馬鞍山主風vs培道小學vs聖三一小學

kawaiiliz

你要想一想當初你們為何揀培道同聖三一，再諗一諗各間學校的優缺點，避免將來自己後悔。

brian_mama

馬主風都係地區名校，起碼你不用搬屋，而且中學校網好，派位成績又唔錯
但我諗你個人喜歡培道和聖三一多些
欣賞你想儘快放位，因為如果你不揀馬主風，後備的學生便可立即補上了

786

原帖由 lovebb2 於 12-11-27 發表
該帖被管理員或版主屏蔽，或作者被禁止/刪除

你是聖公會會友？咁算啦，留番在馬主啦。大把聖公會好學校唔洗畀錢為了等升直屬聖三一中學。唔好貪只得1半的教津。我只畀三分一既公務教律我其實連考都無考呢兩間.

(little_yokly, 我唔係覺得呢兩間唔好先無揀, 只係因為我一心津校, 我只考了四間畀錢學校而已. 同埋樓主"如果" 是聖公會會友, 想用教津為了有直屬中學, 其實真係好多學校如聖士提反, 協恩, 男女拔, 聖保羅男, 聖保羅男女等等有直屬中學可考. 我點知佢原來唔係O者. 唔好唸多左啦... BTW, 你是否培道家長?).

lovebb2

原帖由 786 於 12-11-27 發表
該帖被管理員或版主屏蔽，或作者被禁止/刪除

是基督徙但不是聖公會。我先生都讀曾肇添。知道馬主，曾記條路是不斷競爭，無得懶，唉！

786

原帖由 lovebb2 於 12-11-27 發表
該帖被管理員或版主屏蔽，或作者被禁止/刪除

你有教津，第時中學先揀私家囉，如果林記曾記唔得既話，或者出國讀囉。到時去聖三一中學、培道中學都仲得。

little_yolky

馬主
優點：唔駛搬屋
　　　唔駛俾錢
　　　中學校網okay
　　　谷＝成績有保證
缺點：津校, 經統一派位, 生源複雜, 良莠不齊
　　　可能因為谷, 老師都有少少惡, 不過, 可以美其名為嚴格

培道
優點：有聯繫中學，30%入，Band 2A，中學環境優美，成條街咁長，四班有三班英文班，銜接大學學習無問題，中文勁好
　　　校風純樸, 不論小學中學
　　　老師超好人, 連工友同保安都超有禮貌
　　　品格教育為先，成績也不錯
　　　九龍城中學校網超強, 不過, 都要你阿囡強先得, 因為好多勁津校, 代表要脫穎而出, 要努力啲, 但過往派位都唔錯
　　　家長及小朋友背景接近, 都係低調有教養的人, 小朋友近朱者赤

缺點：要搬屋, 好麻煩
　　　要錢
　　　要學樂器＝又要錢
　　　課程都唔淺, 無得hea, 唔好以為品德教育就可以hea, 因為話晒都係百年老店, 要保住招牌, 所以中文真係深過一般津校, 英文都唔淺, grammer會教得比較嚴格, 一路落去, 培中中文都係深, 總括係, 老師笑住咁谷你
　　　其他～暫時未諗到

聖三一：有培道，唔駛諗。

lovebb2

原帖由 little_yolky 於 12-11-28 發表
馬主
優點：唔駛搬屋
　　　唔駛俾錢

好感動。你好好人。many many thanks

sasafan

原帖由 little_yolky 於 12-11-28 發表
馬主
優點：唔駛搬屋
　　　唔駛俾錢

你形容得好搞笑，但又好啱，你都揀培道?你甘分析，我有d擔心我仔是否可應付中文深

豬豬BB豬

回復 little_yolky 的帖子

我都想了解多一點培道小學 & 中學。

little_yolky 清楚培道優點, 例如中學係30%入，Band 2A，四班有三班英文班等..., 是否有親戚朋友讀緊?

little_yolky

sasafan 發表於 12-11-28 23:38
你形容得好搞笑，但又好啱，你都揀培道?你甘分析，我有d擔心我仔是否可應付中文深



  ...

唔駛擔心, 我已上網調查清楚留班底線 。我阿囡次次教完一轉頭就好似洗咗腦咁。有現家長話睇多啲課外閱讀書會好啲, 唔係P2, P3以後好易唔合格 (注意：該家長的用詞是唔合格, 唔係唔易攞高分, 好驚)

我係揀培道, 大抽奬都唔玩了。因為我住大埔區, 夾過價大埔無學校好過培道 (又係list晒所有優缺點做比較 )

little_yolky

豬豬BB豬 發表於 12-11-28 23:49
回復 little_yolky 的帖子

我都想了解多一點培道小學 & 中學。

我係培道中學校友。

皆因都已經畢業一段年期, 所以為咗阿囡是否適合現在的培道, 及培道現在有無走樣, 我2009年開始已經再與母校接觸、觀察、打聽，足足做了三年功課。

其實, 培道中學的成績唔差, 只不過係中文中學。同埋, 當年班女仔真係無乜大志, 好少有人繼續做研究, 問鼎諾貝爾奬, 人之患、白衣天使、家庭主婦就比較多, 所以, 就永遠唔駛旨意升Band 1。老校長主張不要競爭, 不要比較, 學習是學習, 我們應該常保持謙卑的心, 做好本份, 所以考試連名次都沒有, 死未。仲有, 當年的英文是較英文中學差啲, 但中文又好過好多人喎。同屆同學有幾位會考作文是用文言文的, 你話勁唔勁 。

不過, 自老校長過世後, 新校長是讀翻譯的, 所以英文好好。你知啦, 一校之長是學校的領軍人, 因此, 培道也改變了, 英文變好了, 中文就跟社會大趨勢走下坡, 但還是較其他學生好的, 可能是傳統吧。加上, 副校是教歷史的, 所以可能因此學生的中國歷史文化背景比較紮實吧, 對於中文學習也是有幫助的。

至於培道小學, 你有無去簡介會, 真係精采！

2隻臭豬

回復 little_yolky 的帖子

hi! 我個女今年考佐入培中讀F.1, 你說得無錯, 學校的中文&英文真係唔易讀, 而且都幾辛苦, 比預期中難好多, 聽聞近呢幾年多佐好多一線小學的BAND 2生讀培中, 所以學校都谷佐好多, 而學校的校長&老師係好有心, 學校環境設施真係超正, 有好多地方都係一d舊生捐錢出黎起的, 所以我相信以前的畢業生對學校係有好多歸屬感, 有d教緊的老師都係向培中畢業的

little_yolky

2隻臭豬 發表於 12-11-29 12:26
回復 little_yolky 的帖子

hi! 我個女今年考佐入培中讀F.1, 你說得無錯, 學校的中文&英文真係唔易讀, 而且 ...

係呀, 校史館我都有份幫手做的。

jovinng

我囝係倍小P.2 生,如你地驚,可以係出上下普通話課程及 "迫"下D仔女上圖書館借書作預備.
本人覺得真係要家校合作先okay, 又唔可以下下靠學校.
基本上,亜囝做既project ,.例如:閱讀報告...etc 都要同佢一齊做
大家努力加油.....

little_yolky

jovinng 發表於 12-11-29 13:38
回復 little_yolky 的帖子

我囝係倍小P.2 生,如你地驚,可以係出上下普通話課程及 "迫"下D仔女上圖書館借書 ...

我囡囡幼稚園已有普通話(台灣籍)老師, 但衰在佢面皮薄, 唔敢講。佢屋企啲圖書仲多過學校, 已經成日睇書, 但就係唔明白點解好似個腦日日瞓醒就被format一次咁, 無記性, 無耳性 。

仲有, 請問培道有無人情味? 因為仲有細妹兩年後跟尾要考。妹妹同家姐唔一樣, 家姐行出嚟四四正正呃到下人, 妹妹聰明但好直率, 唔太斯文, 真係呃唔到人, 有家姐讀緊有無同情分?

lovebb2

想問各位培道小學家長或準備入培小家長，大家住邊區？是否搭校車返學？如搭校巴,要不要很早上校巴？謝謝。

BBChan1006

最終選邊一間?

jovinng

回復 lovebb2 的帖子

我住在紅磡 ,及搭校車的

豬豬BB豬

回復 little_yolky 的帖子

多謝你詳細解釋!!!

我無去到簡介會呀, 因為我小朋友不是下年入讀小一。簡介會多數在幾月舉行? 申請時報名的?

little_yolky

豬豬BB豬 發表於 12-11-29 22:47
回復 little_yolky 的帖子

多謝你詳細解釋!!!

吓?原來唔係今天報。

係呀, 網上download申請表時有埋簡介會form的, 又可以同時於簡介會當日交埋申請表。簡介會是9月, 但最好早少少報名, 好似前年就無問題, 因為响旁邊大教堂, 位比較多。但今年好似响學校禮堂, 地方較細, 滿座。

培中則年年3月初慶祝校慶, 上午開放日(不過唔知係唔係for public), 如可以, 你可以去參觀, 真係地方又大又靚, 一定令你一見傾心。