考慮緊....出年囝囝讀PN轉做FTM!

Guccilai

除左工人，仲要買保險，房間唔夠，真好多$要洗，諗唔點

marshmallowbon

其實對於事業心重嘅媽媽，FTM未必咁易做，分分鐘仲忙過返工。

matthewconnielo

其實做媽媽真係好無奈......

全職湊小朋友又要擔心老公經濟上壓力.....

放工返屋企又想爭取時間照顧小朋友.....

自己本身都算係一名工作狂,

曾經因為工作上問題而同太子女炒大镬, 請辭唔做,

但其中一位老闆唔批, 最後係太子女被炒.....

如果我依家唔做..   好似......

如果唔做. 真係會無晒收入...

雖然屋企人好支持, 但係自己份人工真係好好.

每個同事都叫我唔好請辭....

佢地嘅理由係.....  小朋友出年都返PN 班,

唔做野真係會好悶, 亦會脫節....

依家真係好迷茫....

Goodway

其實做 FTM 唔一定會悶o既, 好睇你點諗.... 我之先都有一份唔駛 OT 又福利好o既工, 但我想多d 時間陪阿仔成長, 我好想自己帶佢返學、放學, 得閒同佢去下公園、落樓下散步, 我又想自己教佢自理 & 禮貌, 雖然佢會返 pn, 但我唔想只靠學校.... 我覺得好多生活常識o係生活上可以教到個仔, e.g. 我會俾個仔入廚房睇我煮飯, 等佢知道瓜果、蔬菜、肉顃係點樣成為餸菜..... 如果我 keep 住返工, 放工 & 放假未必有心機 & 耐性慢慢教佢, 有時間都可能出咗街.....

如果你覺得湊仔係好悶o既, 咁就建議你唔好 resign, 因每個人性格不同, 你要睇下邊種生活 fit 自己多d.....

add oil~

  

Goodway

至於脫唔脫節, 我覺得同返唔返工無關, e.g. 一個人每日只返工放工, 自己根本唔留意其他o野o既, 佢一樣會脫節.....依家資訊發達, 一個電話就可 online 睇新聞 / search 資料, 做 FTM 都可以留意時事、科技發展等等, 我身邊好多 FTM 朋友, 佢o地不但唔脫節, 好多時仲有第一手資料, 所以脫節與否又係同性格有關.....

出面好多人都標籤咗 FTM, 其實係佢o地唔了解姐.....

如果無經濟考慮, 你可以自己想像下邊種生活你會享受d, 又或者放個大假試下做 FTM, 考慮清楚再決定

阿早!

做FTM忙唔忙好睇心態。我自己放棄份高薪厚職, 人工福利真係令我諗左好耐， 但工作時間係朝9晚12，每日見得亞仔15分鐘， 好心酸，覺得生佢出來做咩？ 無時間陪佢，佢生活一點一滴都係靠工人話我知。

做FTM我不比以前輕鬆， 可能我覺得放棄咁多, 我一定要比心機教亞仔照顧佢， 唔可以HEA， 佢瞓左就上網搵學校資料， 諗下整咩比佢食， 下午醒左帶佢去邊度玩，自己整教材教亞仔， 同返工差不多。

marwai_1030

Totally agree! 當初亦有點不慣
之後意外有細B，真係暈暈地。
但可以親身見證小孩成長，都係一件開心的事，所以各位FTM加油!