懷疑仔仔有ADHD後安排

wan_sosin

回復 小草王道 的帖子

我同你嘅想法一樣,知道政府慢,所以早D排入政府條隊,我今年4月去CAC見姑娘,若等半年,而家我個仔剛上K2,希望在小一前可以安排好.
我見有小朋友到小學先發現問題,等得黎都P3,4了!

wilyun

回復 kungkungjireh 的帖子

我初初又係乜電視都唔比個仔睇,自己又要返工,全程基本上係靠個工人教+自己放工教,佢跟本就乜都無吸收到,其實適量的電視時間係對小朋友有益的,當然都要睇埋係乜野電視節目先比佢睇喇!因我個仔歲半開始我又比返一個半鐘電視佢睇(分開播),佢真係識得多左野,同埋好多係日常生活SHOW唔到比佢睇的,佢都可以係電視睇到,如動物之類.

wilyun

我都有懷疑個仔有呢個問題,因佢真係一返訓練就四圍走,又八卦.坐唔定,連姑娘叫佢坐佢都四圍走,我諗到時十一月佢返N班實比老師投訴...

好彩我歲半排左,都做左評估,但暫時只話佢係遲緩... (其實我初初以為自己個仔係自閉架!但我呢兩個月無做野揍佢,日日帶佢去街,佢現在唔驚人,仲識得LIU人玩添呀!)

kungkungjireh

回復 wilyun 的帖子

I see I see, ya  i usually ban all tv but I am also curious of what you said.
what kind of tv shows do you let him watch?

chowqv

原帖由 fandd 於 12-09-23 發表
關鍵係佢上課時能否
1. 坐定定
2. 聽指示做嘢

我果仔3樣都做到，不過都有adhd，只係上英文堂就自己走左去課室外邊，問佢點解，佢話英文老師教左成個星期仲係教果隻字，好悶。所以去搵校長傾下計。

wilyun

回復 kungkungjireh 的帖子

我比D動物紀錄片呀,專門比小朋友的DVD等,有時都會比佢睇下時代劇,仲有佢好鐘意睇有BB的廣告呢!

wan_sosin

回復 chowqv 的帖子

我都認同就算無嗰三樣!都唔等於無ADHD!有D人都會誤會,以為完全不懂聽人講才是ADHD,我都有好多朋友同我講,你個仔都會聽人講嘢,應該唔係!我心諗,如果咁簡單,就唔洗搵醫生,見專家啦!

順帶一提,剛好又見到你!很開心大家又有些交流!

小草王道

原帖由 chowqv 於 12-09-29 發表
我果仔3樣都做到，不過都有adhd，只係上英文堂就自己走左去課室外邊，問佢點解，佢話英文老師教左成個星期 ...

靜又怕自閉，好動又怕ADHD。聽指令，坐定定都有機會有ADHD。咁我真係唔識攪

chowqv

原帖由 小草王道 於 12-09-29 發表
靜又怕自閉，好動又怕ADHD。聽指令，坐定定都有機會有ADHD。咁我真係唔識攪



  ...

有幾怕，我個仔係有adhd+自閉。
我唯有演繹為"動靜2相宜"。

小草王道

原帖由 chowqv 於 12-09-30 發表
有幾怕，我個仔係有adhd+自閉。
我唯有演繹為"動靜2相宜"。

你真樂觀。我都要加油

wan_sosin

回復 小草王道 的帖子

加油呀!不如你搵d書睇下!

我看過"分心就該這樣教"

這本書很好,雖然對太小的小朋友有些未用得著,但都可以了解多d先.

另外你可以到下面網頁看看:

www.adhdinchinese.org

小草王道

原帖由 wan_sosin 於 12-09-30 發表
回復 小草王道 的帖子

加油呀!不如你搵d書睇下!

謝謝你

chowqv

原帖由 小草王道 於 12-09-30 發表
你真樂觀。我都要加油

唔係樂觀，我都喊左好耐。但係喊完，喊住接受呢個事實。生命都要往下去。我只係接受左呢個係我個仔既本相而已。

kittytyl

各位，我個仔剛兩歲，超級活躍，不聽話，好硬頸，坐不定，不怕駡，去街周圍走，不怕人，同佢講道理，永遠好樣聽不懂，說東說西！經常在街扭計，瞓地！請問我有咩可做？我下年1月有小B出世，宜家大仔又咁，我好擔心

小草王道

上學未？可以看看老師點講先。

kittytyl

返左N班三星期，老師有講過佢坐唔定，周圍搞櫃，要捉回坐位及專注力唔好，但又讚佢識好多字！我唔知班裡其他小朋友係咪咁！我不嬲自覚我仔比同齡小孩百厭，非常好動，初時以為男仔係咁，但越來越發覺佢有d行為真係過左火，我真係唔想成日鬧佢，但真係唔知點做！近日行為越來越嚴重，佢好似天不怕地不怕，去街自己頭也不回走左去,冇大人在身邊也不怕，自己想點就點，阻止佢就發癲咁扭計掙扎，好硬頸，好似看穿大人咁，最後要屈服！同佢講話或問佢嘢，永遠不答or say no! 其實佢識講好多，只是好似不懂與人溝通！

kittytyl

加上現在大肚，我真係冇氣冇力，情緒影響我有時自己鬧到喊

wan_sosin

回復 kittytyl 的帖子

你個仔bb時係點架?幾時開始你覺得佢比其他人活躍?你一直用什麼方法教導他的?有無其他人會教佢?
問咁多係因為要了解多D情況同原因!

我個仔係佢3,4個月大時,我已覺得佢比其他bb活躍架啦!佢bb嗰時,都未識行,格bb車已經比佢跳爛,雖然bb車係二手,但係外國牌子黎架!佢嘅力真係唔講得小!兩歲佢試過用個頭撞到我幾隻牙崩咗!但我個仔仲要係瘦B黎架!

kittytyl

我個仔都係瘦B，由細到大不喜歡吃，但佢天生手長腳長，好大力，幾個月雙腳已經狂踢，學爬就對周圍充滿好奇，好大膽，不怕危險，體能上發展好快，佢瘦，但是全班最高（佢係細仔），跑得好快！

我其實初初以為佢係百厭d，但呢半年真係好嚴重，尤其佢有個差2個月表弟，行為性格差好遠！我仔完全唔聽話，同佢講好似永遠聽唔明，但其實我知佢明，只係唔想理我！有諗過係咪因為大肚，所以反叛！近排試過做錯事要求佢say sorry! 佢超硬頸，罰佢企直到講，佢半小時只喊也不講，直到差唔多一個鐘，爸爸去沖涼，只有我同佢，我再講一大堆道理，佢先講sorry mama! 我在想佢2歲已經知道講對唔住係一件困難事，不想在眾人面前講！唔明佢思想!

講到管教，我同老公唔主張打，從來未打過，但唔知忍到幾時！亦唔主張下下敢止，即如果在不影響別人及損害自己情況下，我們可以由佢做，因為知BB一定好奇！我老公甚至好少閙佢！其他方面，我倆都冇乜話管教唔管教，初次做父母，真係同個仔一齊學！有時都係見招拆招，睇坊間d書，健康院小冊子學。但唔知係咪因為我們比較放任所以囝囝咁百厭！如果佢天生百厭d，父母係咪應該嚴厲d？

佢平時工人湊，工人好錫佢但就好就佢，2歲都唔可以自己完成一餐飯！

人人話我仔好聰明，聰明可能似爸爸，老公由細大不太勤力但讀書好叻，會考全A高考幾個A，但佢冇行為問題！我仔好喜歡學知識返學，喜歡看書，但只專注自己喜歡類型的書，返學前主要識英文，我想他返N前已經懂400-500個英文生字，因為我有套生字咭有400張！中文字返了N學了7，8個左右，N課程d英文佢已經識讀！佢說話能力中等，會自己讀書，街上見到乜會指住講，但與人對答就好差，十問九唔應

做父母會想自己仔女聽話又聰明，但我只希望佢聽話d，唔好成日扭計，我不是聰明人，鬥智鬥力真係好辛苦

wan_sosin

回復 kittytyl 的帖子

活躍嘅小朋友好多都聰明!但越聰明就越難教!我個仔都係聰明仔,不過唔係語言方面,佢數理很好,唔洗點教都自然明白!記性亦好好!

你個囝囝唔聽人講,唔多唔少因為係工人湊,多多少少會有少爺脾氣,(我亦因為咁樣,情願搵少D,做FTM湊個仔),加上你們由小給他很多”自由”,小朋友唔會明你哋係比空間同自由佢,佢只會收到一樣嘢,就係”我可以想點就點”,BB時殺傷力未大,都唔覺,到大一點,自己有能力,有思想,問題就會明顯!而佢亦唔會容易明點解自己錯,因為佢會認為自己”想做的事情就係啱”因為你們好少阻止.加上佢本身性格已很強!


但嚴謹的管教又唔代表佢就會唔百厭,不過佢會明多D自己錯什麼,我個仔每次錯每次都會認,有時連佢自己都發現自己錯咗,只係佢錯完之後,又控制唔到自己再錯過!有時見佢都會為此自己很內疚!

我仔自小我就會打佢,不過打得有原則,有方法,唔會亂打,到而家4歲幾,唔係有嚴重錯誤都唔會打佢!佢黑白對錯分得好清楚!但如果你們對打無信念,就用其他罸嘅方法吧!但小朋友一定錯要受罸,因為佢哋要學懂每件事情會有後果!

其實如果你囝囝聰明,你唔洗太怕因為管教佢要限制了佢嘅發展,佢嘅好奇心,佢嘅勇敢,唔係咁易就比你哋阻到.而適當嘅規則,係幫佢建立品德,性格. 規則一定要清晰,堅定,必須執行,父母一定要一至!

你囝囝才兩歲,仍可建立及去習慣較嚴的管教,否則,佢而家都惡過你,再大就好難攪架啦!佢唔答人其實係無禮貌,要訓練佢去回應別人,教呢D嘢,一D都唔關比唔比佢探索嘅事!

每個小朋友都唔同,要就著佢哋嘅性格來教,但無論點,無小朋友係唔洗教就會好架!