係未評估確疹之前

silvermijar

回復 unfunny 的帖子

unfunny, 你咁0既想法好正確呀! 我地做家長要持續咁做好, 唔好怕辛苦, 小朋友會識見到我地努力而進步, 有d野係迫唔到, 所以唔好為左比較而唔開心, 只要見佢地進步, 就要明白小朋友都己付出過了~

silvermijar

回復 芒果米池 的帖子

你去邊間評估,都可以refer你去社署排s/i/e, 如外面d機構, 好似一定要係心理學家, 但政府果d, 就可能係兒科醫生寫紙你搵醫務社工就能排s/i/e位~ 你要知道無論你去邊間, 都係要排隊, 唔係有得快架~

我覺得你仔仔只要你有多d訓練佢,佢一定能做到指令,我仔都一樣,佢大大下明左你講d咩,佢就識得跟你指令去做,有時佢做唔到,可能佢唔明白你講0既野,未必一定係佢唔聽話.

至於你話固執問題,你家係咪只有你,仔仔和你老公? 你和你老公能否做到一致咁教? 如你家有多人, 可能小朋友知道有人最後都會理佢,而繼續落去, 有d小朋友喊幾次知道唔work就會唔喊, 但有d可能喊足成個月都會繼續喊, 但你要持之而恆, 否則你會拖長左呢個階段, 到時就有排你受了... 好似教佢講野, 你唔會因為佢短期內無反應唔講, 你就跟住唔講, 咁你咪會促使佢唔表達, 唔講囉?? 你就要夠恨心, 佢唔講你就唔比, 就算佢點喊都唔好比, 如佢初初連一個音都唔講或手勢都唔做, 你就要初初佢咩都唔做, 到要識得伸手問你攞(係要佢"攤"開手出黎),到佢做到, 你再深化個動作,或言語表達, 唔係一開始就要佢講... 咁樣佢會覺得困難而唔去做, 全部都要由淺入深... 如你未找到訓練, 我可介紹你去協康買本家居訓練手冊(叫做地板時間. 唔貴, 大約100蚊, 但都幾厚, 內裏有好多技巧, 可以在家裏同小朋友玩. 或你去協康, join個家長資源member, 可以借書和借玩具架~) (仲有library有得借本" 小孩確不笨", 講感統0既, 都可以自己在家做訓練), 但要記住一定要有恆心咁持續做, 唔好諗住做幾日唔得就放棄, 有機會小朋友的固執行為要成半年或之上都戒唔甩架~ 希望幫到你喇, 呢d都係我依家做緊0既~