入唔到名幼稚園,對小朋友曰後學業上的影響有幾大啊 ?

assado

原帖由 Jane1983 於 12-12-04 發表
父母肯投入時間和精神教小朋友，應該吳系好有問題wor.

同意。
我有個朋友個囡，冇讀過名校，但拔尖讀醫。重要是父母點教好佢。

super1984

irisban 發表於 12-12-5 11:20
回復 irisban 的帖子

不過當你D朋友個個住豪宅, 可以比幾球買denbenture 比小朋友去國際學校讀, 自己就會 ...

請又容我再講另一個非常殘酷的現實, 你無錢, 無地位, 搞野的時候戴套啦. 生一個小朋友, 無非想他活得開心, 你背景唔夠, 唯有迫佢一定要力爭上游, 咁不如唔好生佢出黎好過.:D :D :D

assado

原帖由 irisban 於 12-12-05 發表
回復 panda1123 的帖子

好同意, 我由細到大都考得好好, 又讀名校, 但係因為野心唔大, 所以到依家都仲係小 ...

知足常樂。
小職員有乜所謂。

super1984

matsushima 發表於 12-12-5 11:33
人生各有不同, 際遇亦不一樣

咁又係呀, 好似我們這一批八十年代中會考的一代, 那些年會考, 成績最好那一批, 個個拿幾條A讀triple E, 出來在大機構做IT, 真係唔愁無工做 ( 一定程度上, 這是殖民地政府將精英吸納入建制的方法 ), 結果打足一世工, 家陣又驚IT部門北遷, 中年失業. 但另一批會考幾條D或E的物體, repeat的repeat, 去外國重讀, 或者兜轉一輪去外國拿個學位, 出來搵工已經是1995年, 那時讀電腦死哂啦, 但有一個新概念, 叫i-bank, 個個無野撈就入i-bank, 家陣發過豬頭, 部份已經退休. 但係讀書果陣時, 佢地只係一堆垃圾.:loveliness: :loveliness: :loveliness:

super1984

assado 發表於 12-12-5 11:43
同意。
我有個朋友個囡，冇讀過名校，但拔尖讀醫。重要是父母點教好佢。



  ...

我諗你仍然唔係好明白, 宜家問題係, 假如小朋友只係一般資質, 你有無plan B呀. 你有無錢將來幫佢俾首期, 有無幾層樓俾佢收租 ( 萬一真係高不成, 低不就的話 ), 又或者他的志向不是咁高, 只是想做個老師 ( 但係老師份糧, 將來可能一個車位都供唔起 ), 作為父母, 有咩可以幫到佢?

sammilcm

我大女讀緊一間都OK出名嘅幼稚園, 但我唔覺有咩SPECIAL.  佢有小學同中學但冇直上.  而且講真教學都唔見得有咩特別, 不過小朋友自律, 禮貌係OK嘅.  而見小學, SO FAR有2間ACCEPT咗, 但唔覺得學校有咩幫助.  我自己有比呀女出去學ENG, 普通話......

super1984

其實拔尖讀醫, 本身已經係一個笑話. 前幾日見番個舊同學, 他父母在QE做醫生, 住三千呎大屋, 家陣已經半退休. 到了今天, 我又認識幾位三十歲, 在政府做醫生的, 她拿政府萬幾元的housing租住四小龍六百呎單位. 家陣已經沒有行行出狀元呢支歌仔唱, 相反, 所有人都要為地產霸權打工.

whitepurin

所以倒不如問，學業成績對將來人生影響有幾大...

cheung_chit

原帖由 oooasis 於 12-12-05 發表
只有小部份C級，可以成功上位做老闆，但大部分A級，都可以有份體面，衣食無憂的工作。
跨國企業，投資銀行 ...

冇錯。有時睇問題淨係拎個別例子來討論冇乜意思，李嘉誠冇乜點讀過書，但唔可以因此就話讀得書少好過讀得書多。有名校生高分低能，亦有讀書玩的樣樣皆精；有唔出名學校學生做童黨，亦學校出狀元。我諗用任何個別例子去以偏概全都唔公平。名校學生水平都有參差，我亦相信普通學校的叻學生，成績比名校生好的亦有好多。但客觀來睇名校的整體成績係較好，當然有學校收零分學生，讀唔倒書唔緊要，幫學校攞獎就得，不過正如前面所講，用呢d例子去討論就冇意思。要比較，用大家最叻的，中等同最差的比，咁會更易得出結論。

家長想入名校，成績上都係有要求，至少希望佢衰極有個譜，因為整體的學習氣氛較好，但佢成績唔一定好過村校的叻學生。退一步諗，如果係一個好的學習環境，個小朋友都係讀得唔好，去到一個冇咁好的環境，佢的問題會更多。

cheung_chit

補多句，幼稚園係咪名校，影響唔及中小學。講真幼稚園有幾深？幫佢學好語文，培養閱讀習慣比入名幼重要。

super1984

whitepurin 發表於 12-12-5 12:33
所以倒不如問，學業成績對將來人生影響有幾大...

這是一個向上流動性的問題.

講真, 我那一代, 讀書叻的同學, 讀EEE, 出來做IT人, 雖然出來聚舊成日要聽佢講驚俾人裁員, 但他畢竟也住千呎大屋, 知識是可以改變命運.

但到了三十歲那一批尖子, 原來做醫生, 無一千呎大屋, 得番六百幾呎 ( 建築面積喎 ), 當然, 他們那些失敗的同輩, 可能要住劏房, 或四百呎單位.

也許十年後, 新一批的尖子, 六百呎樓都買唔起, 租唔起, 咁點呀, 住五百呎, 四百呎囉.

咁問題就來了, 我努力, 是因為想得到reward, 家陣我好努力, 就有五百呎, 唔努力, 拿綜援, 公屋單位都有三百幾呎, 咁我會教個仔唔好咁辛苦喇, 申請公屋, 拿綜援算囉.

DJfamily

要入名校, 我諗係有冇世襲優勢同埋住喺邊區校網緊要啲!

Heyheyjoyjoy

原帖由 Jane1983 於 12-12-05 發表
提一句，千萬吾好以為小學吾緊要，小學係打好個底，小學個底吾好，讀上去好痛苦呀 ...

對不起，我意思是幼稚園／小學是否名校不緊要，因出來做事，沒人會問你那間幼稚園／小學畢業，反而中學／大學就好像穿名牌一樣，有人問，有校友網絡（即人事啦）。當然現在沒背景／沒人事而要入到名中，這九年確要打好基礎，否則幸運入到都讀不上。

Heyheyjoyjoy

補充一句，純粹個人阿q，而理性分析亦如是，希望多一個角度，小一分偏頗，多一分正能量！

assado

原帖由 DJfamily 於 12-12-05 發表
要入名校, 我諗係有冇世襲優勢同埋住喺邊區校網緊要啲!

世襲制度可能係D讀名校高層林出黎，俾佢地小朋友有優勢。

kwansara

學問伴隨一生, 學識建構思維, 品格, 氣質..... 入邊間幼稚園可能好次要, 最重要父母教育.

ho-hoho

個人覺得應該會有一定革影響，入小學正時會參考讀賓間幼稚園，入著好的小學打好基礎上名中咯機會又大著，一階階上去，一步一個腳印。所以每一步都會影響下一步，人生易如此，前一步行不好，影響下一步的生活同境遇。如果可以進了進去入名校，從幼稚園開始。

sakbbjaijai

我反思過，我想仔女入名校，係因為我貪mo虛榮

super1984

Heyheyjoyjoy 發表於 12-12-5 13:51
補充一句，純粹個人阿q，而理性分析亦如是，希望多一個角度，小一分偏頗，多一分正能量！



  ...

人生就是如此, 買大開細, 買細開大. 1949年中共建政, 有學者睇到唔對路, 南逃來香港, 亦有其他學者認為新中國一切皆好, 亦即閣下所講的正能量, 決定留下來建設祖國, 結局當然就係天堂與地獄之分.

又好似當年希特拉上台, 開始反猶太人, 梗係唔會一開始就煤氣室, 梗係一步步收緊. 有猶太人發覺勢色唔對, 放棄一切離開歐洲, 去到美國重頭開始. 亦有人捨不得, 選擇用正能量去面對.

又如六七暴動, 李+x買地, 但到底中共會不會解放香港, 全賴領導人一念之間, 博到咪大搖大擺同人分享正能量的好處, 輸左咪摺埋囉.

picture

原帖由 Jane1983 於 12-12-05 發表
有也吾甘心？你教得佢好，佢考到dbs，st paul coex吾定啦！學校幾時都吾夠家長緊要。 ...

absolutely agree
.........

just go to ST Cat's forum   those moms send their kid's to numerous classes

...............
same thing with Bramar Hill
..................
Victoria   and KV

not getting into brand name schools is not the end of the world