報面試班真的有用嗎?

TSTung

本來無打算讀，後來覺得做咗無後悔，就讀了一期。

我發覺沒什麼用。自己本身花很多心機和女兒學習，參加比賽。

面試班只會教到佢非常造作。我和太太後來同女兒講不用跟面試班老師方法做仲自然。

我更發覺面試班每年都好多小朋友入名學，大多因為那些家長本身都花盡心思。

除非家長本身非常無時間，不然我會覺得無用。

PS:本來為咗無後悔, 現在後悔浪費10000多的錢...

想回來和女兒去旅行見識見識仲好。

flopsybunnies

good!

littlemic

Absolutely Agree .. If i can back to before .. Will not join .. Spend the money to travel..   

TSTung

完全同意！　還記得我去報名的時候（已很遲）那些面試班的老師不停製造緊張。
而那些老師幫我寫Form時連個中文字都好似唔識，好多字都問我點寫。

每次上堂，小朋友一入去就關門。回家就攞一些工作紙。
而我發覺女兒所做的工作紙在我女兒的面試上好像從來無出現過。

我個女面試加10間左右，大部份都只係日常生活的問題。
英文及普通話都很間單（我想學校make sure小朋友可以上堂時無問題）
基本禮貌要平時自己養成。

還有在剛開始面試時，因女兒的課程快完，他們一直叫我們加班，又不停製造緊張。
但我們還好沒有再比錢。這個班對我們來說係無幫助。

自己都打算唔會講比佢哋聽結果。

magleeyy

我都係為左安心先至幫個仔報面試暑期班，花左五千幾，而家諗番好後悔！奉勸各位想考直資小學既朋友，不用花錢搵人做portfolio, 最緊要係小朋友是否outspoken, 對人有禮、有學習既興趣；當然K2 校內成績同英語能力（必考cambridge tests) 好重要!

magleeyy

我都係為左安心先至幫個仔報面試暑期班，花左五千幾，而家諗番好後悔！奉勸各位想考直資小學既朋友，不用花錢搵人做portfolio, 最緊要係小朋友是否outspoken, 對人有禮、有學習既興趣；當然K2 校內成績同英語能力（必考cambridge tests) 好重要!

hoihoima

回復 magleeyy 的帖子

magleeyy, can you please share why "必考cambridge tests"?

healthybaby

其實好多家長都話自己操，有時間當然無問題，但真係未必個個家長都好得閒。如果唔得閒，自己有能力支付費用，小朋友又得閒，搵人train 下都無妨，但不要太大期望。
我個仔都讀左幾個月面試班,不過我就無同阿仔做功課，因在家樓下，我當返playgroup算，so far in 左8間，有2 offer, 4 2nd in & 1 waiting & 1reject . 對於十月尾細仔來說，我已經收貨。

healthybaby

原帖由 magleeyy 於 12-11-22 發表
我都係為左安心先至幫個仔報面試暑期班，花左五千幾，而家諗番好後悔！奉勸各位想考直資小學既朋友，不用花 ...

Cambridge可以train小朋友串字。英文會好d.

mandor

我的小小愚見：

如子女是外向型、不害羞、有禮貌，愛說話，基本上在面試已取得優勢。可惜面試班無法訓練這些！

如面試班能集合多年小一面試題目，這方面是很有用的。

我認為以面試班取訓練內容而家長作自行訓練，效果最好。每週短短一小時的面試班，跟本無法學懂面試班課堂的內容。

子女太叻，面試班是多餘的。因他們一早己能應付面試題目。所以面試班不會對所有人起到同一作用。

如你認為你有能力收集面試題目及教材，你也不太需要上面試班了！

利益申報：我不是開面試班的。我囝囝有上面試班的。

Octobergirls

對於慢熱和怕生的小朋友來說，面試班應該可以幫助他們熟習面試模式和內容，讓他們在真正面試的時候可以盡快投入。因為現在的面試是要又準又快的。但小心上得太多會嚇怕了小孩。個人覺得最好在暑假期間上幾堂，得到了有用的資料和初步訓練後，再在家裡自己出類似的題目不斷練習。

irischowys

絕對同意，我也是利用面試班的家長。

sp3014

其實要睇家長有咩expectation. For 我，我的小朋友唔定性，上完面試班(不是那幾間成日係學校門口派單張個幾間)之後，unexpectedly地改善好多，佢唔係話成個人變好假個隻，而係識得有d時候要收斂。佢興奮時會係位彈起同原來緊張時會玩頭髮都係面試班老師話比我聽要多加留意，所以我係覺得在我嚟講有用。so far, 宜家的offer 成績都好滿意。避免被人誤會是面試班打手，我唔會pm面試班的資料了。唔好見怪。

iamfansma

我想想面試班的小朋友會有多OFFER,是原來這班家長己是相當緊張的家張,訓練小朋友十八般武藝,同時讀兩間幼稚園,咁小朋友醒小小無可厚非

我想平時對小朋友的教導比面試班重要得多

但提點一下小朋友面試要注意的地方也是有用的,視乎家長認為有無必要俾錢人教

TSTung

回復 hoihoima 的帖子

你可以去british council自己報，然後去書局買些練習試題和小孩子一起當練習。當親子遊戲。