求教：點樣教小朋友用左手揸筆寫字？

Yanamami

喵媽:  謝謝你的提議, 我返去同佢試下先!
********************************
記得要專登輸俾佢, 讚佢左右手都禁叻. 你就唔掂咯.

yybee

其實我仔細個時揸匙羮又係時左時右，我都唔確定佢係咪左撇子，直到2歲多喺政府度做左啲測試，証實佢係左撇子，測試當中，姑娘將物件交去佢右手，佢好自然會轉去左手，相反左手無呢個情況，再測試力度，發覺左手好力個右手，姑娘叫我地唔好迫佢用右手，隨佢用左手，由嗰時開始我先訓練佢用左手揸學習筷，而家佢好多時用左手揸筷子同時用右手揸匙羮，我有時都懷疑自己嘅教法有無錯，因做完測試之後，我買左左手用嘅較剪同筷子，佢根本無咩機會用右手，我係咪應該再俾機會佢用下右手呢？

yybee

原帖由 Radiomama 於 12-10-10 發表
左手寫字的姿勢與右手無分別，反而要注意書枱左面不要放雜物，枱燈應放右上角。



  ...

唔該晒，我會注意下

shekma

回復 yybee 的帖子

請問那是什麼評估？點樣可以做同幾大個可以做呢？因為我都覺得兒子有用右手的傾和，他現在22個月大

yybee

原帖由 shekma 於 12-10-15 發表
回復 yybee 的帖子

請問那是什麼評估？點樣可以做同幾大個可以做呢？因為我都覺得兒子有用右手的傾和，他 ...

係健康院寫紙去架，因為懷疑佢有言語遲緩及小肌肉發展遲緩

siulin0823

佢現在兩隻手都寫字, 不過, 明顯左手有力, 左手能跟筆順, 右手不能跟筆順, 右手會將筆劃掉轉哂.

smallfoothk

大型書局有專用左手揸筆工具如筆,較剪添,,,

k_lego

yybee 發表於 12-10-7 15:57
我喺政府度同佢做左個評估，結果話佢左手係優勝手，叫我地教佢用左手，佢會做得好啲，但問題係我全家人都係 ...

請問點樣去做?? 因為我女細時俾我屋企人迫佢用番右手
到k2下學期寫字真係寫唔到先轉番左手, 一直相安冇事寫左2年
最近隻左手冇啦啦好似失控咁..

siulin0823

回復 k_lego 的帖子

請問是什樣失控?  何否分享吓?

k_lego

siulin0823 發表於 12-10-18 09:31
回復 k_lego 的帖子

請問是什樣失控?  何否分享吓?

失控, 就係好似叫我地用右手的人去用左手咁樣囉, 寫一橫都曲左或者係寫到出左格..

我唔知點解會咁, 阿女之前都好地地用左手2年了
k2上學期初學寫字時用右手, 一直失控, 就係連寫個"一"字都有問題,
畫2點俾佢連埋去, 佢都會一劃就劃到出曬界, 過左隔離格
過左半年, 到下學期, 有日發現佢自己o係度用左手畫畫
畫出來既野細緻左, 就叫佢用左手寫自己個名來睇下,
發現好好多, 即刻冇曬問題, 經老師觀察一段時間後都認為佢要用左手
之後d功課就好好多, d字稱不上靚, 但都算ok啦
但上左小一之後, 佢左手d字忽然變得好肉酸, 好似唔識寫字咁
但佢o係學校默書時d字係ok嫁喎..
做功課做到我發曬嬲, 咁冇曬辦法之下我叫佢右手寫字俾我睇, 又好似好少少喎..
但主要係多橫劃既中文字 係右手靚d, 而英文就左手靚d..

因為之前k2下學期經歷過"右轉左" 需要時間適應..
我唔想再經歷多一次, 依家已經係小一, 人地個個都寫左字2年以上,
如果依家又要重新適應右手, 我怕佢慢左成2年
而且重點係.. 佢o係學校默書用左手係寫得好地地既..
老師有同佢講過, 暫時呢2日有改善既, 但d字都冇幼稚園果時咁好

其實我諗係咪佢幼稚園有d唔開心.. 幼稚園d老師對字體要求較高
我女早半年轉番用幼身既鉛筆, 我發覺d字好似衰左,
早前提議佢轉番用粗身既鉛筆, 佢就話幼稚園我夠用粗筆啦, 都係俾老師話肉酸
我花左好耐時間解釋話依家的老師都好體諒佢..佢先轉番..

siulin0823

我的小孩才剛開始寫字, 發現用左手倦時就轉右手, 最近想嘗試叫他用右手寫, 他就話自己喜歡用左手.  不過倦時又用右手, 但明顯左手有力.  真是煩惱, 不知用左手好定右手好.  有個老師說慣用左手的人明顯右腦發達, 所以用左手寫字學習時就自然係右腦吸收.  大家比d意見參考....