好不開心, 仔仔半個月內在學校給同學抓傷2次, 如何投訴??

海汶仔

我小朋友N1時侯， 面部、 頸項都出現手指甲痕跡， 什至乎背脊有牙仔印， 可能囝囝比較頑皮， 所以我反而擔心對方會損傷， 我可嘗沒有心痛， 我想在家中一對一亦會有受傷， 何況老師1:14真是十分吃力， 而且他/她們牙牙學語階段呢﹖
換另一角度， 可以在這階段教導小朋友與人相處及如何保護自己。 比多點時間小朋友學習適應啦﹗

高達媽咪

你好，之前睇到你既留言分享，知道你既仔係幼兒園俾人抓傷咗塊面，作為媽咪既我，十分體會你既難過同心痛，亦明白你一時間難以接受仔仔喺同一個月內，發生咗兩次意外。我有兩個仔女，大仔係呢間學校畢業，而家讀緊三年班，佢係小學適應得好好，佢仲成日同我講話好掛住間幼兒園，希望返去探望幼兒園既老師。而幼兒園既小朋友數目少，就好似一間屋企咁，好有family feel。大家好似一家人，互相照顧、關心。老師悉心既照顧，俾左我大仔好多美好既回憶。細女亦都喺呢間幼兒園讀咗三年，而家讀緊A班。我好認同呢間幼兒園既教學理念，亦深信幼兒園老師對小朋友充滿愛心。我個女雖然至今並無俾其他小朋友抓傷，但三年黎跌傷碰損在所難免。其實兩歲小朋友既語言表達能力尚未完全發展，所以佢地多數用動作嚟表達佢地既感受同意願。如果小朋友一發生意外，家長就即刻好緊張、反應好大既話，咁會影響小朋友對老師既信心，對幼兒園既安全感，令佢地唔鍾意返學架。我深信幼兒園既主任、老師十分關心、愛錫小朋友，所以發生意外後，唔單止家長心痛，老師都好心痛同擔心。家長要做既，係要令小朋友係群體中學習點樣避免意外。而發生意外時，點樣用正面態度黎處理。至於你擔心幼兒園既人手比例問題，你可以坦白咁向校方表達意見，我相信園方會以開放既態度黎互相溝通。家長要對幼兒園有信心，如果我地有咩疑慮，應該向園方反映，同園方保持緊密聯繫。

11CC11

rubytsang , 您好 :
我個小朋友之前都有類似這樣的情況發生,都好質疑d老師有無留心看小朋友,最後我都有向老師投訴,但態度好差,我勸你可以向教署或社署投訴,會好好多,因為它們是監管幼稚園/幼兒園地地方,我個女的學校叫做'世佛會觀自在幼兒園'唔好讀呀.幼兒園就可向社署投訴,幼稚園就可向教署投訴.

newkaka

Hello! rubytsang , 您好 :

你個仔仔最近怎樣呀?天氣咁冷，你有沒有帶佢返學呢?你們最後有沒有因此事而轉校呀?學校的處理和跟進的工作如何呢?可以分享一下嗎?

   

煒良媽咪

rubytsang:

係2003年, 我仔仔剛讀K1, 返左唔夠三星期就發生意外被老師既鉛心筆刮傷由咀角至面. 第二次係唔夠十日, 又被同學推倒落玩具櫃邊撞傷眼眉流血不止, 入埋急症. 接二連三發生既意外令我仔仔留下好大既陰影, 每日都喊住唔著校服唔返學. 至於學校方面, 同你所講既情況相似. 最後我幫仔仔轉左校,  轉校後佢都好快適應新環境, 直至依家佢都讀得好開心.
希望你可以慎重考慮, 你仔仔重要讀成3年, 你自己就擔心3年