本帖最後由 lugano 於 12-4-1 00:16 編輯
motherotk 發表於 12-3-22 18:34 
回復 lugano 的帖子
Usually we use those statistics to prove what is good and what is not good. this ...
對你的留言很有同感。
每年一到中一選校的適當時間，都總有些別有用心的家長走出來不停洗腦抹黑唱衰某些學校，一時又話佢聽個 friend 話間學校點唔好, 一時又話聽三姑婆，九舅父話間學校點差，你問佢原因，可否elaborate more? 佢又拿唔出實體證據，只是含糊其辭地遊花園，選擇性解答，迴避問題。心水清的家長一睇就知有古怪 (騎騎...... 我又試下陰謀論分析, 可能有人想踩低學校，想少 D 人報考，使自己個仔易D入閘，十足十行政長官選舉技倆.........斷估冇痛苦，千奇唔好對號入座.....騎騎)
我相信 BK家長都唔係阿茂阿壽，自己想了解間學校自然懂得親身參觀學校或上網搵料，上 Youtube輸入華仁兩個字，好多資訊關於學校和校園生活的短片，我於片中睇到的華仁仔都係好有自信和 passionate的年青人，唔明白某人為何刻意抹黑呢班莘莘學子的家
再者，華仁幾十年一直都行低調的路線，一直都好少自我宣傳威水史，俾人陰謀論話佢唔敢公佈會考入U成績，又話 20 年前好勁，講真，人地無論 20 年前或現今的成績，又唔係上市公司，做乜野要向你公佈先!! 換個角度睇，好似港華只以 4 班會考班出戰都出產左 18個十優, 咪一樣低調，從來都冇四週圍宣揚 (如果又有陰謀論者唔信人地有18個十優，去港華正門銀色 Wall of Fame 研究下)。
以華仁一直的名氣，如果華仁要變質玩買人谷音樂/體育來提升學校名氣，簡直易如反掌，能夠堅持不買人不走精面呢套原則，在我眼內，真係好 Respectful，想起當年在學界運動會中，華仁仔很少跟其他男校為敵，亦不會因求勝而Poaching買人，從來都是被其他男校尊敬的對手。
可能有部份家長覺得華仁低調和自由度大 (但其實我聽翻來學校是教淺考深)的核心價值在今時今日已經滿足不到部份怪獸家長 Unrealistic 的期望，覺得名校係要狂谷學業，名校需要 show-off業績，也有人覺得華仁要轉直資玩貴族制度，做到夠威夠誇咁先至叫名校。
但諗深一層，每個品牌都有佢自己經營的核心理念，照顧佢想照顧的客源，我始終 buy佢服務一般大眾，為普通家庭的小孩提供好的教育。正如你可以帶個仔去福臨門食點心，亦可以去添好運食點心，如你覺得添好運失禮你，唔夠 Grand，咪去福臨門囉 !! 你唔鍾意食，唔代表唔好食。學懂和諧、包容和欣賞每間學校的特色和傳統, 這個世界才會更有趣。
憎人富貴嫌人貧，我發覺自從港華出左曾特首，林公公和孫公呢幾個門生後，華仁就開始比人玩針對…….. Anyways, 理性 D喇
| 
發表於 12-3-22 15:15
