請問荃灣有邊間幼兒園可選擇?

fungyee

Shan 寫道:
fungyee,
哈哈...其實講真我真係無諗過佢會唔會好辛苦呢個問題, 可能因為我覺得 bb 適應能力都幾強, 所以我一直都係以我地大人o既諗法去諗, 卓 b 依家都仲返緊育嬰院, 因為之前諗住轉工, 拿拿聲請左個工人, 所以下個月開始由工人湊, 佢返育嬰院都返全日架, 其實我覺得如果佢地習慣左都應該幾開心架, 有咁多小朋友陪佢地玩, 我自己暫時就打算兩年後工人滿約後就唔再用工人, 卓 b 就返 N1, 不過唔知可唔可以好似我諗得咁完美, 一月比佢插班呢??

Shan,
其實我都唔係幾覺佢地會辛苦, 只不過d朋友話唔好, 因為咁多小朋友一齊玩好易病喎, 但我又想佢學多d野, 佢係屋企都係無無聊聊架啦, 所以仲未決定應該點好! 你轉左工就揍唔到呀b, 所以要請工人呀?
**我個b同你個b都有個卓字架!!**   

Shan

fungyee,
其實一定會多病架, 我卓 b 由兩個月大一直病到依家都反反覆覆, 係呢個幾月睇左中醫就好好多, 我諗呢個都係必經階段黎架, 因為就算佢唔返 N1, 到佢返幼稚園o個時一樣會病, 所以我覺得都避無可避~~ 係呀, 份新工時唔長 d, 加上又唔係放星期日, 所以咪請工人囉, 但我依家又唔會轉工喇, 因為我辭職o個時公司留我, 人工加到同新工一樣, 加上做左咁耐都有感情咪繼續做囉, 但工人已經請左, 所以唯有下個月退學啦~

哈...唔知你有無發現今年有好多 b 個名都有個卓字呀~ 淨係育嬰院都有幾個喇~~

fungyee

Shan,
乜卓B咁陰公呀, 病左咁耐都仲未好得番晒呀? 唔知係咪d BB一病就好難斷尾既呢? 謙謙又係呀, 咳左成個月都仲未好得番晒呀! 依家要煲d湯水過佢飲希望佢會快d好番囉!
你公司都幾好呀, 肯留你同加人工, 咁咪仲好, 星期日可以family day囉, 又有個工人幫輕下你, 咁你咪無咁辛苦囉!
我都覺得今年好多bb都有個卓字呀, 唔通今年興?    

Shan

fungyee,
係呀, 我覺得 bb 一病就真係好難斷尾, 加上我覺得我第一次傳染佢o個時隻菌應該好惡, 因為我同老公都病到死死下咁, 最後到個囝病就一直到依家, 最慘就係呢幾日停左中藥又咳返, 哎....到底幾時先可以清到尾???

如果以錢黎睇, 我留o係度係好架, 好似你咁講星期日可以 family day, 但新工前境好 d, 大公司有機會升, 依家我呢間就無喇, 因為係一人公司, 得我一個人做野,自由度大 d, 不過我都唔知我呢個決定o岩唔o岩, 但唔諗咁多喇, 反正都決定左, 希望無決定錯啦~

哈....可能係呀, 唔知點解今年真係好多人用個卓字~~同埋今年都好多人大肚呀!!!

daydaybaby

shan
你們是否一起去參觀幼兒園,我都想Join 啊,唔知星期六下午可不可以呢, 可以不用告假
我bb又是病了三四個星期,昨天才在"嬰兒醫護"中開個topic問人意見,
你們自哪個中醫的,你們覺得看後好不好,我想作為後備之作

fungyee

Shan,
咁咪係囉, 都唔知佢地幾時先會好返晒呀! 真係慘喇! 卓卓b係邊度睇中醫架? 乜咁細個都食得中藥架? 呀卓卓b肯食咩? 咁叻仔既!
決定左就唔好諗咁多啦! 依家做得開心最緊要oY麻!!

Shan

daydaybaby,
我都想約星期六下午呀, 等我打去問下得唔得先~~~
我有見到你個 topic 呀, 不過我見有咁多人回應, 所以無回應你, 我 bb 去廣華度睇中醫架, 都係朋友介紹o既, so far so good 啦~~ bb 咳係好左好多, 不過仲未清得晒, 希望中醫真係可以幫佢清尾啦~

daydaybaby

你看廣華的中醫要不要一早排隊輪候,會否只限星期几才應診,貴不貴的
我bb的病很久也不太好,考慮下要不要去看看,
自己又剛小產了,也想找個中醫調理下,正考慮找位元堂的,還是醫院的中醫好

Shan

daydaybaby,
佢可以打電話去預約架, 星期一至五全日朝九晚五都可以約, 星期六上午都得, 不過一定要預約, $80 診金, 藥費另計, 以我經驗, bb 食o既藥我唔會o係廣華執, 我會出去余仁生執, (佢o個度 d 藥都係余仁生架),  因為佢執 $40 一劑, 我自己出去余仁生 $14.6 一劑, 但我老公食o個 d 就會o係返廣華執, 因為大人食o既藥份量多 d, 我試過出去余仁生執要 $4x, 廣華平少少啦, 所以我會分開執囉~~

我自己覺得醫院o個 d 應該會穩陣 d, 加上佢地有分唔同o既專科 (雖然我唔覺得佢真係有分, 因為我囝囝同老公睇緊呢個係睇婦科, 但我話個囝要兒科佢就比呢個我喇!! )

CANDY_SAMSON

我想問.. 幾時開始要搵幼兒園? 返幼兒園有咩學? 駛唔駛好似幼稚園咁預早一年報名? 一諗起呢d野就頭痕...     

chan803

CANDY_SAMSON,

Many nursery accept applications once the BB has the birth certificate.  And 幼兒園 is different from 幼稚園, and both graduates enter the same luck draw for P1.

eunice.lee

各位媽咪:
知唔知道荃灣有無半日的幼兒園可供選擇呀?

jk67jk

麗城, 聖文嘉, 方方, 綠楊 都有半日制幼兒園.  大部份私人機構辦的幼兒園的都有半日選擇.

Blythe_miki

anymore comment on 聖文嘉 and 方方??
thx!

ABCMAMA

我住丽城，原本想讓bb入讀聖文嘉N1，但在左鄰右理打探这間學校時(包括看更叔叔、嬸嬸)，他們都異口同聲地說，返親这間學校的學生都好容易病，看更更对我阿媽讲，唔好俾个孫入讀这所學校。所以我現在还心大心細。

另一方面，我見到在丽城讀書的聖文嘉學生，有些很无礼貌，有頑劣，我曾經在公園見到一个大概2歲半的男仔問一个大概3.5歲既聖文嘉學生可唔可以一起玩，怎科那3.5歲的小朋友竟然打了2.5歲的一巴，但那3.5歲就讀聖文嘉學生的媽媽(新移民)竟然无教訓他的兒子，我見那男童的姐姐也是就讀该學校，亦是毫无礼貌，自此我对这所學校的學生有些反感。

unhappymother

hi, i also look for the half day nursery for my son. any comment on 方方, 綠楊?
because my son is 17 months old. so is it the time to apply for the nursery?? pls reply . thanks

ABCMAMA

I also want to know more about the comment of 方方(Discovery Park) and 荃湾慧中国際幼兒園(海濱花園)？Any monther knows？

daydaybaby

聽聞綠楊不錯,不過有點像學店,很多收費

gordon

It depends on how you state this school. I don't know what is other school's teaching methods (school fee is not my concern) but Luk Yeung is very good. I highly recommend.

P.S. My son is studying in their n1 class.

Gordon ma

daydaybaby 寫道:
聽聞綠楊不錯,不過有點像學店,很多收費