高飛！

elvisBB

還有一點，孩子每天的時間表，我不會因為考試或放假而有太大的改變，我不論上學，考試前或放暑假，朋友有生日會會去，有新電影照樣去看，遊戲，去公園，作業一樣會有，所以對他來說，考試和默書是平日的成果，所以平日都要做足準備，每天時間自己要分配，沒有迫。他不願做的事，從不屈服，我慶幸約2歲發現他異常硬頸，所以從小，所有事都先得他同意，現在我很心滿意足，只要他保持得到就好了。

elvisBB

還有一點忘記了提及，他重視自己有選擇權，喜愛選挑戰的練習，所以他選得很認真，學校的功課沒有了選擇，興趣也沒太多，所以要買課外的。家長要留意一點，就是他會常常選了一些不是你想要的書，但你要緊記尊重孩子的決定，只要求他選定了就要看完或做完，就可以了。他一定會找到那些喜羊羊，老夫子或其他，沒關係，只要看完就好了，總有機會選中你希望的或者我會說他真乖，所以媽咪送多一本給他。

happycandy

其實我會固定囝囝的功課時間在十五至廿分鐘左右。倘若囝囝用了比較短時間做完，我會係下次加量或加深程度。其次，我會買一些佢有興趣的習作來做，有時會加剪紙手工，有時會加智力推理。天天新款!

至於什麼是＂可憐了孩子＂，我其實根據囝囝學習模式而買習作，囝囝須要"備課＂的，他要先看將來會敎、會做，到了上課時不會聽不明，上課聽不明對囝囝來說是很挫敗。

我很慶幸香港有很多補充作業，家長可以省下不小時間，不用再做試卷，可以去帶小朋友瀏覽其他地方：科學館。

RebeccaJason

教子方法大不同，最重要要多聽多問子女心聲，我個仔都係今年升P1，一放暑假就開始做作業，每日中英數各一頁，不過佢吾係順頁做，係中意做乜就做乜，我最中意係佢要睇電視卡通片前一小時叫佢做，咁樣吾洗講到時到候一定做完，我只係星期一至五先要佢做，星期六日放假。

RebeccaJason

我老公冇理個仔功課，只係放工回家會問佢做完功課未!如果做晒會話佢乖，個仔已經好開心，佢好中意我係功課上面寫100分，因為所有功課佢自己做，做完先比我睇，所以有時佢錯，我會提佢尼道好似有問題，佢睇完改咗我都會比100分佢，但係會同佢講番學時要小心D老師吾提你㗎!佢都好開心，會覺得我對佢好好!哈哈!

happycandy

一日有24小時，除去睡覺梳洗，還有12小時，每天用半小時溫習，半小時伴讀，其實佔去整體很少部份，還有11小時很長呀！
讀書，從來不是一件苦差，反而去認識世界的鑰匙。
囝囝很享受識字的樂趣，尤其去茶樓，自己識字劃點心，自己拿住錢去買東西，佢知道是謮書令佢明白事情更多，所以他很喜歡讀書。
奈何佢唔可以用一至兩次就明白，尤其改了功課形式，所以提早備課，希望佢係堂上不用太驚慌一。