想請教管教孩子的問題

lillymarie

四隻貓 發表於 12-10-18 09:22
多謝分享.
我晚晚都有同佢講故事, 當中亦融入左教佢品格行為, 佢知我講緊咩0架.
其實佢係好清楚咩係唔0岩 ...

照顧家姐時，有無人陪囝囝玩呢？如果無人陪，又真係好困難，三歲幾未必接受到。
講到呢度諗起有本書好正，好值得睇睇。

koyetsebb88

我不知我細仔有沒有你們所說的“對立性反抗症”,但他現在3歲9個月在家常常講反話,亂發脾氣,但在學校老師話佢可以用模範生來形容佢,,真的令我好頭痛,

四隻貓

koyetsebb88 發表於 12-10-18 21:50
我不知我細仔有沒有你們所說的“對立性反抗症”,但他現在3歲9個月在家常常講反話,亂發脾氣,但在學校老師話 ...

係呀係呀, 係學校好乖, d評估結果仲好好.但係屋企就另一個樣.

四隻貓

Stillgood2 發表於 12-10-18 14:21
剛路過, 見貼. 分享一下. 我大仔情況好類似. 但, 現在, 大仔已中六了. 個性很好.

大仔要到兩歲多, 才懂說 ...

謝謝前輩分享.非常有用, 你說得很對.要管教時仍然要管教, 但要多從佢既睇法想.硬拚對大家也沒好處.

今早剛發生了: 佢發脾氣狂喊, 我講反話叫佢"喊啦, 發脾氣啦", 佢竟然可以轉眼間安靜下來, 跟我講"我唔喊, 我唔會發脾氣" 之後就好似無事發生過一樣, 正常到不得了....

我仔都係講話能力發展比較慢, 但記性, 邏輯力, 音樂( 唱歌既音好準, 對節奏亦非常敏感)明顯進度比較快.
原來有個0甘既醫學上名 "3M" "對立性反抗症".

想問要大約多大年歲才可好轉?

Stillgood2

@ 四隻貓   只是大家分享. 不用客氣.
"對立性反抗症" 碓是精神科判斷. 如果, 小朋友比較難教, 反叛....不要隨便斷定是這症. 我的小朋友, 自控能力好低, 好似失控一樣.
不過, 我引申了一些相處之道. 跟大家分享.  每個小朋友都有自己個性, 後天環境等等, 那要各家長調適自己方法和心態.

想問要大約多大年歲才可好轉?
首先, 明白相處方法, 那雙方可以生活較輕鬆了.  減少了沖突. 小朋友也開始懂講道理. 當小學年齡較大一點時, 應該好多了. 只要控制不要太大讀書壓力...
可是, 到了12-13歲(可能一些小朋友早熟10歲後)會有2-3年青春期. 青春期間, 差不多所有小朋友都變得反叛...
過了青春期, 小朋友已經大定了. 情緒控制已經不是問題.

另一個問題, 小朋友自小便情緒難控制的, 而家長懂得相處. 那種感情和教育, 更深刻.
相反, 我見最多的...就是小時候, 好乖,好乖...點知, 青春期, 發覺孩子性情大變, 產生誤會. 小朋友話父母煩, 父母又話子女壞...其實是一種雙方誤解. 但係突然係青春期發生, 最終, 小朋友變壞, 父母本來以為好好心機嘅教育, 變了白費.

四隻貓

Stillgood2 發表於 12-10-19 13:43
@ 四隻貓   只是大家分享. 不用客氣.
"對立性反抗症" 碓是精神科判斷. 如果, 小朋友比較難教, 反叛....不要 ...

說得對, 也見很多小時候很乖很安份的, 到青春期便出事.

這兩天用大家教的方法跟兒子相處, 暫時非常有效, 只是我本身一定要有很好情緒質素.我會努力.
多謝大家.

sherrywqh

这位家长不必心急，其实我小时候脾气跟你儿子一样很差的，一不顺心也是喜欢躺在地上耍赖。呵呵！可能这样的孩子天赋异禀，会比其他的孩童更聪明呢。但确实，他的问题不单单令父母头疼，长此以往下去，或许他的性情会变得温顺，但有时候（也就是你所说得另外一面）可能会在人际交往上显得自信心不足。所以，我觉得，，，，如果父母治不了他的话，看看能否找祖辈亲戚教育他？或让他多和他的要好同学在一起，让他自己感悟纠正。

mandytanghk

今日終於比學校投訴... 之前係學校都係ok 既,,, 而家開始試老師底線,, 英文老師話唔想迫佢, 比佢係學校唔做功課... 但真的好嗎, ...  唉!! 都唔知用咩方法好... 唔想迫又唔想放任...   仲有個細佬囝, 如冇意外, 都係資優...  

希望佢只係今日太攰唔正常啦... (今日早左1個鍾起床玩)

呻完...

四隻貓

我仔今朝一起身又因為唔喜歡著外套情緒失控, 我亦非常唔爭氣地情緒失控我最怕佢朝早發爛, 攪到咩都遲到, 整到我好似個顛婆0甘, 求其著件外套, 咩樣都無望就出門.
佢由細到大都唔肯著外套, 冬天叫佢著褸好似要害佢0甘, 唉...我有反省, 其實佢唔肯著, 就由佢囉, 佢凍過, 可能會改變呢?何必同佢硬碰硬.

不過近來用左幾位前輩既教法同佢溝通, 情況係好左既.佢近來表達能力亦好左, 上星期參加同學仔生日會, 佢終於會同其中兩位同學玩, 仲好開心0甘, 我都放心d. 上星期家長日中英文老師都係講一樣既評語: 學習能力高, 記性好, 邏輯力高, 但....情緒波動大, 情緒差影響埋人際關係...老師問我地係唔係好縱佢.....真係百詞莫辯.

mandytanghk

回復 四隻貓 的帖子

可唔可以試下穿厚既內衫...  其實我都唔知縱唔縱佢, 但有啲野我會放鬆啲, 有啲野我會緊持....  不過我覺得唔係好多學校識得handle 一啲比較特別既小朋友..

四隻貓

mandytanghk 發表於 12-10-31 18:00
回復 四隻貓 的帖子

可唔可以試下穿厚既內衫...  其實我都唔知縱唔縱佢, 但有啲野我會放鬆啲, 有啲野我會 ...

呢兩日都係同佢著多件衫算數, 唔想同佢爭持.但遲d到好凍時就始終要佢著校褸....
我地間幼稚園既老師算好, 比較體諒孩子, 而且課程較豐富和生動, 仔仔返學唔會覺得悶, 一悶佢就會"搗蛋".
我知道某些較傳統的老師未必能接受較特別的孩子, 會視他們作"麻煩友".

lillymarie

著外套這類，可以事先張揚，早幾日就講定。另外，教佢睇天氣預告，幾多度。早點話佢知幾多度就要著外套。

我細囝好多時都唔肯著外套，我通常摸下佢後頸和手，講定摸到凍就要著。可能我年紀大，我覺得凍，但佢仲好暖。

我大囝昨日無得打波，其實早一個月前已知昨日要停一次。呢兩日仍忍不住問點解？點解？我唔答佢，直接請佢唔好發脾氣！佢現在學乖了，識答“okay...... "

Radiomama

不穿外套真的不打緊，d鬼仔冬天都仲穿短袖咋。我個仔病到怕，才會主動添衣。

四隻貓

lillymarie 發表於 12-11-3 04:09
著外套這類，可以事先張揚，早幾日就講定。另外，教佢睇天氣預告，幾多度。早點話佢知幾多度就要著外套。

...

Yes, 佢好喜歡睇天氣報告, 同佢協議左先可能會得. 等我同佢傾下. 好提議! Thank you!

四隻貓

近來又一煩惱.
我盡量唔鬧仔, 好言相勸, 成效不錯.
但大女(5歲)就開始妒忌, 向我提出抗議, 佢覺得細佬亂發脾氣點解我地仲0甘好聲氣, 話我對細佬太溫柔.....

babychar

mowmow2569 發表於 12-10-14 08:58
我的孩子過去亦有嚴重情緒問題，跌塊餅落地可以哭半個鐘，又非常硬頸，試過好多次發脾氣瞓街成個鐘，我也試 ...

3. 反省自己，都算是完美主義者，以前見到他寫字寫得不好，會擦掉要他再寫，現在只問他哪個字可以改善，盡量忍手不擦兼忍口不批評，他寫字反而大有進步

Before I am same as yours but now it is she who will erase all the words herself, erase and erase and once tired will have bad temper what should I do ?

lillymarie

四隻貓 發表於 12-11-6 14:38
近來又一煩惱.
我盡量唔鬧仔, 好言相勸, 成效不錯.
但大女(5歲)就開始妒忌, 向我提出抗議, 佢覺得細佬亂發 ...

妳試下問她是否想妳也這麼待她？我睇過關於手足之爭的書，有一個原則，就是對A就講關於A的事，不講B的事。有一句好正，“現在我關心的是你，我想知道的是你的想法。”

lillymarie

babychar 發表於 12-11-14 14:57
3. 反省自己，都算是完美主義者，以前見到他寫字寫得不好，會擦掉要他再寫，現在只問他哪個字可以改善，盡 ...

這就是完美主義可怕的地方！為了少少的不完美做完又做，結果功課會做得慢。有些人最後甚至會不做，因為“唔做唔錯”。
我囝囝亦是這類人，所以他稍覺自己會做得不好的就不做。我現在努力替他解咒，漸見好轉但未完全成功。
在批評他一件事前，先讚賞他三件事。讚賞他的努力。他好誇張的，以前不肯自己倒水給自己喝，因為怕打瀉水被我罵他。我自己亦反省，見他倒瀉水唔話佢，只叫他用布抹乾就算了。總之見佢有野要改，盡量唔話佢，直接叫佢做返啱就算。他們好敏感的，只要稍稍話他做錯，就會極之唔開心。又會好怕輸，為了解咒，我故意同佢講笑。例如有次佢玩chess，三局輸哂，我問佢是否食了蛋。又讚他輸了也沒有哭，真是勇敢，輸得起，有進步，叻！

cowboy2007

昨晚剛見到你個post其實阿仔同你細仔好似。Interview 同學表現很好。老師都說他個非常聰明的小孩只是皮氣差d

到4歲時我唔再鬧佢，讓他知道我們愛他無論點衰都支持佢, 情況開始好轉。用了一年愛心去浸他，到最近5歲生日後更懂事。話唔駛媽媽勞氣。老師說他的皮氣好咗好多

兒子同你細仔一樣十分聰明, 學什麼也快。喺一塊寶玉，上天派你呢個工匠去打磨鍊佢。

加油啊！

COE1205

四隻貓 發表於 12-10-12 15:30
兒子三歲四個月大, 記性好, 對文字十分敏感和沉迷, 學習能力高, 但表達能力差, 脾氣很大, 對一些事情十分執 ...

我仔仔就黎6歲(K3),又係有相同問題,
一唔合心意就大發脾氣差,控制唔到情緒,成日鍾意攪人,做D野引人注意,坐唔定,成日周身郁,鍾意玩但怕輸,一輸會發脾氣同大喊,有時什至怕輸唔玩,但有時又可以好乖好聽話好懂事,
上星期學校家長日,老師叫我帶佢去CHECK下,懷疑佢有過度活躍或者阿氏保加....好心痛
尋日,又發生咗一件事,老師又罰佢自己一個坐一張枱,佢好唔開心,
我:點解老師要你自己坐,
仔:老師話因為我攪其他小朋友,
我:不如你聽日返學校向小朋友同老師講"SORRY"請老師比你同番小朋友一齊坐,
仔:無用KA,老師話我曳,佢唔會理我,
我:咁你乖D唔好攪小朋友
仔:我係咁曳KA!不過,我真係唔知幾時整到小朋友?但係小朋友話係我整到佢,咁應該係我
老師已經label咗阿仔!攪到其他小朋友都label佢,而家連佢自己都label埋自己,果一刻真我係喊咗出黎!個心好痛!