點解一定要小朋友入Band One小學?

tt2001

Sindy 寫道:
出污泥而不染的,我諗我d細路無咁生性

我亞媽吾識，當年安排了我們三兄弟讀私小(執左lu)，當年我的私小其實程度吾差，但因為係私小，即使你考首三名都最多被派去二線名中學，我呢D考中間既同考包尾既，就全部被派”學店”---私立中學：格記、威記、地記等..(那時剛有9年免費，所以在私立中學讀F1-3是免學費的)或新界冇人揀既新校。

其實部份同學讀私小的原因，可能係父母貪近，或吾識計劃，亦吾介意比學費，我亞媽就係咁o刺，我有D小學同學係好有錢架！以前社會冇咁壞，學店內的壞份子其實冇大家想象中咁多架，壞既程度亦冇現在那麽嚴重，所以真係好多同學可以”出污泥而不染”架！。真係叫做壞既，通常係F4以上的，因為嗰D係F1-F3吾讀書，F4派吾到津校，冇得揀唯有比學費原校升F4。以前底班嗰D最多叫做曳，而且一班佔好少數，吾似依家咁，差學校既F1仔已經可以好壞。

Sindy

我以前係學店度都讀,你呢幾間都算數一數二囉,我係裏面讀,但我而家睇返,我女係呢d學校度讀,我情願佢係屋企囉,因為都係一樣,係side時間呀,去街去通宵,日日唔痴家好普遍,我忍受唔到我d細路係咁,見到裏面大部份人都係社會既低下層度做野而家,會考一科合格叫普通,四五科叫好叻,係合格咋喎,唔係CCBB喎,雖然好學校都有咁既學生,但讀書氣氛我點到唔信學店會好d架啦,恕我頑固啦

tt2001 寫道:
[quote]
Sindy 寫道:
出污泥而不染的,我諗我d細路無咁生性

我亞媽吾識，當年安排了我們三兄弟讀私小(執左lu)，當年我的私小其實程度吾差，但因為係私小，即使你考首三名都最多被派去二線名中學，我呢D考中間既同考包尾既，就全部被派”學店”---私立中學：格記、威記、地記等..(那時剛有9年免費，所以在私立中學讀F1-3是免學費的)或新界冇人揀既新校。

其實部份同學讀私小的原因，可能係父母貪近，或吾識計劃，亦吾介意比學費，我亞媽就係咁o刺，我有D小學同學係好有錢架！以前社會冇咁壞，學店內的壞份子其實冇大家想象中咁多架，壞既程度亦冇現在那

瑤瑤媽媽

我自己以前就試過讀band２（而家變左band１）同band５既學校眼見自己同其他同學既成績唔使講啦∼人既品行就已經差好遠
前者上課時學生最多都係傾下計比老師罰後者係上堂食野，訓覺，打交，鬧老師，去廁所煲煙乜都有∼老師連鬧都費事呀∼有ｄ開學好有心機讀書既同學都比其他同學感染到無心機讀書∼唔係自己讀過都唔知真係有ｄ咁既學校

DoReMi媽媽

我曾經見過有位bk家長post話佢仔仔入咗間band 3學校, 雖然佢仔仔好想專心上堂, 但其他同學就喺度搞破壞, 老師正式上堂教書得一半時間, 因另一半時間要攞嚟鬧同學, 或阻止同學搗蛋, 喺呢種情況下, 就算個仔唔學壞, 但學習時間都只係得人哋嘅一半. :-|  :-|

Sindy

而家有d學校已經唔係咁簡單了,打交班馬......恐嚇.......真係閒事,校長都無乎,我見到佢都好無耐......佢一康熱誠的....我諗住個女d成績唔係咁得,不如另類選擇,點知走都走唔切,我女都幾乖,不過係懶散少少,佢見到d咁既大場面,佢話佢都係要讀好d書喎

瑤瑤媽媽 寫道:
上課時學生最多都係傾下計比老師罰後者係上堂食野，訓覺，打交，鬧老師，去廁所煲煙乜都有∼老師連鬧都費事呀∼有ｄ開學好有心機讀書既同學都比其他同學感染到無心機讀書∼唔係自己讀過都唔知真係有ｄ咁既學校

kachunma

DoReMi媽媽 寫道:
我曾經見過有位bk家長post話佢仔仔入咗間band 3學校, 雖然佢仔仔好想專心上堂, 但其他同學就喺度搞破壞, 老師正式上堂教書得一半時間, 因另一半時間要攞嚟鬧同學, 或阻止同學搗蛋, 喺呢種情況下, 就算個仔唔學壞, 但學習時間都只係得人哋嘅一半. :-|  :-|

絕對同意,我有好多朋友都是教書的有教band1亦有教band3的,佢地話D band3學生的衰野、搗蛋真是天天不同天天新穎的,老師要顧住維持秩序,又何來有時間教書呢,佢地都話教到有心無力,相返教band1的就舒服得多了,大部分學生都是自動波,全都會自己備課,又主動發問學習,相差真是天與地比,其實我覺得最緊要是想小朋友在那種環境學習呢？
這只是個人觀點,如有得罪請見諒,我亦相信band3亦有好的學生的,但我個仔絕對會是受人影響果種,所以我亦會偏向選band1多

JJ1122

Carly,
其實會唔會係間學校唔適合你囡囡呢?  同banding有關係咩?  如果咁講d間學校大大話話6xx個學生咪個個都內向同好怕老師囉.

ΞCarlyΞ 寫道:
我覺得入到band one小學,雖然係好事,但係入到又點喎,你既小朋友讀得開心就好啫,讀唔到就好慘喇!
我既經驗就係令願比佢地讀band 2甚至係band 3,咁樣佢地會讀得開心D,我既大女因為入左band one而令到佢比入學前更內向同埋好怕D老師,另到佢成個人唔同晒.

virgokaren

無可否認 band one 學校有較良好的讀書風氣，每個家長都希望自己的囝囡讀 band one 學校，只是，是不是所有囝囡都能符合父母的期望呢？若有些小朋友真是力有不隸時，父母可以點做呢？

小學可以揀間程度高的名校，中學呢？
名小學也有 band 3 學生，佢地點算？

DoReMi媽媽

其實我相信大部份家長唔係想囝囡一定要入讀所謂band 1學校, 要囝囡讀書讀得咁辛苦(如果唔係讀書材料), 只不過band 1學校嘅校風唔會太差,(學校都唔會容許校風太差啦), 令家長少一個担心, 雖然未必係"開開心心上學去", 但點都叫做"平平安安回家來"   

River2004

Carly,

你的話，在我聽來好不熟悉，我一位親戚也以「寧為雞口，不為牛後」為理由，把女兒送到名校區中一家弱勢學校。

現在她女兒也升中了，一樣派得band one名校，她的策略似乎成功了，但實情是怎樣一回事？

初小階段，小孩和大人都很輕鬆，功課淺易不成壓力，只有一樣令人頭痛：小女孩的談吐越來越粗俗，她媽媽說是受電視影響，關掉電視就行了。

P4過後，同學流失甚多，學校提早實驗小班教學，但水準不見得提高，P5也寫不出像樣的中英文句子，看

Sindy

我見到有兩個情況

第一(我女兒),在一間幾好既小學讀書,到升中,都感壓力不大,成績中間,讀得唔理想,轉左校,佢都係人地校好top果d

第二(親戚個女),係普通學校,一日做補充做到天黑,玩既時間都無乜,為入名中學,最終佢都入左,但之前辛苦,入左都好辛苦,個底唔好丫麻

我唔係吹谷形,入好學校既原因同好多人相反,只想壓力無咁大,雖然同校既競爭係有,但我又唔係想要第一既話,係好輕鬆既

哈里波特

有好的讀書風氣, 小朋友讀書自動自覺, 人人一書在手, 唔覺得有咩奇怪.

有朋友教中學, band 2 to band 3 果d, 佢話學校要強迫小朋友做每日一篇, 老師成日要上每日一篇查下佢地有無做, 我話唔係罵, 我個女個個同學都做, 自己好緊張, 話要排名前d.

我地d家長都好齊心, 有好野一齊分享, 一齊參加, 互相照應. d家長義工好清楚我兩個女d 性格.

Sindy

我女都好緊張

哈里波特 寫道:

有朋友教中學, band 2 to band 3 果d, 佢話學校要強迫小朋友做每日一篇, 老師成日要上每日一篇查下佢地有無做, 我話唔係罵, 我個女個個同學都做, 自己好緊張, 話要排名前d.

Zen

哈里波特 寫道:
有朋友教中學, band 2 to band 3 果d, 佢話學校要強迫小朋友做每日一篇, 老師成日要上每日一篇查下佢地有無做, 我話唔係罵, 我個女個個同學都做, 自己好緊張, 話要排名前d.

我的小朋友一樣，叫佢唔好掛住上啦，睇少日無相干，點知佢話唔得架，聖誕假都照常 :

beseem2003

//如果好不幸，你的孩子在名校只是個中下生呢？
你地會點做？
會不會勉強讀下去？//


想孩子入名校的父母，無論要去local school or int'l school，應該唔會毫無準備就去卦？那真是不負責任的行為！亦都無理由名校會收，除非大抽獎。

自小（兩三歲起，現在好多人一出世就做啦）培養孩子語文的讀寫說聽能力是必須要的，亦是最好的親子活動，如果做足準備孩子都是能力不足，轉校亦好容易，亦應該唔會要轉去Band 3學校。

beseem2003

ΞCarlyΞ 寫道:
總之我令願我個小朋友係普通學校係考前幾名既學生好過係名校係包尾學生.

如果係果間學校考頭幾名，到名校卻要考包尾，咁我寧原好似Sindy咁話，留個細路係屋企自己教好過，費事哂時間，因為如果唔走，名校都有好多間，間間幾百至一千人，一齊出來社會後，孩子一樣係最底層個批，有邊個父母會想咁？

beseem2003

catcatmom 寫道:
真實個案: 親戚個仔讀港島某名校K書院, 小學係讀你地所講緊的SF,前年會考得14分, 四四處knock門搵學校收,勉強最後入左一間係新界嘅某某同鄉會中學讀F6. 親戚話SF小學出名英文好勁,校長廣播都用英文, 學生英文係米好勁就唔知啦, 英文程度好深,就係事實,但親戚個仔會考英文得個D, 佢話個仔一定係一時失手, 我覺得英文係浸番離,好難話失唔失手果喎!

差學校有好學生，好學校有壞學生，係一定有架啦，但我地只睇大圍比例，個別case唔可以當成現象。

只要入間校風純樸, 就算係普通你地所講band 2小學讀,都無問題,小朋友一樣可以好開心,成績唔一定會好差.

你講得一Ｄ都無錯，我所謂的名校，是出名的好學校，選擇的範圍都好大下，唔知有無包埋你所講的學校，你知喇，呢把尺個個父母都唔同，李嘉誠看我的標準就一定唔認同，佢一定會刪除我學校名單下排的選擇，而他在名單上排的選擇又會多過我。

int'l school的氣氛無local小學甘緊張, 係事實, 比較輕鬆.
香港讀書有個會考, 有個A Level, 係英國讀書,都有個GCE, 美加讀書有托福考試, 入到大學要寫論文,先至畢到業, 讀master 要考gmat,全世界都要考試.

好的國際學校一樣係有要求，所以我一直都話無論本地好國際好，都要揀好學校，因為大家都要面對公開試，所以在差學校裡考第一係無意思的。

今年只一位10A女學生唔係來自喇沙,女拔,Queen, King, St paul,或 Maryknoll係來自一間屯門中學, 聽說佢係學校的生活好多采多姿,好活躍係學校裡的課外活動,唔係死讀書果隻,同其他名校d10A生唔同,無去名師到補習, 亞媽是housewife, 爸爸做裝修.

歸根究底，家庭教育及父母的引導及支持是最重要的，我以前都講過，在名校或普通學校裡成績出眾的，有幾個不是靠父母的功勞？但無論幾比心機的父母，可以教識孩子所有東西，都無法造出一個小社會來讓他學習成人後要面對的世界，點樣教他用正當及可接受的方法爭取所需，改善生活，及學識如何與人相處，結交朋友，我認為學校最大的作用在於此，如果我的孩子入不到我心中名單的學校，我真的寧可讓他留在家中，學不到好的，總好過學了壞的。

只要唔係壞朋友,食煙,講粗口果種,d仔女有make friend嘅 right。

點可以保障Ｄ同學唔係你講果Ｄ呢，揀學校又無得試讀，唯有都係睇大圍，靠聲譽。

一d亞媽千方百計入名校,其實大部份係可能想有多d成就感, 多過為仔女, 讀得開唔開心,要問番d 小朋友, 入到名校,唔係學生同學生鬥,係家長同家長鬥.

孩子入到好學校，父母一定會有Ｄ成就感，但大前提都係為細路。社會已經變左好多，我發覺大部份人都化左，天災人禍，世事無常，大家都意識到親人才是最重要的，尤其做父母的，多以子女的快樂為快樂，但快樂並不是甚麼都不做就覺得快樂，心理學上有個需求金字塔，說人溫飽後仍有多重需要，如親情，朋友，還有自尊，成就感等等，父母希望的，就是孩子能達到各種的滿足，而已虐待孩子逼迫他們上進的父母已很落後了。

有d真係讀唔上嘅細路,佢地學校嘅回憶可能只有係個個星期去名師到補習, 學一些唔係自己鍾意嘅各種樂器小提琴,大提琴和各英文curriculum,同埋一個樣樣幫佢地鋪曬路的Supermom,有一個名校小一學生嘅mom好開心同我講, 亞女每月學費同埋d course嘅支出要12k, 彈琴就離要考8級啦!

真係讀唔上咪轉校囉，真心愛孩子的父母都會咁做，但無理由未做就唔鼓勵孩子去嘗試。小孩子還小的時候，學好多野都唔覺得累，到大Ｄ佢地就會對某些活動有偏好，對某某活動不喜歡，到時咪再調整囉。其實有辦法的父母，的確可以引導孩子喜歡某種活動，而不是死命的強迫。如果看到有些孩子有超乎同輩的能力，也不要狹隘的認為是父母的逼迫，現代教育心理學發明了許多有效的方法去培訓孩子，父母與孩子一樣，要與時並進，一家人一齊進步，原地踏步只會拖累了孩子。

莊子和惠子一樣，安知魚不知我知魚知樂呼？
A:你又唔係d細路,你點知佢地讀得開唔開心喎! 你又唔係我,你點知我做亞媽唔知道d細路番學無樂趣咩!
B:你又唔係我,你點知我唔知道你……  

原果淨係講感覺就真係無得好講，好似叫Ｄ露宿者唔好訓街，佢一句我鍾意額，就已經無得溝通。

ΞCarlyΞ

留個細路係屋企自己教唔會比人拉咩?

catcatmom

//差學校有好學生，好學校有壞學生，係一定有架啦，但我地只睇大圍比例，個別case唔可以當成現象。//
我講我親戚個仔嘅例子出離, 想鼓勵一吓入唔到名校d 媽咪,唔緊要,只要入一間校風純樸, 就算係普通2線小學或者中學讀, 都無問題,小朋友一樣可以好開心,成績唔一定會好差. 我親戚個仔會考唔好,唔好講到佢係壞學生先至得架!

//盡 量 讀 名 校// 其實有得選擇, 當然好多媽咪都希望自己個仔入到名小中學校, 先唔好講佢地嘅學術成績, 就講名校嘅設備和學校嘅環境先啦! 好似九華有足球場2個、籃球場2個、網球場4個、游泳池1個、健身室1個、 電腦室3個 ; 女拔有游泳池, 學校面積有13,080平方米 ; 喇沙有人造草地、標準50米泳池、中央冷氣系統、大型演講室等…唔知d媽咪係米講緊這類名校?

做一個比喻 : 好多人都想住半山別墅, 但為左住這些別墅對某些人來講,要付出好大代價, 每天工作20小時, 星期六日返埋工, 先至可以維持到住半山嘅慾望,甘你地住唔住呢 ?

讀名校對一些聰敏又讀到書嘅細路來講, 可能係" That’s Nothing! "又或者有一個好勤力keep住亞仔進度嘅亞媽,甘就可以加入名校戰場.

但如果小朋友真係讀唔上,係米好辛苦? 有留意新聞,會知道有一位St Mary 嘅亞媽, 連夜帶著兩個女係學校門口坐天光,抗議學校功課多.
//真係讀唔上咪轉校囉// 甘容易比你轉校, 這個媽咪都唔冼出此下策, 這個可能又會被d媽咪話係個別例子, //唔可以當成現象.//

有位媽咪有25分,想比個女入Maryknoll Convent , 但佢有d惆悵, 去問其他媽咪,佢地嘅回應係,先要問自己以下問題:有幾多時間同個女做project,學幾多course去keep 住 D standard.......

如果有d媽咪認為入了名校,便是買了保障, 寧願做名校裡的中等生, 但這些媽咪有無想過名校唔單只有中等生，還有中下生, 甚至有一部分係被認為所謂羅底橙 ; 實施了計分制後津小名校有更多羅底橙, 因入名津小如喇沙都係要經過pointing system 或者lucky draw, 校長無權選擇學生,上到高年班有分精英班和輔導班(羅底橙班). 而係名中學裡，會考得十幾分的學生, 大有人在, 唔係個別例子.無一定嘅保障.

親戚同我講K字頭嘅名中學,學校和老師都很好,從來唔谷學生,他亦表示從來唔會谷自己個仔, 讀書要自覺, 唔需要谷這回事, 同學個個讀得到書, 亞仔自然成績好, 所謂近朱者赤, 講得很道理,但結果亞仔會考得14分. 當然個細路唔一定無得追番, 但這位親戚就好失望, 看來我這位親戚實在不太了解名校這回事,個中原因我相信好多聰明媽咪,都明白．

如果ｄ媽咪想有多d名校的保障, 可以選擇私小男女拔. 朋友個仔今年入了新小拔讀P1, 爸爸係醫生, 朋友係個仔K2時候已由沙田第一城搬走了,到某豪華屋宛.車已轉了平冶,現學校要求學生寫英文信比老師, 還有很多每天做唔完project,朋友係專業人士要返工, 最後用了不是普通家庭能負擔得起費用; 請來了一位名校高材生為亞仔補習.

如果有人力, 即是媽咪唔冼番工; 財力, 爸爸有一定經濟能力, 我會比亞仔讀名校, 唔係因為裡面d學生或佢地d媽咪高貴d, 而係鍾意佢地有優美讀書環境和普通中學無嘅設施如游泳池等. 但不會強求, 好睇亞仔學習進度及能力, 從不相信名稗學校一定有保證, 只相信家庭教育比學校教育更為重要 ; 亦不會通宵係佐敦道1號門口排天光拿報名表, 如果入唔到的話, 米讀普通小中學羅!  // 如果我的孩子入不到我心中名單的學校，我真的寧可讓他留在家中，學不到好的，總好過學了壞的//   唔冼甘激拖仔番屋企教.
比我選擇, 我寧願亞仔去一d , 比d媽咪話MudMud中學度做十A壯元也好,探花也好. 都不想做所謂名校裡羅底的一隻橙呢!!

//如果係果間學校考頭幾名，到名校卻要考包尾//
係普通學校考頭幾名, 係米要係名校排包尾啦??
就講我朋友個仔係沙田一間已被教育處認定為band2的中學就讀,前年係HKCEE裡拿6A,如果一些名校學生包尾都6 A,就真係好巴蔽羅 ! 名校羅底橙都做得過啦! 但同事個妹讀女拔年前會考得18分.
我好八卦甘問朋友個仔, “如果會考拿14分, 係你地間學校可以為中上生嗎? 朋友個仔話, “You are dreaming”, 甘中中生呢? 朋友個仔想了一會就話, “我林可以排尾20羅”! 如果18分呢? 他沒有再說了.

//原果淨係講感覺就真係無得好講，好似叫Ｄ露宿者唔好訓街，佢一句我鍾意額，就已經無得溝通。//

係香港嘅露宿者大部分係貧窮加失業, 不是好鍾意訓街, 如這位媽咪有留意時事的話,或者睇過電視時事節目都有訪問過佢地, 政府所提供露宿者之家, 有好多limitation, 所以佢地先至唔想住, 訓街係好無奈, 你問佢地點解訓街, d露宿者都要面架!佢地會話鍾意羅! 唔通話自己好折墮咩! 如果這位媽咪肯捐出,現時自己住緊o果間屋, 比這些露宿者住,你睇佢地仲訓唔訓街, 你當佢地d人係傻嘅咩!
正如o果d亞媽認為寧願個仔入名校, 就算成績唔好,讀唔到,追唔上,都係一個名校生呢! 都好過亞仔去左一d唔係名校嘅普通中學,做一個成績優良生, 衣d亞媽米一樣死要面子.

//如果我的孩子入不到我心中名單的學校//
D小朋友入左媽咪心中名校, 爸爸開心, 媽咪有面, 親戚朋友又高興, 甘小朋友呢??
知魚知樂 -意思是凡事如果這樣討論下去，是不會有結果的.
所以我唔再talkback啦!