大抽獎黃大仙(43網)點選好?

ppsfung

formula0106 發表於 13-1-28 16:17
多謝你意見. 但因為我住好遠. 每日返學來回連行路去MTR都用2個HRS左右. 加上個仔係羽毛球隊. 逄一,四都要 ...

原來你仔仔係運動健將,
我個女只係讀書, 運動音樂藝術沒什麼出色之處
我覺得要讀好書已經不容易, 所以其他方面我不敢再要求.

我覺得分數不能作準, 因為有時試卷出得深, 整體分數自然較低, 所以睇全級名次才反映小朋友的進度.
我地P3期中考都出得幾深, 我囡囡英文和數學都得8字頭 (佢英文一向都好高分,嚇C我), 幸好全級名次又KEEP到.
今次大考又淺咗, 我個女話好多同學都有9字頭, 老師叫佢地不要自滿, 因為試卷淺咗, 有8字頭只屬正常, 不能鬆懈.

我相信每升高一級, 一定會深咗和艱難咗, 我女初升小三時, 經常9:00以後才完成功課, 她說因為作文很花時間, 另外默書又要有80分 (中文老師話低分的要留堂或在假期返學校抄書, 我囡囡很擔心), 所以要温多幾次.... 後來佢重新安排時間, 在學校完成部份功課, 所以現在8:00已回到家.

小朋友的適應力很強, 多點鼓勵你囝囝吧!

ppsfung

formula0106 發表於 13-1-29 09:43
男仔比較好動. 佢鍾意打波. 最好堂堂體育堂. 佢唔係健將. 只係坐唔定既小朋友

我自己本身唔係讀書材料.我 ...

都已經讀到P4就無謂再回想學校是否合適, 況且你仔仔的成績又不算很差, 即表示佢其實有能力, 所以我不認同咁快就講到佢唔係讀書材料, 我有很多朋友, 父母讀書不多, 但我朋友都可以讀到大學.
你仔仔只係比較好動, 不是坐定定讀書嗰D, 我個女都話佢班有些男仔較多口, 其實咁都算好事, 男仔太文靜不懂同人地溝通, 大個咗仲蝕底.

如果你覺得仔仔不適合坐定讀書, 那中學可不再選保良局學校, 可找成績不錯, 校風好, 但無咁谷的中學比佢.
補習老師話通常何壽南的學生被谷憤咗, 所以做卷寫字都會比其他小學快, 所以上到中學會比較挨得.

我個女讀的傳統是幼稚園, 但佢上到小學是都話老師好嚴, 佢好怕比人駡..... 平時我個女成日駁咀, 又唔聽我激, 好激氣. 好彩學校老師可以治到佢, 以免佢太過份, 我仲放心.....


你仔仔選廣東話中文班定係普通話班?

我囡囡小一時都試過考試測驗6X分和7X分, 初上小學佢中文最差, 因小學的中文要求和幼稚園很不同.....
不知是否因普教中還是因為佢由小二開始喜歡看小說, 囡囡現在的中文成績也不錯, 多數有9X分, 但作文有時也只得7X分... 不過作文的確較難.

ppsfung

原帖由 songyang578 於 13-01-29 發表
回復 ppsfung 的帖子

你既女學校中文試卷一般有多少個部份,係唔係45分鐘做晒

我個女話唔知有幾多部份，只答我三年班試卷約6-7頁，45分鐘。

ppsfung

formula0106 發表於 13-1-29 15:07
仲有值得一提. 英文小四用"了草"時. 個仔真係日日見到都想流眼淚. 因為佢話做得慢. 佢話又捉得嚴. 少少字" ...

講開中文老師要求高, 我都覺得.....

上咗P.3之後, 我個女中文老師要佢地默書有80分以上, 又話默書測驗成績未達標, 在聖誕節要返學做額外功課... 所以我個女好驚.... 另外有個同學家長也間中會打比我問功課 (佢囡囡和我囡囡同組, 很熟), 嗰位家長都話上咗P3以後, 佢個女會注動温習, 又會講要把目標SET得高D, 不能求求其其交咗就算....又話要對自己有要求.

今年的中文和視藝是同一個老師, 有幾次我個女很隨便做咗視藝功課, 老師唔收貨要佢修改, 圖晝要油底色 (不能留番大部份白色), 仲手在空白部份要加些圖案或色彩.....所以我個女連視藝都做得很認真.

我個女仲成日同我講今年真係唔好彩, 遇著位要求咁高的老師..... 原來不是個別老師問題, 是高年班要求高咗...睇來佢有排挨

ppsfung

formula0106 發表於 13-1-29 14:23
我個仔由小一到小四都係同一班. 普通話班. 聽個仔話係精英班. 所以小四老師主科全部都係主任級教.

我個女由P1-P3都係同一班 ..... 我只知分普通話和廣東話班, 不知道有再分成績, 我一向覺得2班普教中是一樣的. 可能到P4才再跟成績分吧 !
同學的學習態度對小朋友影響非常大, 大家都認真佢唔敢懶...

ppsfung

songyang578 發表於 13-1-30 09:58
回復 ppsfung 的帖子

我個仔二年級開始,經常有好多同學做唔晒中文試卷,包括我個仔,比較悽涼 ...

我個女掉番轉, P.1和P.2初期會做唔晒中文卷, 依家科科都話有時間剩.
上次期中考就係話有時間剩,仲話做完可以瞓覺....但結果睇到佢有很多careless mistake, 很明顥她做完後沒再認真CHECK卷.

補習導師都話佢成日心急做完交卷, 現在反而迫佢要做慢D, 小心D.
依家補習老師專登安排佢和做得慢的人一齊默書和做卷(以前見佢做得快, 比佢自己做和自己默書), 再迫佢在另一位同學未做完時佢要認真CHECK, 發現佢粗心大意補習老師會駡佢.

ppsfung

songyang578 發表於 13-1-30 12:36
你個女補習社有操卷既?咁係唔一樣的既,因為習慣要快,我個仔同學都好多人補習,不過我個仔冇補習,一樣都好多 ...

平日只係做功課和温默書, 考試前的星期六日返去做卷, 每次大約做2 hour, 除咗做自己學校的past paper外, 都會做其他同區學校的題目.

之前一年級常識科我個女講過有D題目在補習社做過, 最近好少講是否題目一樣.... 不過我個女不會專登記住自己做過乜題目 (可能佢只掛住快), 有時我返到屋企, 出番補習做過的題目比佢, 佢都唔知自己已做過.....

數學要做得快而準我覺得要做多D, 因為只是明白不足以在考試取得高分, 要做到很熟才能減少大意, 成績才穩定, 不會時高時低.

我覺得有補習的考試時會比較著數, 因為在補習社會做到不同形式的題目(不同出版社的補充, 和不同學校的題目), 平日做慣到考試時會好似機械人一樣, 好似平日温習咁坐係度做, 不會覺得緊張.

ppsfung

songyang578 發表於 13-1-30 14:14
回復 ppsfung 的帖子

我的呢類學校小朋友要有比較好既記憶力比較着數,唔係都幾辛苦下,我大仔有少少記憶力, ...

讀P.3嗰個是大仔定係細仔 ? 細仔是否年尾出世?

就算是2兄弟, 都可以資質很不同..... 我以前和家姐讀同一學校, 但家姐成績比我好好多.
可能細仔仲未開竅, 所以讀得辛苦D, 做父母的為咗佢地, 辛苦D都要頂住, 儘量去幫.

ppsfung

songyang578 發表於 13-1-30 14:37
回復 ppsfung 的帖子

p.3係大仔,細仔p.1,兩兄弟無論係性格和學習能力都相差好遠,如果大仔成績唔跌,將來可 ...

P.1才開咗學1個學期, 又唔需要咁快話細仔唔掂. 小朋友開竅起來, 幾個月可以唔同晒...
我個女P.1初時試過第6X名, (全級12X人), 成績只係麻麻地, 又係中文做唔晒....

好彩佢KEEP住勤力和聽話...到P.2突然間進步, 睇書寫字都快咗..... 你細仔可能一年後會成個人唔同晒.

我都唔知我大女成績會否KEEP到, 因為高年班要求會有所不同, 而且其他同學亦會進步, 到時可能佢又比下去.
暫時來講我沒有想得太遠, 見囡囡勤力又對學習有興趣, 返學又開心, 我已經好滿足....雖然我好想佢成績好, 但更想佢享受學習, 所以不會過於強求, 只要佢儘咗力, 就算不能升讀保良局中學都沒問題.

你親自跟2個小朋友的功課真不簡單, 我很佩服你呢, 我本身沒有耐性教小朋友, 我覺得返工揾錢比佢補習較適合我性格.... 而且我細女就快讀幼稚園, 我都要跟細女學習進度.

希望我地個大仔大女都KEEP住咁生性, 第日中學做同學啦

ppsfung

songyang578 發表於 13-1-30 15:32
其實我都好明白讀書需要天份,大仔暫時唔需要我操心已經好感恩,我細仔係屬於好怕讀書,唔想記也,最好就日日冇 ...

請問你2個仔讀同一間幼稚園嗎? 是否保良局幼稚園? 讀有無學劵的幼稚園?

雖然細女必入番家姐的小學, 我不需擔心小學派位, 但見到呢間小學功課多, 我也不敢隨便找間幼稚園給細女, 怕佢幼稚園太輕鬆, 上到小學跟不上..... 而且細女年尾出生, 細女讀書較餌底.