練琴煩惱

阿Yan

孩子年紀尚小，要陪練是正常的。練琴是一件要常常遇到困難和要反覆做的事丶而且要用適當方法練才有效。所以，家長陪伴和支持是很重要的。有經驗的老師可指導孩子如何練丶家長如何陪。當孩子漸漸長大，建立了正確的練習態度和方法，家長的角色才漸漸減退。一般來說，要八歲左右才比較懂得獨立練習。

阿Yan

還有，上述八歲能獨立練不是定律，只是說一般五六歲開始學琴和有學如何練琴，而又真的有興趣的人。

阿Yan

A good article about practice!

http://www.udn.com/2013/6/6/NEWS/LIFE/X1/7946649.shtml

poplolli

你試下當佢彈緊的時候唔好出聲,完成後先問佢覺得自己彈成點,如果佢認為自己好,你先認同再指出問題,如果佢認為自己唔好,你再多比鼓勵,試下會否減少鬧交

Christi

呢個方法只係適用於唔識彈琴既家長：
我覺得最好家長自己試吓彈小朋友學緊既曲譜，咁你就會體會當中既艱難，同小朋友練琴時自然會多啲鼓勵、小啲挑剔。反正琴老師點都會幫佢地執靚首曲，做家長最緊要幫小朋友keep到個興趣同滿足感。

cellon

bkma2012 發表於 13-5-20 15:08
女兒6歲半，學琴也有差不多年半，每次跟女兒練綱琴時都有很多爭執，很容易發脾氣，是因為她沒有興趣嗎?
...

家長請明白，小朋友學琴，除了音樂訓練，更是耐性的訓練，
特別是家長的耐性。

cal@wicked

小朋友練琴多數時間係好痛苦的, 但當佢知道嗰首係乜嘢歌的時候, 佢哋會彈得好起勁, 例如彈首平安夜咁, 佢地就算難都會克服, 仲會無比咁好心機日彈夜彈, 所以我經驗練琴之餘係要聽多啲。聽多啲對佢哋listening好之餘, 都係音樂訓練其中好重要一環。

小朋友唔想彈, 我覺得可以休息返幾日, 但要持續比佢用對耳仔, 買返啲佢彈緊的歌仔, 間唔中播嚟聽吓, 可以增加佢對練琴的熱情。我始終覺得, 硬性咁逼係無乜用, 如果可以學識如何欣賞音樂, 咁佢練學器係遲早的事。

bkma2012

多謝大家的寳貴意見!最近因為太忙，沒有時間上EK。現在我替小女報了二級琴試，鼓勵下還算願意練習。

bbq.

我女差多六歲，學了鋼琴一年，她學了三個月時已講想買琴，我話買琴你每日要練好耐琴，你還想買嗎？俾晒心理準備她到剛剛才買部琴，好彩她沒有忘記我們的君子協定，每日起床會自動波練琴！

bbq.

我而家係囡囡的鋼琴學生，佢番嚟會教我彈，雖然係好基本的歌仔，但我學完後知道彈琴係有過程，可能有時彈一首歌，你每次都會彈錯，其實你自己知係錯，但唔知點解隻手係要彈落錯的音，但彈熟咗就唔會，所以我盡量唔會話個女錯，等佢慢慢練，呢d只係我小小體會，我唔係專業呀！