快樂童年涵接唔到全統名校小一?

h9800318

Jane1983 發表於 12-11-23 15:57
回復 h9800318 的帖子

學卷學校中，靈糧和創價都算係「名」。

Thanks但靈糧出年都無學卷啦，學費都同其他私校差唔多，講真，我無咁多錢同佢學咁多野

HadesBB

果個女人成日都話唔讀名幼稚園小學就等於冇將來:;pppp:佢都傻既!我覺得用心既家長就可以教到叻既小朋友

Jane1983

也無，吾少失職父母！

肯使錢，吾肯花時間、精神。

marcuscyrus

父母肯課餘補給的話相信仍然ok的
不過如果真的太快樂的話(學校又快樂，家裡又快樂，全無裝備)，恐怕只是將不快樂延後不過全統名校都有好多種，有些真的會好深下，又或者測驗考試密到讓人透不過氣

atirw

Agree, 睇下你好唔好彩，靈糧的小朋友特別活潑，上了小學，坐不定，被老師label左，就麻煩！若小朋友聰名，eq高，不易放棄，(包括父母）上小一，不怕差過人，努力，寫字的野好易追得番，不過幼稚園時候，真是要識認讀中英文字，簡單加減，否則好大獲。

sbux

其實小朋友零至六歲吸收力好強，如果間名幼教法得宜，小朋友係可以喺愉快幼校生活中好好裝備。所以有時出名嗰D幼校真係唔止教材同課程，仲有軟件同老師去保住個招牌。我反而最怕有D 村校跟名校教材但唔跟配套，咁小朋友就真係辛苦死

lovecupid

佢咁講係一個事實，但未嚴重到完全銜接唔到，家長跟得緊，辛苦半個學期就跟得到，最緊要有鬥心和能力，我識得幾個由大埔聖xx的女仔升去銅鑼灣聖xx小學，差距太大，讀到嘔電，但仍可應付。

唔好信晒呢個講員.....佢做呢方面有關的生意。

fishmeow

就算名校不名校，大多谷到死！小一地獄見！

yame

keemic77 發表於 12-11-23 15:47
回復 yame 的帖子

唉,唔好咁大聲啦,這裡有好多怪獸家長,會得罪好多人呀.

其實我唔怕得罪人，我好鍾意去改變人錯誤的想法和忠於原則的。哈哈

sjssjssjs

原帖由 sbux 於 12-11-23 發表
其實小朋友零至六歲吸收力好強，如果間名幼教法得宜，小朋友係可以喺愉快幼校生活中好好裝備。所以有時出名 ...

同意

小曳人

學習~可以係開心嘅！做功課唔等於痛苦！適當嘅練習好重要，而教法得宜~一樣可以好開心！我覺得返學係開心定唔開心，好睇家長心態，而一心想入傳統名校，就應該明白讀書係要俾d功夫嘅，咁點解仲要追求教得淺嘅KG?

sissysze

原帖由 猴子爸 於 12-11-23 發表
如果读快乐童年幼稚园，再加上家长跟小孩一起看书，认字，学phonics, 学数，跟native学oral, 甚至上公文， ...

學甘多嘢要好多時間lor

lui

原帖由 h9800318 於 12-11-23 發表
回復 猴子爸 的帖子

學咁多野，咁仲可以係快樂童年嗎?

咪係！

sumchanma

其實唔讀傳統名校小一也唔使死吧！我仍相信行行出狀元，和喜樂是生存最大的推動力，我唔想個仔入咗大學跟住自殺！

carly.c

回復 atirw 的帖子

吾好意思,有d野想講靈糧小朋友係活潑但吾係"坐吾定"
我女現讀靈糧,自己亦有做長家義工, 所見既實況係
佢地每個小朋都開心上學,活潑可愛, 但未見過失控情況
排隊, 坐 時個個都好乖, 當然。都有d特別活潑,但都好個別下, 間間學校都有既啦

marcuscyrus

最慘不是名校的也一樣谷

lovecupid

名校谷學生，是谷得有法。
唔係名校，係亂咁谷，唔識谷走去谷，谷不得其法。

沒有學不識的學生，只有不會教的老師。

piglet1212

仲有學卷嘅應該係九龍靈糧堂幼兒園幼稚園，而唔係4間靈糧幼稚園(即香港靈糧，馬鞍山靈糧，鑽石山靈糧同藍田靈糧)，九龍靈糧堂同呢4 間係唔同機構，自己獨立的

bbroy

原帖由 h9800318 於 12-11-23 發表
回復 猴子爸 的帖子

學咁多野，咁仲可以係快樂童年嗎?

難道甚麼也不懂的，童年就叫快樂？幾時開始學習就等於不快樂？不過有讓子女學習的家長都深深體會到，辛苦的不是小朋友，而是大人，大人少d堅持（懶），小朋友就沒有了學習的機會。學習可以很愉快，你和你的小朋友如果感受不到學習的喜悅、自信、，我想，大概是用錯了方法。有時後，我覺得硬要把學習視為洪水猛獸的家長，其實都幾怪獸。

Twongcw

bbroy 發表於 12-11-24 15:42
難道甚麼也不懂的，童年就叫快樂？幾時開始學習就等於不快樂？不過有讓子女學習的家長都深深體會到，辛苦的 ...

見到近年家長怪獸論同歪理越趨合理化、普及化，其實都幾悲哀，因為家長本身亦很可憐，在惡性循環的教育制度下，為子女謀求"長遠幸褔"，而剝削"可有可無"的簡單童年生活，24小時都只講求有否正確地"學習"，可謂無可厚非，也不能自拔。

正如一向卑視炒家、罵樓市瘋狂的蟻民，一旦入市買樓，即時變身為無良發展商/炒家之友，忽然痛罵政府出招打壓。又正如將幼兒教育鬥深、鬥谷的不良風氣，套入老闆鼓勵上班一族要為公司賣命而鬥夜放工，有關對白可演譯為 --

...難道不用上班有人工收，生活就叫愉快？幾時開始勤力工作就等於不愉快？...其實勁OT也可以很愉快，你同你同事如果感受不到OT的滿足、過癮，我想，大概是工作態度出了毛病，有時後，我覺得硬要把OT視為洪水猛獸的打工仔，其實都幾失敗。

三四歲人仔搞到要好似考會考咁操，好明顯係反人性，這是COMMON SENSE，但怪獸家長只會想 - 谷到就再谷行D，無話可說