死啦, 仔仔小一升左二個月, 睇見佢中文及數學比較吃力.......

ANNAFRIEND

回復 jojoplanet 的帖子

你簡直講緊我細女, 唔係唔識睇題目, 但只係睇一半. 專科老師都話佢最大問題係心急同埋成日唔睇哂題目就做, 做前唔做後. 識睇明哂又如何, 我覺得最緊要係小心謹慎. 做數錯就係錯, 老師唔會理你其實係識只係唔小心.

jojoplanet

ANNAFRIEND 發表於 12-11-18 12:44
回復 jojoplanet 的帖子

你簡直講緊我細女, 唔係唔識睇題目, 但只係睇一半. 專科老師都話佢最大問題係心急 ...

唉＂心急＂係我個仔一個性格上十分需要改善既地方。唔講讀書佢成日因為心急而撞板，成日提住解釋都無乜改善。
佢中文做填充可以只係例如：我很喜歡吃____因為它很香甜。佢會睇到吃字就唔會再睇埋落去就答左雪糕。但其實答案係蘋果。

ANNAFRIEND

jojoplanet 發表於 12-11-18 14:57
唉＂心急＂係我個仔一個性格上十分需要改善既地方。唔講讀書佢成日因為心急而撞板，成日提住解釋都無乜改善 ...

我女都係呢類, 叫左N次要睇哂成條題目, 上文下理先做. 但每次都係睇字眼就即刻做, 好似實岩哂甘. 當然係撞板多過食飯啦. 計數都係, 列直式居然係假架, 佢用心算左個答案先寫個答案落直式度. 而家係百位連加, 進上進, 心算一唔記得進位咪錯多過岩羅. 佢成日計錯數除左心急, 仲有一個"懶"字累事. 小心睇題目呢樣野真係好睇小朋友自己, 有D小朋友考試測驗好多時拿到一百分, 都係因為小心謹慎. 呢樣野我女真係點都做唔到. 同果班又叻又小心的小朋友差好多班.

jojoplanet

ANNAFRIEND 發表於 12-11-18 15:19
我女都係呢類, 叫左N次要睇哂成條題目, 上文下理先做. 但每次都係睇字眼就即刻做, 好似實岩哂甘. 當然係撞 ...

點算好？以前會期望佢開竅就得但越睇越無望！

囝囝mama

回復 jojoplanet 的帖子

我都不再等只好加把勁!!努力再努力!!只望佢合格!!!希望大D好D!!!

Cheung_Janice

回復 samanthayip124 的帖子

請問你個小朋友在那裡評估？ 我懷疑我個女，都有專注力不足的問題!

Haz-mama

小一頭一個月, 呀女係屋企唔可以自己專心做功課, 一舊擦膠都可以攞嚟玩餐包, 最後決定帶佢去補習社做功課, 至少可以多d時間同佢溫書和執返正d功課, 依家d時間好用d, 勞氣少d..

囡囡專注力都係弱, 加上識的中文字較少, 所以, 依家成日操佢做閱讀理解, 希望有幫助啦!  

1773

我仔小六，心急問題一直存在，但已大有改善。大個仔咗係原因之一，我哋比佢砌模型積木，要佢自己睇instructions，開頭佢寧願唔玩，但可能爸爸都中意砌模型，佢睇睇下覺得有趣，開始試砌，唔跟instructions梗係砌唔到啦，爸爸執好多手尾㗎，但依家阿仔越砌越複雜啦。當然，經常要哦下佢睇題目啦，初小時，平時做功課要佢用手指指住題目每一個字讀出聲，仲要教佢圓出／間住key words。都係果句，教仔女係持久戰，唔會幾日就見效，但過咗一段時間，你回頭望，自然會發現佢有進步，

1773

我仔小六，心急問題一直存在，但已大有改善。大個仔咗係原因之一，我哋比佢砌模型積木，要佢自己睇instructions，開頭佢寧願唔玩，但可能爸爸都中意砌模型，佢睇睇下覺得有趣，開始試砌，唔跟instructions梗係砌唔到啦，爸爸執好多手尾㗎，但依家阿仔越砌越複雜啦。當然，經常要哦下佢睇題目啦，初小時，平時做功課要佢用手指指住題目每一個字讀出聲，仲要教佢圓出／間住key words。都係果句，教仔女係持久戰，唔會幾日就見效，但過咗一段時間，你回頭望，自然會發現佢有進步，

CHIHIMNAM

回復 bbforever 的帖子

let him read more books, whatever chinese or english

yyy8182

jojoplanet 發表於 12-11-13 11:22
唉..我個仔...唔止睇題目求其, 寫字都求其...成日比先生話佢"有待改善"..佢可以寫得好靚, 但佢既態度係求 ...

我個係女, 都有同一問題

jojoplanet

我個仔連擦字都求其！鉛筆㾗好似無擦過咁。返左三個月，抄手冊仲衰過開學時。唉日日講都唔知可以點！

sycheung8

我個仔小一剛考完試, 中文閱都係差D, 中文理解能力差又粗心大意抄字都抄錯, 但未諗過幫佢搵補習, 第一次考試希望以後會好D, 而家為有多D同佢睇中文書...等佢提高理解能力...咁中文及數學就没有問題喇, 因今次錯的都是需要理解的題目