耀中 vs. Think vs. York

happyhealthymin

謝謝你的回覆。 可能因為你本身教書，囡囡將來即使不讀國際學校，入你的學校也有優先權，所以可以在耀中讀完幼稚園再打算。

gracedolly

happyhealthymin 發表於 13-4-2 17:09
謝謝你的回覆。 可能因為你本身教書，囡囡將來即使不讀國際學校，入你的學校也有優先權，所以可以在耀中讀 ...

主要是因唸教育修理論，選校著眼重點是適合孩子性向。學習路漫長，我認為幼兒教育要能保持孩子學習興趣，啟發創意思維，提供良好語境，讓幼兒在自理社交方面成長。^^
選校真是各有考慮各有所愛~^^

stephanie.wu

gracedolly 發表於 13-4-2 18:49
主要是因唸教育修理論，選校著眼重點是適合孩子性向。學習路漫長，我認為幼兒教育要能保持孩子學習興趣， ...

多謝你嘅分享, 相信你一定係個好爸爸

好有興趣知道邊間幼稚園做到"保持孩子學習興趣，啟發創意思維，提供良好語境，讓幼兒在自理社交方面成長"同時又銜接到本地小學

gracedolly

stephanie.wu 發表於 13-4-3 12:27
多謝你嘅分享, 相信你一定係個好爸爸

好有興趣知道邊間幼稚園做到"保持孩子學習興趣，啟發創意思維 ...

世上本無完美之事，所以學校當無法滿足所有家長要求。一切全在取捨。谷深學術，難免要辛苦家長同學。創意學術並重，樣樣也要俱全，會不會太貪心?
去吃飯，要便宜，要美味，要環境好，要裝修富麗，要上菜快，有如此餐廳請介紹^^;

happyhealthymin

好佩服你的堅持, 我也認同你的理念。耀中在語境方面，有兩位本地加一位外藉老師，我自己覺得如果家里不說英文單靠學校，稍為不足，因為家里講廣東話的小朋友大多會同本地老師溝通多。

stephanie.wu

gracedolly 發表於 13-4-6 22:46
世上本無完美之事，所以學校當無法滿足所有家長要求。一切全在取捨。谷深學術，難免要辛苦家長同學。創意學 ...

講得無錯, 香港根本無一間幼稚園可以真真正正做到"all-round development", 家長真係要自己為孩子安排適合嘅課程/活動去彌補學校嘅不足

rakui

小女正在讀耀中兩歲班，3位班主任及學校的工作人員都好有愛心，語境十分理想，小朋友的中英語都流利，認識的幼教校長／老師都對耀中師資好評，但因我希望小朋友讀本地課程，所以將會k1轉校。

stephanie.wu

rakui 發表於 13-4-8 12:31
小女正在讀耀中兩歲班，3位班主任及學校的工作人員都好有愛心，語境十分理想，小朋友的中英語都流利，認識 ...

請問妳囡囡係讀全日班還是半日呢?  介唔介意講吓K1轉去邊間?  我囝好活躍, 坐唔定, 有耀中全日兩歲班offer, 但有點擔心耀中紀律上比較寬鬆, 可唔可以分享吓耀中上堂流程?  會唔會容許小朋友唔跟老師課程而自己在班房玩其他嘢??  如果入讀耀中兩歲班, 我都會k1轉其他主流學校, 希望耀中可以培養佢守規矩、自律等, 因為知道k1 interview 好多學校都prefer 小朋友專心坐定定答問題 (雖然個人覺得咁細個好難要佢坐定定, 但無奈這是遊戲規則)。

rakui

全日班。上課流程大約如下：返到學校換鞋放好書包，自由活動，食早點，上課，排洗，食午飯，排洗，午睡，排洗，上課或gym room或outdoor playground，排洗，食下午茶，自由活動，放學。紀律是有的，但兩歲班都可預計不會太嚴格，當然打人搶人玩具一定唔得，上課時走去做其他嘢都唔得，排隊、食飯要坐定、食完要自己放好食具、去洗手間自我清理等，都是有教的。

stephanie.wu

原帖由 rakui 於 13-04-08 發表
全日班。上課流程大約如下：返到學校換鞋放好書包，自由活動，食早點，上課，排洗，食午飯，排洗，午睡，排 ...

好多謝妳嘅分享，聽落個流程好好
仲想問吓兩歲班係咪唔會教認字？如是，妳小朋友番咗幾個月學到咩知識呢？對K1 interview又有無幫助呢？每日上課係由中文老師主導定係英文老師？

唔好意思我好多問題，因為呢度好少人講耀中，全日班學費又咁貴，好驚做錯決定

rakui

認字就唔知有冇，老師攞住書講故事就一定有。會學多咗口語用字（中英都係），成日唱歌，返屋企成日扮老師，要其他人扮學生，又學會自己祈禱謝飯（中英文），又戒咗片等。對k1 interview幫助就唔知啦，有offer又有reject咁啦。上課時三位老師一位阿姐都會一齊，老師們會轉住教學生，free time 時三位老師都會同不同學生傾計。而且一入校門都有其他老師認得不同小朋友，知道他們的特質，我覺得一般來說他們的老師都好有心做好。我上年都找不到太多資料，所以你有問題我都可以儘量（以我所知的）答你。

stephanie.wu

rakui 發表於 13-4-9 20:18
認字就唔知有冇，老師攞住書講故事就一定有。會學多咗口語用字（中英都係），成日唱歌，返屋企成日扮老師， ...

好多謝妳答得咁詳盡
我最like 耀中每班都有三個老師同一個嬸嬸, 照顧周到, 尤其小朋友得兩歲人仔真係好需要大人睇實!  耀中出名學校由上至下都有愛心, 當日去interview 都感覺到無論環境同職員都好親切, 相信小朋友會好鍾意番學。