蒙特梭利國際學校

dadmumkids

Elmostoney, 謝謝你的分享, 看過你的帖子後更明白蒙特梳利的理念與實踐.
你囝囝在tin hau 上last year casa班, 那麼將會就讀Grade 1,你覺得IMS的老師有愛心嗎? 有能力帶領小朋友用其方法學習嗎?

我兩個小朋友將會就讀Grade 2 & 3 at lower primary, 之前有上過其他蒙特梳利的Playgroup, 希望他們會適應.

另小學過後, 沒有中學連接, 這也得要想想的. 當然我會觀察他們的學習表現, 但對於香港那間IS中學可延續蒙特梳利的理念, 到時怎樣選校, 想請教你有什麼見解?  

elmostoney

dadmumkids, 我比較活在當下, 覺得那一間學校在現階段適合孩子, 我便選那間, 特別是幼教和小學, 因為小時候培養了學習的好習慣和對品德的觀念, 到中學孩子才懂得選擇和堅持. 亦因此, 我家老二一直在一家非正規的蒙氏中心念了三年, 因為我真的覺得作為蒙氏幼教, 除了沒有固定的學伴外, 這中心我覺得是最有愛心最正宗的. 至於中學如何涵接, 我認為有麝自然香. 如果孩子的基礎打得好, 我相信中學一定能找到一家好學校.

IMS小學老師的情況我實在不太清楚. 不過他們的幼稚園班別太多, 老師的投入感自然就很難劃一, 要知蒙氏持牌老師本來就不很多.   我家老二還要多念一年casa (現在四歲半), 所以上小學起碼也是一年後的事.  不過現階段我尚在猶豫, 老二的性情, 上蒙氏學習真是再合適不過.  可是他這人太害羞, 我又怕他繼續在蒙氏發展, 更助長他個人工作的習慣, 因而變成更不合群.  他不是不喜歡群體, 而是害羞得要命, 這也是值得關注的.  

我也好奇, 不竟到二年班和三年班才轉校的始終屬少數, 能知道原因嗎?

dadmumkids

Elmostoney, 對於為何轉校, 簡單來說: 一般直資學校有很多新概念, 但concept 幾新都好, 無奈都要比較成績, 雖然他們分數是可以, 但佢地唔喜歡不停地做作業, 在行為上也表達不喜歡這個學習模式, 例如寫字ugly, 唔想做功課等. 事實上小朋友由星期一至日都要上補習或興趣班實在太辛苦, 連我自己也覺得很累..

有鑑於哥哥寫字醜樣, 帶佢去睇專業o既治療師, 結果有輕微的讀寫障礙, 但一般來看, 唔會察覺到佢有很大的問題, 可能只會覺得佢比較男孩子d, 闊佬懶理咁.

其實大仔性格活潑好動, 喜歡交新朋友, 愛看書及認識新事物, 有些導師會覺得他很聰穎, 但遇到唔喜歡o既中文科, 情況就相反.  

香港o既教育制度唔係搵學生的長處, 而係要求十項全能, 考唔到就係你o既事.  如果話有什麼怪獸家長, 眼光應該放遠d, 係畸形社會產生出來, 就好像破壞左環境, 依家講環保去補救一樣.

dadmumkids

跟治療師談及, 讀國際學校應該更適合他的發展, 其實慶幸及早發現. 我好喜歡蒙特梭利的理念, 希望IMS幫助他的學習.

而細仔的性格可能與你囝囝相似, 比較慢熱, 因為習慣有阿哥, 想去做又唔會去主勳, 因此也不懂得主動結交朋友.  他喜歡玩智能遊戲, 肯思考, 記性好, 駁咀個陣講野仲好到位.  兩者性格各有不同, 互有長短, 我相信IMS會幫到他們發掘潛能, 而不是找瘡疤.  

我明白你擔心囝囝缺乏群體生活, 我諗性格是先天後天形成, 放佢落去大海未必一定可以學懂游泳, 我細仔一直也是一群人上課, 不代表社交力強, 因為佢個人比較斯文, 狼死個d同學已經唔o岩玩, 治療師都話物以類聚, 要製造多些機會找與他o岩key的人玩, 作為媽咪當然要多d鼓勵啦, 另join mind master的program, 訓練他多與人相處., 希望有所改善.

另多謝你對升中的看法, 係o既時代步伐好快, 幾年後又可能有新的IS中學. 遲些再跟你探討依個問題!!

elmostoney

dadmumkids, 我們最後決定讓兒子進Island Christian Academy (Small World的小學), 就是我女兒現在唸的那家.  

對於我來說, 放棄蒙氏就有點像放棄我的夢想. 我很懶, 沒有看多少蒙氏書, 但去唸了九十小時家長班, 上部份課堂時, 還是挺著8個月的大肚子.  所以對兒子不能完成蒙氏幼教課程, 實在很感惋惜, 更何況我知道他是絕對能勝任的. 但我的確擔心, 以他的性格, 如果找不到朋友, 雖然他也渴望有個伴兒, 但他可能真的會自己做自己的事情.

我讓兒子在蒙氏唸書, 除了喜歡其概念外, 亦因為我知道他真的能在蒙氏發揮.  不過我也不想他成了一個科學怪人, 只會讀書.  始終將來面對的是人, 不是機器.  

dadmumkids

雖然有些可惜, 但相信你在孩子幼年時期已培養了良好的基礎, 這個很重要呀, 依個能力唔會因為環境轉變而停止, 只要在家庭裡有適當的協助, 一樣會做得好好. 而且兩姊弟就讀同一間學校, 安排上的確會比較方便, 他們倆感情上也會建立得更好. 依個都係我讓他們一起轉校的原因. 大家都要努力!!

elmostoney

dadmumkids, 希望你九月後會來update一下, 我也很有興趣知道IMS小學的情況.  

其實我的老二明年在 esf 也有一個學位, 不過我想我們多數也會放棄.  一來, 不想讓他重讀一年班 (八月開學時在 ICA 他會是一年班), 二來ICA對我們來說, 應該是一個更好的選擇.

dadmumkids

你仔仔都好叻呀, 可以有咁多選擇. 如果ESF 跟ISA比較, 我都會鍾意ISA多d.  當然要看那間ESF, 不過佢始終鍾意收外籍小孩, 依個point可能會引申到對我地Chinese有影響. 再者ISA是全新校舍, 資源配套都會update些, 整個education group也很有規模.

而IMS比我感覺就好純樸, 好natural, 我都鍾意依個feel, 唔會話好似有d 名牌 IS咁, 希望小朋友從而培養到正確價值觀.  不過校舍配套就好似一般左d. 你有咩睇法?

dadmumkids

elmostoney, please check pm

elmostoney

蒙特梭利話, 比小朋友guidance, 到適當時候, 佢嘅興趣出來, 你想唔比佢做, 想擋都擋唔住.

呢樣真係好因人而異, 我個女身上我唔係太體現到, 可能因為佢係ADD, 所以集中唔到做野.

我個仔就引證哂, 之前三年嘅功夫, 而家終於開始收成, 但係佢已經要離開.  

最近佢瘋狂迷上數字, 唔洗我地迫, 佢主動要學睇鐘, 好留意時間, 而且會自己練習寫數字, 做單位加數, 甚至會答我地口頭出題, 連沖緊涼都做, 而且佢已唔用手指數, 係心裏默默數, 雖則會數錯, 但關鍵係佢有興趣做.  

呢樣就係蒙特梭利, 冇時間限制, 唔係學校迫, 要小朋友做, 係小朋友興趣來了, 擋也擋不住.

dadmumkids

elmostoney, 見到你仔仔的發展咁好真替你高興, 學習由興趣產生，不用迫，也是我想追求，底子打得好，跟著build up上去便容易得多了。

我在孩子的幼年時期並沒跟進得這麼好，總是忙著自己的任途，就算現在都有同樣問題，不過暫時是佢地行先，我都好想strike bal。

其實我大仔都有輕微活躍, 或者依d係一個名詞, 因為那些測試是悶到嘔, 但看來他年長一點, 能找到自己的興趣後, 他便能集中到精神做他有興趣的事.

見到你發表的其他帖子話，IMS的中文也谷谷地，真的嗎？我只知道每日中文做一份功課.

elmostoney

我所據聞IMS中文係谷谷地, 但係同傳統學校有別. 佢地係以小組形式, 因應程度上課,  我覺得課堂上, 小朋友參與程度較大.  其實學中文, 最後都要靠死記, 呢個難以避免. 我喜歡IMS其中一個原因, 就係佢中文好, 唔係我似我個女咁, 而家教到嘔血.

我個女而家睇緊e生, 食緊一d維他命 (我堅拒比佢食藥), 好左好多, 不過之前幾年, 就好似miss左d黃金時期咁, 性格同習慣, 好多已形成.

summer我都會比我個女返返以前間montessori school, 唔係求佢學到太多野, 畢竟得一個summer, 不過希望佢ADD有左改善, 老師係學術上可以重新啟發下佢.

elmostoney

dadmumkids, 你為工作, 其實最後都係為屋企, 為人父母不易, 你已做得很好. 係香港呢個現實社會, 個個都追求成績同cert時, 唔係好多父母能好似你咁, 為佢地, 你唔隨波逐流 (就係呢樣, 我都要頂好大壓力, 我阿爸成日 um 我, 話我幫仔女揀d咁嘅學校), 而只係想揀一間合適佢地嘅學校.  

至於你個大仔, 你再observe一下, 因為有d小朋友, 因為某d原因, 需要特大量某d vitamins又或佢地吸收唔到, 我個女就係.  而家食返d相關vitamins and minerals, 情況改善左好多.  佢讀IS, 我都可以兩個月比老師的去照3次肺, 當然我講得過嚴重, 老師係真心想幫佢, 但係做阿媽嘅我, 當時真係唔好受.  以前我以佢懶, 原來佢係控制唔到自己, 所以成日遊魂, 包括我係屋企同佢讀中文都係. 我都係近月先find out, 浪費左佢幾年, 所以佢而家係學習上自信心都有d低落, 我都要慢慢幫佢建立返.

dadmumkids

elmostoney, please check pm.

elmostoney

唔敢當, 大家都係為自己小朋友盡力.  可惜係香港有心辦學嘅人少, 賺錢嘅人多.  唔洗去到外國, 淨係去台灣走個圈就睇到港台如何不同.  或者香港嘅租金真係太高昂, 政府又鼓勵教育百花齊放, 導致而家大家咁少選擇嘅惡果, 不竟人唔係一件係工廠生產出來, 大家一樣嘅物件. 所以有咁多小朋友返學返得咁痛苦.

如果大家有時間可以走開下, 我大力推薦暑假去台灣讀montessori, 有戶外, 有大自然, 老師有愛心, 有耐性, 費用便宜.  係台北租屋可能貴d, 咁可以考慮去台中.  租屋同學費 (全日, 起碼到四五點, 仲要包埋lunch)分分鐘加埋都係一萬至一萬鬆d港幣一個月. 去完你就知道原來montessori係咁! 係香港montessori preschool中, 我覺得最接近嘅係best concept, 我老二 (以前老大)讀緊個間, 無獨有偶, 都有台灣 background, 只係好多人覺得佢冇英文, 亦唔係一間正規學校.

dadmumkids

elmostoney, 看完你的帖子, 真係好想飛去台灣走返轉 :)