讀咗十年書, 升中後經歷咗好多個第一次...

禮媽媽

多謝咁多位嘅回覆同鼓勵!

佢由小學到依家升上中學, 都俾老師投訴佢上堂唔專心, 以前小學老師由三年級跟到六年級, 所以好明白佢, 就話因為教嘅野佢已經識, 覺得悶, 所以成日撩其他同學傾計, 騷擾其他人; 中學老師亦話佢成日騷擾其他同學; 但我仔就解釋, 因為佢要借文具, 或者唔明老師講乜所以問同學, 我其實都已經教佢有咩要問要借就在轉堂時或者小息時先做, 同佢講佢把口就話明明明, 但依舊都係咁...

又因為英文課係全級分GROUP上, 每次都要轉課室, 所以佢就成日帶漏野, 或者冇帶手冊去寫功課因而做漏, 而佢比老師寫欠交/欠帶亦係英文課多

至於補習, 佢返學頭一個月已經主動要求要補習, 我亦搵咗補習社比佢

依家我比咗本可以袋落褲袋嘅簿仔佢, 叫佢本簿仔一定要跟身, 去廁所都要帶住, 一聽到老師講帶乜做乜默乜測乜, 第一時間拎出黎寫, 萬萬萬一真係寫唔切, 或者唔肯定有冇寫漏, 放學返來再打電話比同學問清楚

爸爸亦因為呢個缺點而CUT咗佢某D課外活動, 要佢專心做好學校嘅野先再考慮比佢參加返; 我唔知咁樣WORK唔WORK, 但都應該一試

希望佢汲取到今次呢個缺點嘅教訓, 而有所改進啦!

Meikin

禮媽媽: 對於一個大頭蝦+唔專心的男仔來說, 中一真係好多野要記, 多些包容, 俾多些時間佢去適應啦, 只要佢有心改, 遲早一定做得到.

reginayu

原帖由 禮媽媽 於 12-11-28 發表
多謝咁多位嘅回覆同鼓勵!

佢由小學到依家升上中學, 都俾老師投訴佢上堂唔專心, 以前小學老師由三年級跟到 ...

正面去對代孩子嘅問題, 佢係明白家人想幫佢嘅。只要佢係配合緊, 同你地嘅期望方向相同, 就算有時失手, 都鼓勵佢做返好, 有您嘅支持, 佢會有進步架啦, 放心啦!