有冇bb剛夠兩歲便讀幼兒園嫁?會唔會好難適應呢?

tkma

我而家都是諗緊想等亞仔2歲多讀1年幼兒園,然後出年讀k1

但是如果小朋友讀完一年幼兒園, 然后走去考另外一間幼稚園，會吾會冇甘好，考那一間幼稚園會吾會覺得你小朋友為什么不讀番G前間? 所以唔知好唔好報幼兒園，還是返playgroup 好D？

waiwaichu2003

我阿b都係2月出世既,我打算coming八月比佢讀n1,下年八月才入k1/n2;原因一來阿b屬於大仔(年頭出世),如今年年尾入讀k1(插班),佢三年後八月仍未夠年齡入讀小一(要滿五歲零八個月),換言之,佢要repeat一年k3才可入小一,但我唔想,因個個同班同學仔轉小一,但佢仍然要留在原校讀書,我驚佢會feel no good and upset 囉!二來阿b如今年八月才入學,到時已有兩歲半,相信佢既抵抗能力應該比兩歲高啲,無咁容易病!這純粹個人意見...

cheuk_cheuk_ma

我都同意插班唔好，情願佢大少少入幼兒園，而且男仔學野慢些，如果人人一齊起步學野點都好過後其加入，我個仔都係９月讀兩歲班(7月出世)，諗住入幼稚園轉第二間，同小學有related的就最好，所以依家讀邊間幼兒園都冇乜所謂，反正都係一年，最重要的係間幼兒園地方大，老師好就得喇！     

mcdullmama

想問大家點解讀完一年幼兒園, 想轉幼稚園呢? 是否有什麼好處?? 因為我一心打算俾bb讀4年幼兒園, 無諗住讀幼稚園. 想知大家有何意見交流吓!!

cheuk_cheuk_ma

我個人認為如果要讀4年幼兒園至入小一的話，咁就要搵間好少少的幼兒園喇，而我本人要個仔入幼兒園的原因，只不過係想佢學識合群同分享，唔要求太多，仲有就係搵professional的人導佢成長，唔好靠菲傭，佢理鬼你個b丫，小朋友要有小朋友的行為，唔好咁老積，佢大個會怪你架！好似d童星咁，冇左兒時的回憶，大個行為會好極端架！     

CF

我柅好多媽咪講, 最好比2歲小朋友讀兩歲全日班, 其實我都擔心小朋友得唔得?
我個仔今年9月可以讀兩歲班la, 但佢而家都未識大小便, 都係用尿片, 訓覺又要人陪..又要抱...
不過幼稚園方面係米今年都要搵定呢?

bette

so is it mean bb could only go to nursery from 2 year old??  if my bb born in Dec 03, that means he could go to nursery the earliest Jan 05??  Am I correct?  Please help.

謙仔媽咪

Hi,

我仔仔12月出世, 1月開始番N1, 到現在每朝都話唔番, 但番到去又冇野, 呢兩日好少少, 自己話要番學.

cheuk_cheuk_ma

我都怕個仔9月入2歲班時會有乜反應，又唔知要請幾多日陪佢返學，邊處有咁多假，博炒咩！
我依家開始教佢去SU SU，用紙尿褲，一小時帶佢去TOILET一次，有就有冇就冇，有的話話佢叻叻，佢自己都好開心，拍晒手，著褲沖水洗手一步步來，希望佢開學時得啦！

cheuk_cheuk_ma

2loks:
係啦我都唔知點好！我想佢自己一個人訓覺，唔好同我同老公訓，佢依家識得怕黑，話”驚驚”，個房未開燈死都唔肯入，我入左去佢至肯入，但未開燈都死都唔肯關門，點可以令佢肯自己一個人訓呀？佢依家半夜開始要同菲傭訓至得呀！

cherly

bette,

係呀，如幼兒園有位的話，你BB可以足兩歲就上學 (Dec 04 / Jan 05)，要問定心儀的幼兒園啦，依家已經收生中或收完了！

cheuk_cheuk_ma

3loks:
咁係咪即係我過去同佢訓同一張床？定係我訓地仍訓床？又定係等佢訓著走人呀？     

Candy925

Hi All
我個女上年9月中滿2歲, 我10月比佢插班入N1, so far 都覺得我呢個 decision 好好, 比佢讀N1 主要唔係寄望佢學到好多野, 只想佢習慣同小朋友相處 (佢係獨女), 培養常規如排隊, 坐姿, 禮貌等, 而且日日對住個工人都冇作為, 佢 so far 都返得好開心, 日日曲不離口. 以下有少少個人意見, 各位交通下啦:

1. 初開學勁喊, 因唔習慣面對陌生環境同陌生人, 但自己一定要狠心, 學校老師會幫手, 我個女喊足個半月, 但勁喊只係最初兩個星期.
2. 插班好處係其他同學已習慣返學, 唔會喊, 咁小朋友初入學時冇咁易受其他小朋友影響而喊不停, 相對地老師都會有多D時間handle自己個女, 因為其他同學好多野已上軌道, 唔洗花太多時間教, 可集中留意及照顧自己個女/仔.
3.學校有設施及手工做, 可以訓練佢地大小肌肉, 呢點始終都係學校做得好, 屋企唔會有咁多設施, 自己要返工都冇咁多心思同佢做手工.
4.朋輩影響好緊要, 我個女唔再喊係因為有一次有個媽咪送個仔到班房, 個小朋友好開心咁同媽咪say goodbye, 我即時指比個女睇, 並讚個同學好叻仔, 佢當日就已經肯同我say goodbye.
4. 戒片唔洗心急, 我個女入學時都未有戒片, 但而家已戒哂, 一來學校會定時定候安排佢地去厠所, 二來又係朋輩影響, 我話佢知佢個朋友仔已唔洗著片片, 會自己話比媽咪知要shu shu, 佢朋友仔個媽咪又同我個女講, 仲叫佢試吓叻唔叻, 點知唔洗one week, 佢已經日頭唔洗用片, 仲拒絕著片添.

死喇咁長氣, 希望唔會悶親大家啦.

elodie

Candy925,
您的資料很有用，請問您的bb在那間nursery,返全日或半日,返學後有否病多過以前？

shanma

Candy925,
你的資料很有用.  我個女下星期開始上幼兒園, 我都有些擔心她唔適應, 因為她很倚賴我, 唔見到我就會哭. 我已想定到時都要狠心些, 讓她慢慢習慣.