發展遲緩選幼稚園問題, 請過來人分享一下

eva816

kingbbsam 發表於 13-2-27 20:40
都係又唔係好嚴重, 但主流又跟不上?
小朋友幾大呀?

我囝3歲1個月.全面發展緩慢, 肌張低, 而家講野係跟人講, 但就唔太清楚,簡單對答,  上落樓梯要扶一扶,

kennyrita

eva816 發表於 13-3-4 11:55
我囝3歲1個月.全面發展緩慢, 肌張低, 而家講野係跟人講, 但就唔太清楚,簡單對答,  上落樓梯要扶一扶,  ...

我囡都係咁, 3歲1個月, 個問題同你仔一樣, 但佢唔活躍, 但專註力好差, 好散。
做緊一星期半個鐘訓練, 佢可以叫做坐定定, 但個心唔知遊左去邊, 眼仔週圍望, 個導師都話佢心散得好利害。

但佢又細膽, 唔係好肯試新野, 一衰左, 就死都唔肯再試再玩 (EG., 上次學校旅行去左個郊區, 有小朋友玩的電動車, 原來無事, 但比人撞一撞車尾 (我覺得唔太大衝力, 我是係側邊傍住佢玩的, 但我比佢撞到腳都唔覺痛) , 根住死都唔肯玩, 話同佢一齊坐都唔得。

rocket

我小朋友返左2個月bb班，進步不明顯，因為bb班有20個小朋友，老師很難照顧學習能力的差異。小朋友上課不明白也不懂表達。我覺得先針對性讓小朋友打好基礎，到上小學時能力所及，要考上好學校的機會也大一點呢！

bbnicebb

回復 kingbbsam 的帖子

阿仔每逄兩星期就上言語治療、職業治療、物理治療，都差不多一年時間嘞，都係進展唔大。 佢可能係失用症，原本諗住不斷治療、訓練會好快有進步，但一日復一日、一月復一月，真係越嚟越心痛、越嚟越徬徨，所以希望唔好揀錯學校，揀間真係幫到佢既學校。

eva816

kennyrita 發表於 13-3-4 14:19
我囡都係咁, 3歲1個月, 個問題同你仔一樣, 但佢唔活躍, 但專註力好差, 好散。
做緊一星期半個鐘訓練, 佢可 ...

我仔專註力都差, 只有一個導師可以令佢坐定定1hr 上堂,
但佢好大膽, 什麼都唔怕 ,應該係冇危機意識, 撞親又唔覺痛, 有冇掛緊s or　ｅ　位？

kennyrita

回復 eva816 的帖子

早排係私人做左全面發展評估, 掛緊e位, 政府cac就仲排緊個評估, 只見左姑娘。

現在係私人做緊訓練, 開支好大, 但6299又唔肯同佢做家居訓練 (日間是佢地湊的, 晚上放工才接回來, 通常8點幾先回到家, 沖埋涼都起碼9點幾了。

我地根本同佢做唔到家居訓練, 6299 只係食同訓 , 但食都唔係食得好, 一個星期都唔知有無一餐湯水比呀女飲, 所以唔知是否咁, 所以個底子唔好, 成日病, 又要成日睇醫生。

以前未返學果時, 一餐cook埋分幾餐食, 邊度新鮮呀, 來來去去唔係蒸魚及碎肉撈埋落d飯度一齊食, 呀女唔肯食菜扭計嘥時間, 就唔cook比佢食, 萍果雪梨就果容(易食) , 湯只會煲開奶茶, 一係竹x水, 仲要係我地叫先煲。

現返緊n班全日, 只係晚上果餐係佢度食, 叫做新鮮d。

呀女現在有慢性鼻竇炎, 早排食抗生素, 食到亂晒龍, 一係唔係食多就食少, 一係唔食, 佢可以3日葯食到5日出來, 我直頭想揀死佢地。

我知父母責任大, 但無法要搵食, 佢地早幾年猛叫我地生, 我地話無錢無時間, 佢地就拍晒心口話幫我地湊, 幫我地養, 只怪我太天真‧

佢地只不過要"有後", 你話當呀女係寶由唔係, 佢會顧自己多d, 我見一地d爺爺嫲嫲好緊張自己d孫仔孫女, 總之物野都以佢地為先, 我不知幾羨慕。

請容許我呻下, 寫寫下不其然又掉眼淚

methy

kennyrita 發表於 13-3-5 14:40
回復 eva816 的帖子

早排係私人做左全面發展評估, 掛緊e位, 政府cac就仲排緊個評估, 只見左姑娘。

好難要求老人家幫手做訓練，佢地幫手湊點都有自己一套，如果真係要佢地幫手訓練,我估你既落差仲大。
返全日n班，有早餐午餐食幾好呀，老師會引佢地食,小朋友見人食,自己又會食,好過係屋企。

遲d排到e位，每星期有幾日都要返中心做訓練，老人家知道嗎? 要早d比心理準備佢地要帶出帶入。

kennyrita

一早已講了, 但上唔上心又另一件事

佢地試過, 唔同佢返學

kennyrita

回復 methy 的帖子

同埋只識同我地講, 費物做訓練, 大大下自己會識, 同學校會教。

methy

kennyrita 發表於 13-3-5 15:33
一早已講了, 但上唔上心又另一件事

佢地試過, 唔同佢返學

如果佢地都唔認同你既安排.都好難要佢地幫到手。

老人家"玩"孫就得，我d長老已經老了，一來唔想佢地辛苦，二來佢地仲停留以前嗰套'大大下就識"既觀念，所以我比錢請EE湊，好彩又湊得好,又跟到訓練。

kennyrita

回復 methy 的帖子

請ee?? 你意思是傭工定鐘點????

請傭工就唔會了, 一闊三大, 又無地方比佢訓, 現在2份人工都無mug錢剩, 因要供樓, 所以唔會請傭工了。


不過我覺得, 佢地唔想湊可以出聲, 咁我嘅安排就唔會咁了, or 諗過第2個方法, 又or 唔住佢地附近, 改住第2度 (搵第2d人幫手), 但一切已塵埃落定, 現無得郁唧

kingbbsam

kennyrita 發表於 13-3-5 16:47
回復 methy 的帖子

請ee?? 你意思是傭工定鐘點????

老人家我都成日聽到佢地講, "大大下就識, 慢慢來"

我以前聽到唔會理, 但依家我會同佢地講,, 要面對現實, 無咁叻係事實, 我地係要積極多D同佢互動, 同埋做訓練, 唔係你一句我一句就會變叻左

kingbbsam

bbnicebb 發表於 13-3-5 08:11
回復 kingbbsam 的帖子

阿仔每逄兩星期就上言語治療、職業治療、物理治療，都差不多一年時間嘞，都係進展 ...

同意, 我都好怕選錯學校!

言語治療、職業治療、物理治療你係邊度做呀?  過左一年都無咩進展??  有無轉過中心做?

bbnicebb

回復 kingbbsam 的帖子

佢喺協康做言語治療、其它就喺政府做。 協康轉過兩個治療師，都係話佢口肌差，話佢大小肌肉差，要大小肌肉OK先再到口肌。 大小肌肉發展都搵唔到咩問題，醫生解釋唔到，話只有不斷做訓練，睇情況。 所以我想知如果轉去排E位又分派到，咁政府既訓練仲可唔可以繼續呢？ 驚學校支援不足又冇晒做開既訓練，更加冇進展。

methy

原帖由 bbnicebb 於 13-03-06 發表
回復 kingbbsam 的帖子

佢喺協康做言語治療、其它就喺政府做。 協康轉過兩個治療師，都係話佢口肌差，話佢 ...

派到E位後。就無哂醫院既治療架喇。
其實我都幾滿意醫院既PT&OT,之後派到E位，都好好，去到一間中心接受唔同專業既訓練（PT,OT,ST,PST,PST小組），以PT做例子，醫院一節1小時，PT只會睇小朋友10多分鐘，只餘時間自己玩器材，E位就一個PT一對一跟足全程，運動過程用玩具引小朋友，阿仔笑住做訓練。

kingbbsam

methy 發表於 13-3-6 13:12
派到E位後。就無哂醫院既治療架喇。
其實我都幾滿意醫院既PT&OT,之後派到E位，都好好，去到一間中心接受唔 ...

我小朋友做緊醫院既職業治療, 即係PT?OT?  
醫院做既我覺得好好, 奈何只給我3星期一次

另E位應該要等多一年, 你係咪排urgent隊架?  咁快排到

methy

原帖由 kingbbsam 於 13-03-12 發表
本帖最後由 kingbbsam 於 13-3-12 20:21 編輯

職業治療=OT,我阿仔嗰時醫院都係1個月去1次，密d都無，治療師話情況比較嚴重先會多d,我阿仔係1歲排E+S位，2歲8個比E位，2歲9個月比埋S位，無要到S位，要左個E位，E位OT密過醫院，一個月有兩節，近期阿仔小手肌停滯不前，死都唔肯搓筆，治療師好好，有空檔會加多一堂。

kennyrita

佢地咪覺得佢蠢囉， 所以做訓練無用

kingbbsam

methy 發表於 13-3-13 13:19
職業治療=OT,我阿仔嗰時醫院都係1個月去1次，密d都無，治療師話情況比較嚴重先會多d,我阿仔係1歲排E+S位，2 ...

原來你咁早開始排, 我未排到E位, 自己另外搵緊想做密D, 最重要是平D既職業治療, 我理想是一星期兩堂

我自己經驗, 始終在家做不及外人做, 小朋友明顯服從治療師多好多, 事半功倍, 在家就自由慣了, 唔太肯做~