pls delete

little_yolky

晞晞爸b 發表於 13-6-7 16:26
謝謝!因為聽好多EK媽媽話細仔考小一蝕底好多(好多小一唔收細仔...)
而仔仔現在讀緊PN(同齡算超細仔11月尾) ...

唔駛驚, 之一：
我囡囡都係11月底細B, 今年貨真價實地考到私小(不過, 考四間得一間收), 所以要睇小朋友表現, 你果個仲係K1, 即仲有希望可以執一執。我囡囡係全班最細果幾位之一, 但成績一直都係全班中上游, 似爸爸, 永遠做唔到最標青果個, 但又唔會俾自己包尾。
(不過, 男仔我唔知道, 係咪同女仔唔一樣就不得而知, 因為我的是兩位小公主)

唔駛驚, 之二：
你repeat K3係要幼稚園肯收你, 唔關教署事, K2同學校講要repeat, 但唔係間間學校肯接受repeat。只要唔交選校表就得。個人認為, 除非係超細龍B, 或超跟唔上, 唔應該repeat。

little_yolky

whitepurin 發表於 13-6-7 15:57
純好奇一問，甲一二三是自行後剩餘學額，咁d名校唔係應該full晒，點解有人甲一都中到名校？



  ...

錯了, 不要老聽陰謀論, 這樣會很快老的。

其實自行係有個百份比, 一時唔記得係50定60巴仙。例如某名校有100學額(100好計啲, 所以用100), 有50%係自行分配。自行係計分制, 必收生收完, 餘下的就計分, 相同分數的可請教署協助抽簽或自己抽簽。所以, 因為係名校, 又有必收生, 弟妹通常會跟埋入, 咁, 如果個年啲老師、校工、校董子女、弟妹人數加埋有60人, 咁就蠶食咗大抽奬10個學額了, 大抽奬由原本的50個位變為40個位。

然後, 40個位大抽奬名額中, 有10個巴仙係甲部, 即4個。餘下90巴仙, 即36個會係乙部大抽奬。

所以, 一定唔會自行全部收晒(因為一般學校如有100個學額, 唔可能所有家長約埋响同一年一齊生細佬妹, 香港父母又一般生一兩個, 所以中100個必收生機會唔大), 一定有大抽奬位, 即係唔多唔少都會有甲部中簽。

解釋咁耐, 明未?

PamelaLi0399

little_yolky 發表於 13-6-7 15:08
1. 自行每年11月, 可選全港所有學校, 係計分制, 如你沒宗教, 小朋友不選父母的母校, 咁得15分, 名校無望,  ...

是否所有直資如收咗你就不可以参加大抽獎? 如要参加大抽獎就要放棄直資嗰位?

little_yolky

firefungwong1 發表於 13-6-7 17:05
其實應該話 自行 和 統一 各佔 50% 所以話統一甲部係剩餘學額的10% 就等於總學額的5% 了。 (50%x10%=5%)



  ...

條數唔可以咁計, 因為總學額的5%是100X5%=5人(如學額100計算)

但如果名校收自行超額認購(大多情況都係咁添), 50%收唔晒, 例如收了60人, 大抽奬得番40個位, 咁剩餘學額的10%是40X10%=4, 是較總學額的5%少的。

又例如某校比較低調, 自行報考的人不多, 收不足50%, 例如收了40人咁計, 即大抽奬可以有60個位, 咁剩餘學額的10%是60X10%=6, 是較總學額的5%多的。

所以, 甲部係自行後, 剩餘供大抽奬學額的10%才是正確計算方法。

little_yolky

PamelaLi0399 發表於 13-6-7 19:16
是否所有直資如收咗你就不可以参加大抽獎? 如要参加大抽獎就要放棄直資嗰位? ...

如果直資收咗你, 你又好開心去注冊, 你就唔可以參加大抽奬, 因為直資都是政府津貼的。參加了大抽奬, 就沒有了直資位及被沒數了注冊費。

MaiGao

原帖由 PamelaLi0399 於 13-06-07 發表
是否所有直資如收咗你就不可以参加大抽獎? 如要参加大抽獎就要放棄直資嗰位? ...

係。

晞晞爸b

little_yolky 發表於 13-6-7 19:06
唔駛驚, 之一：
我囡囡都係11月底細B, 今年貨真價實地考到私小(不過, 考四間得一間收), 所以要睇小朋友表 ...

非常謝謝你的寶貴意見!

男仔會比較慢D..我仔現在2歲7個月都仲未肯/識成句句子講野(我兩公婆都要返工只得印傭湊)
希望過多幾個月仔仔會開竅肯講野喇....

whitepurin

明白哂，雖然甲一難過中六合彩，但似乎揀間無咁熱門中嘅機會可能會大dd咁多

little_yolky

晞晞爸b 發表於 13-6-8 10:37
非常謝謝你的寶貴意見!

男仔會比較慢D..我仔現在2歲7個月都仲未肯/識成句句子講野(我兩公婆都要返工只得 ...

仲未返學嗎? 放工要同佢傾多啲偈了。

little_yolky

whitepurin 發表於 13-6-8 10:40
明白哂，雖然甲一難過中六合彩，但似乎揀間無咁熱門中嘅機會可能會大dd咁多



  ...

咁我又覺得好徙, 因為甲一咁難抽, 如果：

1. 是外區, 咁辛苦要跨區, 無理由抽二線啫, 自己區都有一線, 唔小心中咗甲一, 咪要跨區讀二線。因為甲部中咗, 就唔會同你抽乙部了。

2. 是本區, 咁又好蝕底, 因為只有10%, 但乙部有90%, 好彩的話有機會抽到一線, 一般會第一志願放最最最最最想入的一間, 第二志願先揀無咁熱門的二線, 第三志願揀止血學校, 即入咗叩唔到門入去讀都唔會喊果種。所以, 如果甲部揀咗二線本區學校, 唔小心入咗, 咁咪無機會入乙部抽一線囉。

所以, 如果心儀學校係外區, 甲部會揀外區的名校。如果心儀學校都在本區的話, 甲部會放最想入的。如果有第二間無咁心儀又都好like的, 就會放埋甲二, 否則, 甲部就只填甲一, 除非你有三間好like的, 否則, 甲部三個位填晒, 甲二或三你又唔係咁鐘意, 又唔係好熱門, 入咗就弊了。

whitepurin

謝謝你的意見，其實我女來緊9月先升k1, 但由於我女問題，所以而家已著緊睇睇選校策略，其實我連住邊區都喺度study緊。我家陣住32網，似乎學校一般，而我又諗其實又不是要求神級名校，相比32網的學校，可能名校區所謂二線也不太差，倒不如試下放間次熱門，話唔定易中d, 因大家都搏嗰幾間神級名校。不過我都係研究中，而家仲諗緊搬去一個好校網會唔會好d.

little_yolky

whitepurin 發表於 13-6-10 14:15
謝謝你的意見，其實我女來緊9月先升k1, 但由於我女問題，所以而家已著緊睇睇選校策略，其實我連住邊區都喺 ...

如果你是一隻來去自如的小雀仔, 可以搬去任何區, 咁記得要注意埋中學校網喎, 有啲區男仔好啲, 有啲區女仔好啲的。

又講個故仔你聽, 我同事(已退休)當年大女讀書okay, 响九真, 細仔順理成章入埋去讀。但朋友話唔知係咩原因, 阿仔跟唔上, 因為住新界區, 學校好參差, 可以中途插班的學校好的就不多, 佢連差的都唔收, 最後插到一間(同事說)頗差的。後來, 佢的起心肝搬去港島名校區, 因為如住該區, 教署一定要協助安排入讀, 我同事諗, 二線都唔錯。所以入咗一間唔錯的二線。這是十幾年前孟母三遷的例子, 你可以搬屋, 就考慮清楚, 去名校區報二線真是不失為一個不錯的選擇。

whitepurin

呵呵，都唔可以話係一隻自由的小鳥，$$$當然是一個issue, 名校區樓價都零舍貴 不過過多年幾兩年細女都大真係唔夠住，基本上點都要搬先諗住索性搬個好校網。我女性格超內向，雖然而家積極俾d課外活動佢上，希望可以改變佢性格，但真係唔敢包佢改到，到時考直資私小肯定蝕底。自行得15分又實無行，睇怕都係大抽獎多。但而家大抽獎又越來越難中，真係唔知值唔值得搬，但唔搬又好似仲衰，真係好苦惱