好奇一問，為何選擇男\女校？

NKpa

有d名校重係12年齋校, 上到u個個如狼似虎添呀

hecabb

我都係讀女中，我唔覺齋校有交際問題，除咗學校生活，我地有其他課外活動㗎嘛，認識異性機會多的是，但係讀書時齋校係會專注啲，我就覺得好好喎~我都想自己仔女讀男／女校
我畢業之後仲要係讀工程系，同一大堆男同學相處都冇問題。我覺得女校啲女仔獨立啲，因為咩都靠自己，係學校係冇男人幫你㗎

oooasis

男女成熟程度唔同，擅長學科都唔同。
女仔坐定定返學時，男仔都能仲好頑皮打打鬧鬧。
女仔大多文科強d，數學弱d，男仔相反，如果一起上堂，可能會互相拖慢對方進度。
單性別學校可以針對性教學，例如女仔學校，文科可以教快好多。不用因為男仔而調整進度。
其實放學後，課外活動都可以接觸到好多男仔。
單上堂時若有喜歡的男仔／女仔坐係附近，真係唔駛聽書了。

bee918

男孩和女孩的能力不同, 成長差異也大, 純男校會比較能夠照顧到男孩子發展需要. 在男女校, 表現較弱的男孩子可能被評為懶散而遭忽略. 外國有些男女校試行某些科目(如語文)分開男女班, 似乎成效不錯, 但這類型學校例子不多, 不敢說好不好.

Zhuangshinai

原帖由 hecabb 於 13-03-06 發表
我都係讀女中，我唔覺齋校有交際問題，除咗學校生活，我地有其他課外活動㗎嘛，認識異性機會多的是，但係讀 ...

同意，尤其是女校學生較獨立。男仔同女仔相處，不一定要在學校吧。

luilui007

不要將focus只放在同性戀，大家有冇考慮攬交，私生活混亂，未婚產子!
兒女的環境不止限於學校，學校只是其中一點，父母也要教導價值觀，擴闊社交等等，不要只限於學校教導及在此範圍內生活，什麼校也好，家長教育甚重要個任何一間學校

sugarnana

凡事總有正反兩面，有好有唔好。有家長擔心讀純男／女校會變同性戀，同樣讀男女校都會一樣擔心太早拍拖影響學業，其實家長永遠有嘢擔心，只視乎怕同性戀多啲定入唔到大學多啲。我個人較偏好男女校，現實社會中係有男有女，男同女各有長短，永遠不能公平比較，我想孩子盡早適應及融合現實世界。但現今大部份齋校都是一線名校呢，我的意願還意願，收左唔通唔讀？邊有咁完美，盡如人意呢。。。。。

LOVELY-BABE

原帖由 sugarnana 於 13-03-06 發表
凡事總有正反兩面，有好有唔好。有家長擔心讀純男／女校會變同性戀，同樣讀男女校都會一樣擔心太早拍拖影響 ...

You right

jaycee_mami

香港好多有直屬中學做back up的小學, 都係純男 / 純女校

JL3

針無兩頭利！應該睇番自己小朋友做決定！小朋友性格、生活習慣、生長環境、生活條件，各有不同！

oooasis

baba987 發表於 13-3-6 17:52
同意sugarnana 所講，

但假如真的選了齊的學校，將來小朋友真的成為同性x者，

男女校都有同性，如果真係同性戀，係男女校咪一樣可以發生。如果想通過學校來杜絕仔女同性戀，係咪應該送囡囡讀男校，送仔仔讀女校呢？

momama

我會話係命中註定！利申:分别讀過女校及男校

Jane1983

性傾向和讀甚麼學校無關的

魚兒小寶貝

自己未讀過齋校，但身邊有朋友係齋校出身，佢地異口同聲認為，有得揀的話，當然想讀coed。我明白齋校及coed都各有本身既好處及問題，但讀齋校既朋友對於日後與異性相處，總覺有那麼一點點。。。怪！尤其係男性，社交上容易出問題。。。
其實讀咩野學校都好，父母都應該及早灌輸性知識比小朋友，亦要幫助佢地建立與異性既正常社交。我認為有小朋友\青少年讀齋校的，更要加倍注意。
＂同性戀＂我相信有先天同後天，有d貪得意玩玩下，有d係投射，有d係就手，亦有d係退而求其次。。。至於後天果d，大家心中覺得係點形成就係點形成，當然冇一定既。
有位吸煙既朋友，以前成日同我講＂該死唔駛病＂，但自從佢做左保險經紀之後就唔敢再咁講lu。

btrue

回復 Parisienne 的帖子

英美加同香港差不多，官校是男女校，傳統名私校多是齋校，新辦的私校多數是男女校

Parisienne

btrue 發表於 13-3-7 00:42
回復 Parisienne 的帖子

英美加同香港差不多，官校是男女校，傳統名私校多是齋校，新辦的私校多數是男女校 ...

Thank you !

咁即係齋校的存在多與歷史及宗教有關，而這種將性別分開教授的方法亦不合時宜。
否則應該大把人爭開齋校才對吧！

社會本來就有男有女，學校除了學術外，其實學會懂得包容和欣賞異性的長短，互相幫助，甚至在男女同學間的排斥吵駡中、到最後分分合合的自我調整，都是發展人際關係的重要一環。

而這種相處態度，如何合作等，有賴於長期在一個環境和氣氛下造就的，不是一兩小時的興趣班、一年一度的遊學團⋯or平時飲茶同表哥表妹玩就可以取代。

其實全球都一體化啦，什麽無國界、跨國呀咁.....何況二十年後的世界？自己卻從小分開男男女女去學習才顯專心的話，實在不合時宜了。

solomonwong

違反自然，我覺得對小朋友的成長不好

little_snow

我同老公都來自齋校中學，我地完全唔覺有咩問題喎。上到大學一樣追女仔同被人追。至於同性戀問題，唔係大家講得咁恐怖囉，我讀7年都只係見過一個例子，我覺得佢地就算係讀男女校都一樣會行呢條路。

我自己本身冇乜pref，不過我老公就鐘意齋校，讀書專心啲。其實都有道理既，拍拖對女仔尤其影響大，我year2拍拖之後，GPA即跌0.4！（4分滿分）分手嗰排連功課都唔想做、考試又唔溫