育嬰園

cclemon2009

我囝囝由15months開始返，我覺得好好，自理能力高，語言能力好好，冇打人習慣，反而同其他同學好friend，由於那校只收12個小朋友，所以都吾算成曰病，可接受

流浪貓

請問你地係咪一有左5個月後就去報名定係點架, 我個囝囝而家兩個月先報名, 1間排緊2XX, 一間排緊3XX嘅"醜", 我好驚佢到2歲都仲未等到入托呀

kumiso

原帖由 IT229 於 12-12-18 發表
有冇人返過育嬰園，對小朋友好定唔好，thx

樓主，育嬰園係湊BB 全日定有指定時間架？由幾大湊到幾大呀？我呀B而家4個幾月大想比佢入育嬰園？知唔知係唔係要排好耐架？

cclemon2009

要排好耐，我一懷孕便入申請表啦

IT229

回復 流浪貓 的帖子

我係囉..6個月左右就排, 你而家先排就...

IT229

回復 kumiso 的帖子

全日, 0-2歲, (4個幾月)睇怕你都入唔到啦!!!

IT229

回復 cclemon2009 的帖子

邊間??? 咁小人

cclemon2009

原帖由 IT229 於 12-12-24 發表
回復 cclemon2009 的帖子

邊間??? 咁小人

德福幼兒園，不過較其他貴

Jesation

差唔多week 10開始排，冇人幫手又唔鍾意屋企多個人。亦覺得工人唔識揍仔，都排唔倒延展，亞仔4個月左右入託。

除咗病多咗。

其餘一切好好，嬰院會有好多講座安排，會借書俾你睇，會每個月由小肌肉，大肌肉訓練，有表有進度，話你知佢有冇乜唔妥。會每月定期影相幫你放上fb，有好多嘢玩好多嘢學。大組包括勞作，有得煎蛋炒菜，d老師亦有愛心，我諗好多嘢工人唔識做。甚至老人家亦都唔識做。學用杯、戒片、排隊之之類類，而且有乜緊要事，都可以好放心打過電話去遲接。仲有生日會、過時過節有禮物有party。

工人唔一定唔好，不過隨時唔做一點都煩，嬰院少咗呢d變數。不過嬰院太少，好似唔係區區有，d位好緊張。

IT229

回復 cclemon2009 的帖子

哦!!! 我有問過...真係超貴$6xxx, 仲係有d野唔包, 不過就近我附近

IT229

回復 Jesation 的帖子

聽你地咁講, 開始後悔緊...

cclemon2009

原帖由 IT229 於 12-12-27 發表
回復 cclemon2009 的帖子

哦!!! 我有問過...真係超貴$6xxx, 仲係有d野唔包, 不過就近我附近

老師真係照顧得好好，又比訓練佢地，又有比comment我，又有得出去playground 玩，我囝囝自理能力和語言能力都好好，亦令仔仔面試k1時有好表現，我每日好放心，我覺得值！

intimbaby

嬰園真係好好，如果我再生我都會再讀。冇打人，想要對方嘅玩具時，反而會用自己手上嘅玩具同對方交換，相信依啲同同年紀嘅小朋友係唔會識。相親相愛，番學放學會幫同學仔攞埋鞋換。會抱抱，有小朋友喊時，會輕撫對方叫對方唔好喊。每個月有不同主題，教小朋友唔同嘅嘢。定時有講座，親子活動，評估，每日老師都會同你講番小朋友嘅嘢。之於多病，我個仔頭兩個月入託真係成日病，依家冇lu，講真，唔讀嬰園，第時番N番K都一樣會經歷成日病。我個朋友連N都冇讀，結果個女由K病到上小學。總括嚟講，學識咗好多嘢，好鍾意番學。

Jesation

回復 IT229 的帖子

你做倒全職媽媽好多人恨都恨唔倒，唔使後悔。
只係想話育嬰院係好嘢嚟，係唔知點解全港都咁少。反而外傭問題仲多就周圍都係，此為事實並非歧視外傭。touchwood, so far 我冇乜聽過育嬰院有咩case如虐兒，偷竊。

呢d實事又唔見政府批多d，淨係識食_。

LL222

intimbaby 發表於 12-12-29 09:00
嬰園真係好好，如果我再生我都會再讀。冇打人，想要對方嘅玩具時，反而會用自己手上嘅玩具同對方交換，相信 ...

你講中我心中所想，點會打人，有老師教嗰嘛。仲有, 營養師設營養餐單每星期日日唔同飯餸面粥果汁同老火湯。記得未排到去參觀時見到两位媽咪，我問 "工人定呢度好?" 两位媽咪異口同聲大聲講 "返呢度放心好多!!"