馬鞍山Wellborn N班面試後幾耐先出結果?

reneemama0118

原帖由 Jasmin映 於 12-10-26 發表
jjess, 我囡都係大囡呀..^^"..都係夠大2月可以插班,但我都係希望8月先讀..始終覺得到時Repeat一年N..啲小朋 ...

jasmin映其實我都有諗過英藝㗎。但又怕佢新校，油漆味都未散

reneemama0118

係喎。如果讀威寶。你會選擇搭校車嗎？我反而怕呢樣阿女唔適應呀

Jasmin映

reneemama,哈..你咁諗都好岩呢..到時做大姐姐照顧其他小朋友..或者真係我諗多左呢^^'..有時我都真係諗負面野多過正面野..我都擔心英藝新校架..不過可能因為我同屋企人係做裝修啦..所以唔會話好擔心油漆味..聽大埔英藝校長講佢地3月會收到場開始裝修..約5月可完成..咁離開學都仲有3個月..應該咩味都無架啦..而且而家好多油漆係環保兼無味架..相信裝修幼稚園用油漆都會有規定要安全環保..我反而係擔心一開始行政一定亂..而家未知咩人做校長..邊啲老師調過去..有幾多新老師..搞得好唔好真係未知數..但九龍塘果邊分校都係近年新開的..但至今家長評價都幾唔錯..除左"貴"同"行政有啲亂"之外..普遍家長都覺得小朋友讀得開心,老師幾好,又學到野,程度深一年,到上小學可以輕鬆啲..所以我點都報左先,上星期In完..最遲下星期會有結果..只要收我一定交留位費作首選..但會再交其他一間做後備..等5月開放俾家長參觀校舍和公怖學費資料後..再決定讀唔讀...相信威寶暫時會係我既後備,除非之後有更好offer..如果到時真係讀..我未必會俾個囡搭校車..始終咁細個我會擔心..而且聽講大圍線校車成日遲到..我會盡量自己車個囡返學..放學就睇下有無時間車啦..無就可能叫姐姐接..等佢大小小先考慮搭校車..

jjess

回復 reneemama0118 的帖子

我都有去IN 英藝, IN完感覺幾好, 不過依家wellborn收左, 英藝唔會考慮喇, 因為我屋企近wellborn多D, 加上新校, 我老公話驚新裝修有鉀荃, 同埋始終所有野都未知, 好似wellborn 開校咁多年, 應該穩陣D..

另外, wellborn我選左唔坐校巴了, 因為上午可以我先生車佢返學, 放學就婆婆或工人接...