不如咁好冇？

antonyada

我都講下我既想法:

我認為學校如果單單用30-60分鐘, 十幾個小朋友一組咁考, 就決定邊D小朋友叻D, 邊D無咁好去收學生, 係有欠公平既, 因為用一次INTERVIEW時間無可能代表左小朋友恆常表現, 有好多小朋友會臨場失準, 又或者受時間, 情緒影響, 果D小朋友平日可能係好叻架, 成績亦可能係班中好TOP既, 但偏偏就係比學校REJECT左...

我想講既係, 而家好多學校只著重interview表現, 我覺得唔係no.1重要囉, 既然你要k2,k3成績表, 係咪表示應該每個小朋友係幼稚園成績, 要佔一定比重? (因為成績不是一日既事, 而係學生一整年係幼稚園既表現), 成績好d, 呢方面分數咪高d囉.

至於成績無咁好, 但可能又較外向, 自然interview時又可以高分d.

可惜事實上, 我覺得學校要人交k2手冊, 似乎在於睇小朋友係咪適齡, 係咪出身名幼稚園為主, 唔覺佢地會考慮整體成績.

以一場30-60分鐘表現定輸贏, 可以選到最好既學生咩? 一定係最岩果間學校咩?

就以TSL為例, 我仔仔讀既KG, 比人話入TSL機會率好高, 有優勢(2011年16.7%), 外面既人唔知, 其實每年呢16.7%, 八成以上係南亞小朋友, 即係話唔關成績事, 因為好多上年K3班TOP頭既小朋友(香港小朋友)都考唔入.

到我仔呢年, 截至昨日所知, 我仔仔同班至叻果幾個, 連2ND IN都無份, 但同班5個南亞小朋友, 全部入圍!!

公平與否? 自己想想!!!

後話, 時至現在仍然有好多人以為我地間KG入TSL率好高, 是他們唔知內情矣.