天水圍邊間幼兒園好呢??

小樹熊

lusanna,

我都是在職媽媽啊，但為了幫囡囡選校唯有拎大假親身走去睇睇囉，因為始終是天水圍區的關係

我本身屬意找元朗的幼兒園 / 幼稚園的，肖珍及真光咁出名肯係一早考慮過啦，因為不能否認呢兩間元朗區老牌"名校"派位真係好好，但係都不能一相情願的盲目入讀便算，都要配合到實際情況啊。

最初考慮校學時我只係得囡囡一個，開始考慮時佢都未足一歲，而且我是打算親自接送佢返學、放學的，咁要看埋學校附近有沒有可泊車的地方，跟住便是要全日或半日際了，如報了半日際的那麼囡囡放學後怎樣安排 (安置 ) 佢呢?

到囡囡要入紙報校時我剛有了BB，便要改變全個大計了，第一樣即時要變為報全日際的幼兒園，時間長了亦希望囡囡可以早點學習自理、合群，而且多了下午的時留在學校，旦明講我便不需擔心如囡囡讀半天放學後在家倒蛋時會影響細佬了。

而學校與家的距離便要拉近，因為想著到囡囡開始返學時bb只得6個月大到，而且我亦是餵母乳的便要更珍惜時間了。

而肖珍及真光只得半日讀，當時我親身問過肖珍是幼稚園，小朋友是要足3歲8個月才可以入讀，而且她不是活動教學的，她們還沿用傳統教學，即係小朋友一入讀便要坐定定在坐位上上堂，此點就要看妳點睇了，因為小朋友沒有了活動教學，但是卻可早點適應小學上課的模式。

而真光就問了上午校難報的，長期都說上午班沒有位，只能報到下午班 我都唔明點解，可能佢上午班一早留哂位都唔定，一諗如果囡囡要讀下午班咁由邊個送佢返學呢便頭痛了。

最後才改為考慮天水圍的，不過天水圍有好幾間很出名的如英藝、激活、德怡，因為她們有國際班全英語教授，但是出相學費便很貴 (我覺 )，讀全日的四、五仟閒閒地，還未計學校的其他興趣班，德怡叫最平的收$3400.-，但是要考慮其它問題。

英藝在開校初期小朋友返學要走鬼，因為超收，而且"傳"英文外藉老師是沒有教學資格的，激活都試過有類似傳言，亦試過傳財政出現問題，德怡在上年 (04年頭)都傳過，當時我正要下決定在邊間落留位費時，德怡的職員試過一天打兩次電話給我催促交留位費，話因為學位好緊張，很多人查詢想入讀.......。

最後選了夏瑞芸都有個原因的，因為曾"聽聞"夏瑞芸與元朗的靈愛同屬一個教會有聯系的，在小朋友派小學時"有可能"有方法與靈愛的校長拎到一個半個位。靈愛小學的學位講真我好興趣呀。

不過其實夏瑞芸本身派校的紀錄都幾好，派到天水圍的天主教小學、循道衛理。兩間都入到7、8個小朋友。天水圍區的小學這兩間好好的。還有天水圍官立。

不過如果可以選 / 諗定小學呢，我都是想在元朗區找，不竟天水圍區真的比較復雜、家庭問題、不良青少年及黑社會問題是比較多。   

我不是想說天水圍區什麼，只是在一個媽媽的心聲來說，沒有人希望自己的小朋友被污染，要教好小朋友不難、但要學壞卻更快。

丫~差點漏了國際班的選擇，我曾問過英藝及德怡，兩間的國際班都是沒有中文字學 / 寫的練習的，所以完成幼校的課校後想轉回傳的的小學便會承接不到，她們的課程是為升上國際學校的，但觀乎天水圍、元朗及屯門區都唔覺有國際學校 (小學) 囉

希望幫到妳啦。

creamsoda

我本身係讀肖珍既,上下午班都讀過,但回憶中係讀得唔開心,而且派位唔見得好,最後去左元朗官小 但我兩個表姐都派左去光明既~我認為讀書一定要讀得開心,讀得唔開心真係會令小朋友唔想返學,所以我唔會揀返肖珍比個女讀...~
聽"小樹熊"咁講,"夏瑞芸"都幾好 其實我覺得如果有人接送既話,學校係天水圍區唔係咩野問題...而且方便d~
不過我個女仲細,都仲有時間慢慢揀,不過都想搵一些可以兩歲入學既學校比佢適應下....
請問係咪"德怡"同"夏瑞芸"都可以兩歲入學架??

kachunma

博愛xxx幼兒園是活動教學的,老師、嬸嬸都好好,但學生就......！？    

Web

我識得好幾個家長都唔想小朋友在天水圍讀書,就係因為怕同學仔的素質比較參差. 但除非我有錢比囡囡由幼稚園開始在其他地區讀書, 否則, 避到幼稚園, 到避唔到小學(其實我有考慮過比佢讀李宗德, 但今日唔知聴日事, 唔知到時該校的學費係點), 所以, 唯有希望搵間無咁差的.

英藝和德怡我都去過參觀. 德怡比我的感覺係寸同商業. 英藝先後去過兩次, 分別幾大. 第一次係去年十月, 接見我的姑娘很友善, 解釋詳盡. 第二次係去年十一月, 由另一個姑娘招呼我, 可能佢

finger

咁你地知唔知天耀既"元朗商會幼稚園" , 和天端既"伊利沙伯舊生會幼稚園"好唔好呀?
咁派小學方面又點呢??

creamsoda

唔知元朗,天水圍有冇靈糧堂既幼兒園呢????
佢地冇咩功課做,日日返去玩,小朋友都讀得好開心架

kachunma

元朗好似無靈糧堂既幼稚園的。
天瑞

小樹熊

天水圍嘉湖山莊景湖居 (近銀座的在夏瑞芸隔離)，有間天樂幼兒園、獨立校舍、樓高兩層、是幼兒園．幼稚園，收2至6歲的小朋友。

我在送囡囡返學、放學時見到好多小朋友在那兒返學、而且好似幾開心咁的，仲有見除傭人外都有幾好是家長自己接送的，仲有佢校內有點點似德怡，因為都是在正正校內大堂放了一大座玩具滑梯、環境是幾好啊、交通都算方便，因為幾近輕   站的。

電話是：3152 2600 (希望冇睇錯因為今朝渣緊車望的 )

唔知有冇媽咪可以比多D資料呢?  希望幫到妳啦。

Marymama88

我的女兒是讀天樂的, 但下學期會轉去德怡, 因天樂自從K1下學期尾不見了英語外藉老師後, 至今個學期才請回一個, 但只見過一個多月又不見了, 亦沒有正式向家長交代.

其實天樂幼兒園方面都做得不錯,很多活動給小朋友參加, K2 及 K3 亦有參觀活動, 而且基楚班巳開始有普通話堂上, 特別下午班, 人少, 照顧好並且老師都很好.

但因我希望小女在這階段多接觸英語, 以便配合小一的課程才轉校.我相信德怡活動方面會小很多, 但英語方面會多外籍老師教.

其實不能夠說那一間好那一間不好, 應該說那一間最適合.

除非是揀私小, 否則都要參加大抽獎, 所以在天水圍選那一間幼稚園都不影響升小一的結果.

據聞元朗真光幼稚園雖然很多人讀但好似要高班才有普通話堂上並且要2星期才有一次英語老師, 教學亦以很傳统, 如是真的, 各位應考慮這一点

creamsoda

多謝大家既寶貴意見~!!!
揀學校比小朋友真係要好謹慎呢....
又想個女讀得開心,唔洗做咁多功課;但又驚呢類學校既課程淺得滯,會令佢第時派位派得唔好..或者升小學會銜接唔到,難適應...唉~真矛盾呀.......
而且有辨我睇,我自己都係讀所謂既名牌幼稚園,咪又係派去唔好既小學......

julial

I don't know how to choose??夏瑞芸?天樂?德怡?英藝?
These school have what's difference??
My son is 14 months now, when should I apply for n1 or k1??

Very worry lar........