其實點解唔可以公平啲?

Jen123

其實，我認為世界本來就沒有什麼公平，不公平；只在於你如何努力演繹人生。父母是醫生，律師的，不代表小朋友一定日後出人頭地；讀神 級小學也不一定將來一定可以考入大學；相反，很多小朋友的家長學歷和職業都並不顯赫，卻能專心教育他們的下一代，令他們成就大事，人生漫長，相比起來，小學的經歷只是人生一個初始的階段，努力準備，坦然面對就是了，人生本來就是一場漫長的旅程，祝各位家長 11 月 26 日一戰功成。不喜匆插。

sotsang

原帖由 longlokma 於 12-11-24 發表
對，公平不公平只是觀點與角度問題

萬分認同，用心做好每件事。

Irismammy

原帖由 hadwinboy 於 12-11-24 發表
計我話是鼓勵舊生向母校捐獻的政策

一定是！

Irismammy

原帖由 556699 於 12-11-24 發表
甚麼是公平? 你眼見人家是舊生有分加就話唔公平，別人是大仔又話唔公平，問心，若你是舊生子女又是大仔你會 ...

哇！又唔可以咁講，我有工作，有能力負擔都是因為我以往的努力，我並不是中六合彩的暴發戶！眼見有啲綜緩人仕，話晒大學畢業，但堅持要攞綜緩（佢話因為佢單親，又要湊小朋友喎），又日日埋怨別人有$$ ，別人比得起，養得起，呢啲先唔抵可憐！

CatEgg

如果學校鐘意收大仔大女,咁學校會唔會分組?
而且,我都D細仔細女入到九龍塘/香港島的名校,連佢地父母都超驚喜。只可以說他們父母都給了很多很多愛、時間及接納給他們。
既然改變唔到現行規則,調節下自己心態會活得開心D,小朋友看見父母開心,佢地都會開心。

bobbbby

已經分左年份考，仲要再分？咁需唔需要分埋月份考，甚至出生日期考？學校收生制度，只係想收適合佢地嘅學生，唔係為左公平〜
其實每個父母（除左唔係響香港讀小學或者無讀過小學）都有佢地嘅小學母校，只係好多父母唔想仔女讀番佢嘅母校啫，如果佢地報番自己母校，一樣有分加；相反好多小朋友都無哥哥或姐姐，咁亞哥家姐讀過有分加咪仲唔公平〜
如果父母幫仔女報番自己母校，即係認同學校教學理念，亦有歸屬感，會容易配合學校施政〜

dlee_ca

點解要有世襲？除咗皇室，考政府或政府資助要有世襲？
學位是公開架，點解有世襲？

作日我坐巴士有位，明天我個仔可唔可以人多的情況下優先上車？

ANChan59

你講得好，嘈世襲是心理不平衡，自己母校唔選，係要高攀，然後話唔公平。我自己唔選母校，我放棄，冇得怪人，好在當時冇想過高攀。

好多人想入 l Bank，做超人個仔，做唔到又嘈唔公平？

亊無大小都投訴，不如做好本份，有策略地部署，冇世褺分都會入到，問題係好多人想不努而獲，又唔想付出。

sweetdog

原帖由 mookey 於 12-11-24 發表
當我們面試的時候, 成日話大仔會俾細仔優勝, 咁點解唔分多啲年歲組別來面試? 例如: 5歲同5歲一組, 5歲半同5 ...

呢個話題，年年

Mayandrew

啱自己就話公平囉，選舉制度如是。有朋友話最好計埋父母會考和大學成績，因為全家十多個A以及first hon 畢業，哈哈。（我前晚做夢，parents interview叫我用普通話和英語朗讀兩篇文章，好似是出師表和animal farm：）

Sibling 加分，即是對沒有兄姊的不公平。反而舊生加分（如果過去十年有幫過學校那些）較合理。所以直私已經相對令到現有制度（如果派位是主流）較公平，她們不是對所有舊生都有優待，有好些齋捐獻都唔得（除非成幢樓捐）。

有不少二、三代的父母／祖父母其實打個電話已可以確保仔女入到某些大家爭餐死嘅學校，但他們好多也放棄，因為知道（父母）會讀（跟）死。所以，大家的機會已經多了。

dlee_ca

世襲可在任情況發生，但在政府資源下用世襲呢？

tingdong

今日東方日報社論
學位可以世襲 貧窮必然跨代

下一年度小一自行派位結果明日公布，近五萬名申請官立及資助小學學位的學生當中，僅二萬一千五百多名、即百分之四十三獲派心儀學校，成功率創下十五年新低。向隅學生愈來愈多，凸顯「世襲」制度蠶食學位，教育不公愈演愈烈，寒門子弟輸在起跑線上，是造成跨代貧窮的重要原因。

longlokma

說世襲不公平，那要不要再追究社會上其他政策不公平呢？例如申請公屋居屋薪金收入上限，有人剛超過了十元申請不到，要不要投訴？公司入面和你一樣職位的人，他人工卻低過你，他要不要投訴？所有制度也不可能令所有人覺得百分百公平，何不放開胸襟，別只站在自己位置，走到遠一點，高一點去看看整個世界？

longlokma

原帖由 tingdong 於 12-11-25 發表
今日東方日報社論
學位可以世襲 貧窮必然跨代

入了名校就自然脫貧，嬴在起跑線？名校有法術，老師是神仙？讀屋村小學中學的便註定跨代貧窮？我身邊的好友全是窮家庭出身，屋村幼稚園、小學、中學到本地大學，現在大家是醫生律師會計師工程師老師碩士，要不要脫貧，靠自己，不要再怨什麼起跑線吧！不要乾羨慕別人，埋怨制度，努力做好自己吧！

oooasis

bobbbby 發表於 12-11-25 01:40
已經分左年份考，仲要再分？咁需唔需要分埋月份考，甚至出生日期考？學校收生制度，只係想收適合佢地嘅學生 ...

無錯，每個人都有母校，喜歡自己間母校，有歸屬感，想小朋友都入讀亦是人之常情。d話世襲唔公平的人，只係因為自己享用唔到，佢間母校都好想收返佢個仔女架，不過佢唔報之嘛。
唔可以因為人地母校是名校，你母校是普通學校，就話呢個制度唔公平。


至於大細b，考幼稚園就話有分別，好明顯睇到身高，行為，語言都差一大截。
但都考小學了，d小學生係街度邊個分到咩大細b。
何況每年都有細b考入名校。

Jen123

我十分佩服你這麼有勇氣表達自己的看法，因為我發覺有些時候表達個人見解，會遭人群起責罵，例如罵人一個小朋友 hold 住超個一個位，大佬，大把人擁有超過一架車，一間屋，又叫他們交出來平分嗎？我女兒也沒有心儀的小學，我怪自己沒有給她好好準備，不能夠將她訓練成為一個擁有特異功能的小朋友去入讀    神級小學吧！哈哈哈！

ANChan59

回復 tingdong 的帖子

記者都儍下儍下，個個申請喇沙，華仁，瑪利諾等名校，入學率重低。
用完假地址入到名小，對其他人又是否公平？

做好自己份內事。

Mayandrew

原帖由 oooasis 於 12-11-25 發表
無錯，每個人都有母校，喜歡自己間母校，有歸屬感，想小朋友都入讀亦是人之常情。d話世襲唔公平的人，只係 ...

Exactly. 1. 我自己間母校好多人爭崩頭，但我冇報（因為不近家）。好彩有直私制度（雖然也有人質疑這個制度）。2.其實女和男的分別最大，事實上不少同年女細B比男大B在語文、跑步，游水、身高各方面都有優勢。咁點算好：）

bobbbby

港人港地公唔公平？點解香港房屋只限香港人買，非香港人要額外比稅？咁算唔算「世襲」？無野係絕對公平，所謂公平，只係對部份人，一定唔會對所有人〜