學之園 interview 後感

bubumum

100% 認同.. 對一些負面而不清楚學校質數的人來說..吃不到的葡萄不只酸的, 還不停同其他人講是壞的臭的..何苦呢!

Christi

回復 bubumum 的帖子

我覺得主要的原因,係好多人只係人報我又報,大包圍咁報,事前都唔了解間學校先,淨係聽晒啲heresay.不過,今次的不滿嚟嚟去去都係個幾樣野.

好似有人話:老師黑面:我諗LH的家長大部份都滿意老師的質素.不過,以我的分校為例,2年前又係校長同咁多老師,又係全部申請人安排於2日面試,但2年後他們要處理的是多一倍的申請.試諗吓,大家出嫁嗰日,大喜日子,為影相由朝笑到晚,都好累啦,何況老師連踩兩日,又要公平處理個個人,又要面對千奇百怪既突發事件同埋投訴,我諗係可以多少少體諒的.

一位家長要同時兼顧填問卷及看住小朋友:呢part我就都幾費解.份問卷唔係叫大家寫論文,咪用15分鐘填完算數.而15分鐘對小朋友,在房內搞吓嚟樣,搞吓個樣,時間好快過.特別係對於那些有看書習慣的小朋友,更是easy job. 就算小朋友唔太like書本,家長見到小朋友開始冇耐性要失儀,份問卷咪長話短說,快快手搞掂同小朋友離開間房咪得.仲要話間房無玩具,看到這個comment真係忍不住笑咗出嚟.

不過話時話,如果小朋友真係唔like書,其實佢地冇錯,個個小朋友性格氣質唔同,只係唔啱呢間幼稚園而已(或者調番轉頭講,呢間幼稚園唔啱呢位小朋友).見到有啲家長話小朋友表現差,當晚忍唔住打佢,我真係好心痛.家長的心態真係要調整一下,呢間唔適合,咪搵另一間囉,無需要downgrade間學校嚟平衡心理.亦唔好覺得自己既小朋友唔掂.

豬嘜仔

很喜歡你那句＂無須downgrade學校來平衡自己＂

iantsang

回復 咪臣 的帖子

本討論區歡迎各位自由發表意見，但懇請大家能保持冷靜討論的氣氛。

由於文責自負，請盡量留意用詞，免生誤會及負上不必要的責任。

多謝大家合作!

版主 iantsang

kitmantsoi

學校因面試安排不如意, 而老師校長被評無愛心; 作為一個家長確實有點唔開心. 係替老師校長不值. 佢地真係好努力亦好關愛學生
其實往年面試方式同今年一樣, 學校用呢個方法找到合適學生·假使家長認為難以接受或難度太高,或者此校未必適合你. .

karenbabe

之前係另一個POST到討論有關學之園既面試情況, 我覺得有些很喜歡學之園的家長不太接受到其他人對學校的負面回應, 所以都無謂講咁多, '拗'黎'拗'去, 哂氣~

(討論區唔係好壞意見都可以來討論嗎??)

bblyly

作為LH既家長, 我覺得老師校長教職員都好有愛心, 呢D在INTERVIEW O個一個下午其他人係未必感受得到.

開學不久, 校長, 主任, 校工, 書記, 亦有其他未曾教我囡囡的老師, 都叫得出我囡囡的乳名, (小女只是平平無奇的一個學生), 我真係感受到成間學校係一個好開心愉快既大家庭. 囡囡一直都熱愛學校, 喜歡上學. 現在k1, 英文和普通話流利. 我好慶幸當日小女有幸被取錄.

另外, 我都曾經聽過一d所謂既升學專家, 對lh呢d咁新既學校一知半解. 其他人什至形容呢間係九流學校都無關係, 我係"用家", 我知道呢間係一間非常非常好既學校就得. 到目前為止, 我都極力推介比身邊的朋友.

sarubuta

我係今年interview PN的家長, 我覺得學之園的面試設計好全面, 而且每個考生都有機會和校長接觸, 這是我之前in 超過十間學校都未試過的.  直得欣賞

但係我覺得等候時間真係太長, 全程我花了超過2小時, 但interview letter 上寫需時約1小, 一個鐘能完成的話, 我完全會覺得安排好好, 但等咁耐, 我一個人帶住囡囡, 只係覺得好倦, 連企的位都差不多冇, 囡囡又眼訓, 搞我同佢都好想走, 結果我們由三點搞到五點幾, 終於完成晒3部份

我小朋友本身係超喜歡看書, 她愛看書多過玩玩具, 係stage 2 見完老師, 家長自己和小朋友一起睇書她都表現高興, 仲會主動自己睇.   但之後等stage 3 填問卷，等了大半個鐘，我小朋友toilet 都去埋，佢又餓又眼訓，入到去, 開頭都肯看書, 但佢好快已經睇o左手上兩本書幾次, 之後覺得悶就走出去玩, 去隔離位個小朋友到想睇佢D書, 我叫佢返來, 之後佢出去玩wall 上的圖片分類, 見有其他小朋友搞其他o野, 佢又跟埋去, 我小朋友一眼訓和餓就坐唔定, 到交問卷俾校長後, 我囡囡又走去玩, 校長話佢玩我o野, 我當時已經太倦, 求奇俾了個好差的回復, 之後叫番囡囡返來同校長傾計, 只係叫囡囡講hi, bye, 沒問問題就叫我們走了.  

等咁耐之後的評估又是否可以真正assess 到每個小朋友呢?  當然, 我見都仲有小朋友可以全程留係在位度.  咁我又見有Ｄ小朋友直情在填問卷時訓o左, 老師叫唔好整醒佢, 咁唔知點assess.  

不過, 我又覺得D老師和校長都似乎ok, 唔係有D家長講得咁差, 我等候stage 2其間, 我囡囡見stage 1 講故事的外籍老師打開門, 囡囡自己主動同佢打招乎, 老師都好nice 好friendly 咁回應囡囡

kitmantsoi

To Karenbabe,
好明白學校當日安排混亂令人留下負面印象，但好多面試家長用兩小時觀察學校覺得老師們無愛心,我地用兩三年時間觀察認為老師學校係有愛心·作出回應不對嗎?  假使一間學校受到不實惡評,無現任家長代其說話; 反而令人擔心· 好多家長係因為我地係Bk 留言而選報, 面試安排失當令學校留下壞印象, 我地只不過將我地經驗同大家分享希望大家唔好錯過一間好學校·

littlejimjim

其實, 如果家長有去ek幼稚園果版, 都會今年見到有好多家長投訴好多學校interview當日好混亂, e.g. km, tt, sc...難道這些不是好學校嗎? 明白ek係有一個平台去表逹, 不過希望有些家長要注意自己用詞, 什麼叫"九流", 請尊重自己個人言論, 否則吃虧是自己的小朋友(身教).

所謂頗有名的選校專家, 請問他/她有小朋友讀這所學校嗎? 是不是又係聽聞? 有無自己試過呢? 我係學之園的用家, 我無後悔小朋友讀lh, 今年小兒有其他k1 offer, 但都會直升lh k1添(even睇完這個post, 話lh係九流學校). 因為這半年來, 學校真係有用心去教小朋友. 德育方面, 佢地都好著重, 因為我上個月去了觀課, 見到老師在課堂時, 俾物件每位學生時, 都要佢地說"唔該"or "thank you". 之後, 校長同我地家長談話中, 她同我地說"小一面試, 不是只是在k2 train小朋友, 係要在由細培養的, e.g. 見人要講早晨/午安, 入門口要knock the door, 俾野小朋友, 佢地好自然地要識講唔該", 如果lh係無德育可言, 校長不會這樣同我地講,而且學校係有實踐的, 因為小兒現在俾野我地, 我地有時忘記講唔該, 佢會同返父母講, "你要同我講唔該".

其實interview用過長時間, lh有不足之處, 不過學校都是想揀自己適合的學生, 同樣, 你地都可以揀返學校, 這個世界是公平的, 但總結, lh真係一間很有愛心的學校.

我不是為學之園講好說話, 我只是說出我真心和自己體會的感覺 (不喜勿插).

四隻貓

原帖由 littlejimjim 於 12-03-16 發表
本帖最後由 littlejimjim 於 12-3-16 10:46 編輯

其實, 如果家長有去ek幼稚園果版, 都會今年見到有好多 ...

上年SC, TT都好多投訴，我仔都有見呢兩間，我覺得完全無問題。近年興投訴，咩都投訴一餐。我剩係想提醒大家，考學校之前要先了解一下果間學校，唔好人云亦云。

karenbabe

回復 kitmantsoi 的帖子

首先, 作為考生的家長, 一定會從開放日或面試日去考驗及體會學校及老師等等, 雖然BK亦有很多的評語云云, 但都不及自己的親感來得真, 而且, 善意批評及回應對學校亦是有價值. 而用家家長, 看到一些批評的POST, 當然可以作出回應, 沒有任何問題, 而且十分歡迎,  但有些家長的反應很大, 回應家長不應批評學校, 只要體諒, 否則會教壤自己的小朋友, 又有些指別人批評該校是因為IN得不好, 好可能得不到OFFER便說該校不好了.  那是不是除非是讚美的說話, 否則就不可以討論那學校呢? 我個人覺得這樣是很霸道.  討論應該是大家都可以發表意見的地方, 無論是正面或負面, 才有其價值.

karenbabe

qooqoobaby2010  

其實早在未有過火的言語出現時, (在另一POST), 已有部份家長不太能接受負面意見, 覺得別人批評學校就是不應該, 之後我都不敢再回應關於該校的什麼了

四隻貓

原帖由 karenbabe 於 12-03-16 發表
qooqoobaby2010  

其實早在未有過火的言語出現時, (在另一POST), 已有部份家長不太能接受負面意見, 覺得別 ...

0甘都好正常，人總會捍衛自己覺得好既野，大家討論下都好的，只要用字有禮就得啦。
有時經過討論多一點了解也是好事，大家的意見相信學校會收到，希望明年會有所改善啦。

kitmantsoi

To Karenbabe,我相信你所說另一個post我既留言; 我認為作為家長应學會多體諒欣賞少批評作為身教,為孩子作榜樣. 當然你可能未必認同我既想法, 只不過人生不如意事十常八九, 與其批判不如換個角度欣賞與體諒, 人亦會快樂D· 選校過程你選人, 人選你; 啱就讀唔啱就唔讀· pn只係第一個入學試; 將來幾年会越來越多; 方式亦千奇百趣· 係香港讀書父母就要面對· 如果你認為我言論太霸道, 对不起呢個並非我留言既原意; 可能社會上太多怨氣缺少正能量, 我希望多點包容多點體量, 多點欣賞少點批評;我地既社會會好D·

ccwong101

To Kitmantsoi, 很感謝您的留言! 我暫且不討論LH, 近年的投訴風氣實在對我們及下一代太不健康吧, 我也希望多點包容多點體量, 多點欣賞少點批評;我地既社會會好。學校也不是一直教我們作為家長要多欣賞自己的小朋友, 少一點責備，他們才會有好的表現嗎!?

littlejimjim

回復 ccwong101 的帖子

同意呀, 在香港/ek討論區, 現在好多人都少了包容和體諒了. 我地父母真係要已身作質, 好好教育一下代!

豬嘜仔

香港之所以有那麼多港孩，凡事要人遷就，就是多得那些什麼事也投訴一餐的家長吧

karenbabe

我明白你想表達的意思，亦十分認同多欣賞少批評這想法。但另一方面，善意批評或者亦能力大家進步呀。不過，是否善意，可能每個人的準則都唔同，Anyway, 希望大家係bk係開心地討論喇