想知啟思的學生派了那間私校/直資?

honeyki

完全同意lokheima,     

其實啟思就係我地以前細個讀果類幼稚園,
無乜學術, 主力學習自理, 獨立, 自信, 溝通等等思維, 情緒既培養, 要跟得上出面, 當然要私低下學吓"英文", "數學", "音樂", "游水"之類, 唔好淨係"死谷", 最緊要平衝, 阿仔好鍾意畫畫,佢每次畫公仔/人, 個個都係"笑騎騎", 重係"開大口笑"果隻, 畫畫反映內心世界, 所以我地覺得阿仔內心充滿快樂既童心.

lingan

睇左大家的comment 及入左咩學校，對啟思信心都大左。本來我老公就係想搵唔多谷的學校，咁原來啟思都幾合我老公要求。

CHIULHJ

我有兩位兒甥女(兩姊妹)就讀啟思，一位於上年獲SPCC取錄(她屬於跟SPCC沒有任何關係的一組別)，妹妹在今年度獲優才、WKF和啟思取錄。

tungmom

我囡囡都係啟思畢業，讀得好開心，日日番黎唱歌。兩年前考P1 in 了選7間，最後有5個offer（包括聖心、真光、蘇浙、救恩等），1間waiting， 1間reject，佢宜家二年級都話好想讀番啟思。不過，佢上一年級時真係非常唔適應，課程同讀幼稚園時嘅gap實在太大，不過經過一番努力，下學期全班考了個第二名。所以如果考慮入傳統名校，最好在上小學前打好D個底，就會冇咁辛苦。

Saiyahk

啟思確是一間好學校.  好... 並不在於催谷學生, 而是在於教學方針及老師的愛心.  我的小朋友在啟思讀得非常開心, 很喜歡上學.  我們能給他這樣的童年, 絕對無悔.