請大家幫手，希望在註冊前做決定，根徳園vs學之園。

oooasis

Amymichelle 發表於 12-12-9 23:04
阿女返黎同我傾計話好鍾意返學,好鍾意老師so far日日放學都笑騎騎^^其實阿女d性格同你囡囡差唔多,都 ...

你的例子真係比到我好大信心。我唯一擔心就是學校嚴格小朋友會唔開心，（因為小朋友大多數喜歡溫柔的老師）。
如果教的深，嚴，小朋友又可以開心，根徳園真是好有辦法！
你地平時係屋企紀律如何，係由細已經非常注重紀律，還是返學之後的改變？
慚愧地講一句，我個女係屋企，紀律方面真係麻麻地⋯⋯

oooasis

Christi 發表於 12-12-9 23:43
個人覺得,有冇phonics學係一個關鍵.phonics已經係主流的學英文模式,小朋友掌握到之後,對睇書,認字,甚至默寫 ...

多謝你的意見！再加上自製教材＋面試班，學之園真係好吸引人。
想知道你囡囡入學前普通話如何？因為我好希望女兒入學時可以用流利的母語同老師溝通，如果英普，溝通上難免辛苦d，唔想因語言的問題令女兒抗拒返學。
順便一提，我接觸過的學之園學生，個個都有禮貌又醒目！而且唔知點解，樣貌上都很相似，都是眼大大，脣紅齒白的醒目小淑女型。
（我個女曾經讀過間學校係正LH隔離，兩間學校d學生真係有分別）
相信你的囡囡一定很聰明漂亮。

oooasis

lovehei 發表於 12-12-9 23:55
我去年程況同你一樣，我選了根德，没有後悔！根德是一間很好，很用心又不商業化的幼稚園。小朋友都很喜歡返 ...

咁你一定好明白我的左右為難矛盾心情，兩間唔同類型，但又各有千秋。15號前要決定了，我得返5日時間考慮⋯⋯唉！

Amymichelle

alovea 發表於 12-12-9 23:59
回復 Amymichelle 的帖子

下??咁多"冇"??點解家長又有咁高評價呢?

所以咪好犀利囉,咁多冇都有咁高嘅評價!傳統教學,有紀律,訓練小朋友自理能力強!單係呢幾樣對我而言已覺得物有所值!沒有一間幼稚園係完美!家長要作出取捨和配合!

heitung10

我都有KV, 學之園olympic英普offer, 我選KV, 都無乜考慮....(銀碼都比左個答案我了)
學之園和維記給我感覺有點像教育機構, KV就係傳統名校
選KV, 平靚正名, 有口皆碑, 傳統, 九龍塘區, 有戶外校舍, 教學經騇好, 校車覆蓋高
英文唔知, 但係你想入傳統名小學相信KV都佔優
派小學我無硏究, 但係KV咁出名, even小學老師校長應該都buy d
上述只是個人意見, 我都係新丁only...

oooasis

heitung10 發表於 12-12-10 02:40
我都有KV, 學之園olympic英普offer, 我選KV, 都無乜考慮....(銀碼都比左個答案我了)
學之園和維記給 ...

多謝你分享!你都係今年考k1？咁你同我面臨的選擇一模一樣wor，你係咪唔打算註冊學之園？我諗KV我點都註冊左先，但學之園我會問下可否轉英粵，如果可以，又要再諗過。

Amymichelle

oooasis 發表於 12-12-10 00:12
你的例子真係比到我好大信心。我唯一擔心就是學校嚴格小朋友會唔開心，（因為小朋友大多數喜歡溫柔的老師） ...

其實KV嘅老師都有溫柔嘅一面,我所識d朋友仔女同讀KV,對老師都好受落,唔會因為嚴而怕!阿女兩歲前都係由婆婆湊,同婆婆住,太縱容佢,所以紀律真係麻麻!我同我先生見到咁嘅情況,(因我同我先生都係好重視紀律嘅人同要求高)所以決定由佢讀Pn班開始我做左ftm全權接手返,經過我同我先生差唔多兩年時間訓練已經改善左好多!而家返埋KV,兩者配合,而家so far只係返左3個月,自理很好,返黎同我講有乜功課n自己做!因為老師唔會寫手冊話有咩功課!老師要佢地返黎自己講!已做了一次評估＜都係唔話家長知＞所以佢地真有一套教學方法!
而LH我唔係用家,所以比唔到意見你!希望其他家長可幫到你!

pekkle321

我會揀KV, 因為學費平又學術深！自己好鐘意 會揀出去補英文，多過學之園！自己係LH既pn用家，課程係好，但不知點解仔仔回來的英文口音好像比從上pg差！

December_baby

我都正面對相同情況：LH英普PM (青衣）
vs KV AM。                     
我女兒同樓主女兒性格都好似，我以為樓主形容緊我個女：p
我亦都有個細女（6月B)
有少少意見俾樓主，若你女兒語言好，表達能力高，不妨讀英普，我都相信我女兒有天份和能力master多一種語言。

我自己呢？未決定到。
其實KV既名氣對考小學既幫助係咪大過LH?
但LH在課程內容和升小支援方面就好全面。

lovelyhobb

而家有朋友小朋友讀緊, 都話學之園愈來愈好, 因為佢地有班TAILOR MADE課程既團隊, 好有經驗, 而且小朋友好喜歡返學

December_baby

補充少少，我女兒係精力充沛型，好動，但好專注，都好鍾意睇書，我有d擔心KV 太靜態，如果佢唔鍾意返學， 就大鑊啦

安安太太

我個女讀學之園英普, 宜家K3, 她入讀前不懂普通話, 宜家說得很流利, (我沒有在外補普通話),  雖然有時有些人說幼稚園返3小時, 食下茶點, 去下廁所, 都無咩時間, 又再分英文, 普通話, 真正學的時間不多, 但我想講下小朋友每日3小時都是在這個環境學習, 3年時間, 怎樣也浸出了一點成績吧! 我個女超鍾意返學, 回想她當初K1, 開學幾個月後已經略懂普通話了, 完全沒有擔心她不適應, 其實我諗小朋友適應力很強, 你俾咩佢咪學咩, 如果你最後選擇學之園, 請你不要放棄英普的學位! 今個星期開始每星期默四個英文及中文生字, 她是讀得很開心的。而且學之園會將上堂活動的情況拍照, 每月的唱歌片段, 每星期的中英歌, phoncis教材, 都會上載給家長和小朋友回家練習, 這個是有錢都買不到的回憶! 總括我對學之園相當滿意, 小兒亦有幸被取錄下年的英普班! 我亦覺得學費是頗貴的, 但絕對物超所值!

Doris_Ray

原帖由 安安太太 於 12-12-10 發表
我個女讀學之園英普, 宜家K3, 她入讀前不懂普通話, 宜家說得很流利, (我沒有在外補普通話),  雖然有時有些 ...

聽到用家分享好安心。
我囡係10月尾細b，收咗英普班,唔知會唔會谷得好辛苦呢?

December_baby

回復 安安太太 的帖子

謝謝你既分享，可唔可以講多些少LH在考小學方面對家長既支援？如唔介意，可否透露你小朋友考小學經驗？有offer 未?

chapter

LH 每個月都有上堂相比你下載確實係一個亮點...係小朋友口中既返學生活真係一個迷~!
當然, 兩間學校真係各有所長, 好難比較...

安安太太

我小朋友考咗8間, 有兩間offer (培僑同德雅), 另一間還等緊消息, 我地那一班有去考培僑同德雅都全部收晒, 因為有咗K2 & K3的小學面試班, 我個女完全唔會驚, 覺得好好玩, 她有次上學中途離開去面試, 佢話全部小朋友都一齊叫佢加油, 我聽完真係覺得好團結, 另外因為學校K1要出去show & tell, K2要講報紙新聞, K3要個人表演及講故事, 所以小朋友已經習慣面對自己行出去講野, 唔覺得係D咩事, 所以很輕鬆! 講下我個女性格, 其他佢由細就很怕陌生人, 會躲在我的身後, 有人來抄錶佢都會喊, 聽到有大聲音都會好驚, 所以我覺得學校的幫助很大, 看見她有那麼大的改變, 我真係好欣慰!

另外當年其實都有報KV, 但就係因為細佬早產, 所以無去到interview, 去SC interview 又喊, 當然唔收佢啦, 今年我個仔都有in KV, 但入到去又係唔講野, 一粒聲唔出, 但去到學之園就好開心, 答晒d問題, 所以同學之園真係一種緣份!

Christi

我女女由pn讀到現在k2，入學前零普通話，現在可用普通話作日常溝通，極愛上學。她和她的同學們都習慣了見外籍老師講英文，見普通話老師自動轉台講普通話。

選校無話對錯，最重要配合自己的價值觀。我重小朋友語言、重探索、不愛太谷太深，我也喜歡小朋友鬼鬼馬馬、天馬行空的。個個人唔同，睇你要邊樣。

oooasis

Christi 發表於 12-12-10 14:02
我女女由pn讀到現在k2，入學前零普通話，現在可用普通話作日常溝通，極愛上學。她和她的同學們都習慣了見外 ...

多謝你的意見，咁小朋友講野會唔會一句話入面有2種語言架？

ce366

學之園!