如何辨別一個好鋼琴老師?

Snoopy_Mom

原帖由 Charlotte_mom 於 12-03-29 發表
我相信我係好彩搵到好老師既一個, 我又搭下咀

手指位問題: 琴老師無強制性要求我女用咩手指, 但去 ...

你個老師咁似我既老師既?不過我的老師只考到8級, 大仔今年考6級, 可能過一兩年就要轉老師了.....真係好唔捨得.....

無氣同你講

看到這post, 令我諗起我老師。

我既啟蒙老師係我第三任老師。當年我係通利跟我第二任老師學，我本身係一個唔係幾聽話既學生，自命有幾分聰明，心底裡面成日都會否定老師所教既，於是會成日特登用另一種彈法去上堂，當然激到老師死死下，久而久之，我會逃學又成日唔練琴。

後來，我老師頂我唔順，將我轉去比另一個私人老師教。

我初初好唔鍾意佢，因為佢唔靚又肥。

但佢係第一個能懾服我既人，當我玩野咁彈某首巴哈既三部曲時，佢唔鬧我，淨係示範左超過三種既演繹法，真係令我目登口呆。我先至第一次發現，我原來一直學緊咁美妙既音樂。

我老師係一個天才型既人，因為好聰明好敏感，所以每次都有辦法令我屈服及相信佢。

我最記得係，我阿媽成日會約ｄ雀友係小騎樓度打麻雀，我以前一彈琴，佢地就會將門關上，怕我嘈住佢地。（打麻雀竟然怕嘈？我會嘈得過佢地？）

但後來，我跟左呢位老師後，佢地竟然會打開門來聽我彈琴。（我彈既並唔係流行曲，真係冇諗過佢地既層次會聽。）

我老師令我喜歡音樂，改善左我技巧又同時令我懂得欣賞，帶左我去了另一個領域，我諗，佢就係一位好老師。直到咁多年後，我仍然好感謝呢位啟蒙老師。

我真係好掛住佢，唔知佢而家係咪仲安好？

anaturell

之前果位老師, 淨係坐度, 冇乜指點, 由得小朋友自己彈, 呢D就唔係好老師!