會否為崇真(主流)有大抽獎而放棄培正呢?

bb2009092

bee918 發表於 12-3-5 13:04
我不同意祟幼是二線學校. 其實祟幼資源不差, 小學亦不算水準低落的學校呀.
不過培正永遠是我最心儀的學校 ...

崇真D資源當然唔差, 我去過佢簡介會, D設施都幾好架, 隨時好過D一線架, 不過呢個世界就好衰既, 校齡唔夠老, 名校友唔夠多, 公開試成績唔係top, 係一般人眼中都唔入流, 公司老細都係, 唔好話攞st. paul, 你比張培正, 真光, DBS, 或者庇理羅士畢業証書, 都好過崇真好多倍啦, 呢個世界就係跟紅頂白.

2Fats

不過而家個世界已經係去到比大學同碩士/Grad School証書, 而唔係再睇你讀邊間中/小/幼啦.......

hop0612

<DEL DEL DEL>

bb2009092

2Fats 發表於 12-3-5 14:47
不過而家個世界已經係去到比大學同碩士/Grad School証書, 而唔係再睇你讀邊間中/小/幼啦.......

...

一般公司就重點睇你U.grad張証書, 大公司會睇埋你係邊科, GPA幾多.  iBank睇埋你中學係邊度, 家底係咩.  一個st. paul/DBS畢業, 一個崇真畢業, 你估iBank請邊個?

winnietingting

原帖由 bb2009092 於 12-03-05 發表
一般公司就重點睇你U.grad張証書, 大公司會睇埋你係邊科, GPA幾多.  iBank睇埋你中學係邊度, 家底係咩.  一 ...

Interview唔係睇個人嘅咩？

bb2009092

大部名牌公司跨國企業指明唔會去非三間大學做recruitment, 重要係某D科, GPA要夠高, 唔符合呢基本D條件, 你唔需要apply, 見都唔會見.  之後做野唔係大公司度做, 要轉去大公司e.g.上市藍籌, 都唔使諗, 間間recruitment agent都講明你唔使諗.  如果唔係一畢業就做呢D公司, 之後如果唔係有朋友介紹, 你都唔使諗.  呢D係大公司做HR同recruitment agent講既.  過完呢D關, 先會睇你profile同見人.

silvia_ng

崇真英中，我鍾意d囉。其實樓主自己想排咩條件為先，自然幫自己搵到答案。

同埋呢，咩一線二線果d,我既一線唔同你既一線，何必要咁話人地間學校？好無品囉！崇真係我心目中係一線架！但我絕唔會話其他學校係二線囉。

2Fats

同意！可能又係有d考唔到崇幼嘅人...睇番每年d posts，總有人勁彈。

崇幼係我首選，佢收咗我小朋友我其他都無去in，包括陪正。雖然陪正英文唔强，但我唔會話人地係二線！

bee918

2Fats 發表於 12-3-6 00:52
同意！可能又係有d考唔到崇幼嘅人...睇番每年d posts，總有人勁彈。

崇幼係我首選，佢收咗我小朋友我其他 ...

培小英文吾絕對差, 培中英文考syllabus B呢. 識得有小朋友今年轉去培小, 發覺英文比舊校深, MATHS反而淺左. 我估間間學校谷既地方(強項)吾同, 有個平衡就得, 而且最重要係品格既培養同歸屬感呵.

2Fats

所以大家各有要求，各取所需，唔須要咁mean去品評一線定二線囉。
我同老公都想試抽獎加考其他學校架。

elizatyy

見工，升職好講個人跟人的溝通能力， 是否presentable, 跨國公司的話, 英文溝通能力是十分重要的。唔做得都要talk 得。

kitkitlo

Macylau 發表於 12-3-3 15:13
我諗你問一百個媽咪一百個都會揀培正

我係第101個媽咪

kyliejet

阿仔讀緊TT的K1, 講真我非常滿意, 英文同普通話都進咗好多, 學校興趣班又多姿多彩, 限返好多錢同時間同佢去出邊學嘢.

我覺得2間都好, 但2間係唔同類型的學校, 家長要考慮吓自己的要求.

dchui

你真係得意,好多人都想入培正,你小朋友考到,但你想放棄反而去一間平平無其的祟真 ! 小心一個錯誤的決定,參加教統局的大抽獎,你可能要付上沉重的代價,三思呀!

悠揚

名氣培正係大D, 因為培中出左好多名人.
但培幼及崇幼, 一定係崇幼好. 無論語言環境學術水平都優勝. 但你好鐘意培小培中, 就唔駛唸. 但如果想考直資及其他私校, 我相信崇幼一定好D, 小朋友既英普水平都好好, 學校好著重培育小朋友既自信及表達能力.
TT依家既水平係一線, 好多畢業學生都考到私小直資, 連好多名校都考到.

A1andA2

各有各優點及弱點, 最重要是看小孩的本質.

Sumin

最緊要你唔擔心三年後既出生率未得囉！因為我本人就對依個現實既社會冇哂信心，我就覺得今時今日考幼稚園都有咁多因素，就算自己個小朋友有幾叻，好學校學位同樣供不應求，面試做足100分既小朋友多的是，所以我本人好相信，人事、地址、父母背景都一定變埋取錄因素，真係唔明你點解有間咁穩陣既一條龍都仲要考慮三年後再戰，你真係認為面試小學只睇小朋友？你有冇考慮清楚萬一到時派到或只考到一間比培小差既小學你係唔係會甘心？間間幼稚園都冇可能科科勁嫁啦，我亦唔相信你只靠幼稚園而唔出去學嘢囉，真係要同老公相量清楚喇！

eeyoredull

幾年前都有你的問題，不過最後我簡咗培正，因為對我呢D唔係教友，雞校出身的父母，大抽獎咪等如買六合彩，小朋友得嗰15分，好學校唔到佢，差的唔想讀。到咗今日，我無後侮過當日的選擇。見到朋友為要考小學，真係日谷夜谷佢小朋友，就算真係比佢考到，都真係辛苦大人，又辛苦小朋友。相反，我小朋友讀培正，我完全無後顧之憂，比佢出去學野，真係興趣行先，又唔駛谷佢考物考物。不過，培幼的英文真係淺，唔好講話出去考小學，就算直上自己小學都係忟忟地，如果唔出去補，上到小學真係追得辛苦架！

Sumin

咪就係我不知幾恨培正收

傻太

Sumin 發表於 12-3-10 16:19
最緊要你唔擔心三年後既出生率未得囉！因為我本人就對依個現實既社會冇哂信心，我就覺得今時今日考幼稚園都 ...

點解??