點解學校唔可以酌情?

khmama

原帖由 redkoni 於 11-10-25 21:06 發表


你講得啱呀! 這位小朋友(青少年)能夠體裇父母的困難和知道報答父母的恩典, 巳顯示她/他的本質是不錯, 只是還待時間去磨練和擴闊自己的眼界, 一時之氣和霎時衝動的埋怨, 有邊位叔叔/姨姨年少時未試過? 能夠考到獎學 ...

Agree. 我覺得呢個小朋友好乖, 識得體諒父母, 大家唔應該用大人既思維去評論佢唔正確既想法, 而係引導佢點樣去正面思考.

tictactoe

同學應該至少中三了，年紀不算細，轉校後公開在網上「指名道姓」指舊校「絕情」，實不應鼓勵。另外，亦忽略了私隱問題。

redkoni

我都唔明, 你哋啲義正詞嚴的大人, 個個好似做咗佢嘅父母咁教訓佢, 你哋啲義正詞嚴的大人有無嘗試係佢角度諗, 佢嘅傷感是因為佢從一個快樂無憂的小朋友, 開始感受到學校的人情冷暖, 世態炎涼, 學校像是社會的縮影, 社會的人情冷暖, 世態炎涼, 不就是由你哋呢班義正詞嚴的大人數落別人而刻畫出來.  佢十四歲人做錯乜嘢, 佢不礙乎想表達佢嘅努力得不到公平回報啫, 佢錯就錯在用錯咗「絕情」兩個字, 觸動了各位義正詞嚴大人的神經線, 佢應該將標題改為「點解學校唔可以酌情?」去奉承你哋各位大人, 博你哋各位大人同情?  你哋各位義正詞嚴的大人或許也有一些溫室長大的寶貝兒女, 但有幾多個好似佢咁識諗和長進, 咁真誠表達自己的感受, 我倒是十分懷疑?  

請原諒我這番無禮的說話...我是會毫不猶豫為本質好的小朋友/青少年的心引入美麗陽光!

Yanamami

如果同一番說話係一個2X歲年青人見工時同我"sun"佢轉左工而得唔到前公司花紅, 或者我會立即"釘"佢.  但對個入世未深o既小朋友又的確毋須禁 .  學校對P1 同P6學生犯校規o既做法都唔一樣啦.

原帖由 redkoni 於 11-10-26 10:07 發表
我都唔明, 你哋啲義正詞嚴的大人, 個個好似做咗佢嘅父母咁教訓佢, 你哋啲義正詞嚴的大人有無嘗試係佢角度諗, 佢嘅傷感是因為佢從一個快樂無憂的小朋友, 開始感受到學校的人情冷暖, 世態炎涼, 學校像是社會的縮影, 社 ...

[ 本帖最後由 Yanamami 於 11-10-26 10:18 編輯 ]

Charlotte_mom

我又咁睇, 其實就係因為佢仲係小朋友, 一班auntie/uncle已經手下留情, 如果俾著係個家長出呢個post, 俾人插左好耐喇

中3, 唔大唔小既年紀, 都係果句啦, 開始踏入成年人世界, 要學識點去保護自己, 我岩岩至有朋友仔, 唔大過樓主好多, 去外國讀書, 租樓無睇清楚條款就簽約, 而家一鑊泡, 果鑊泡係好多個$600!

所以, 唔"蝕"都"蝕"左, 點去吸取呢個教訓至最緊要, 唔好怪auntie/uncle ee哦哦, 真係為佢好咋

黃巴士

原帖由 redkoni 於 11-10-26 10:07 發表
我都唔明, 你哋啲義正詞嚴的大人, 個個好似做咗佢嘅父母咁教訓佢, 你哋啲義正詞嚴的大人有無嘗試係佢角度諗, 佢嘅傷感是因為佢從一個快樂無憂的小朋友, 開始感受到學校的人情冷暖, 世態炎涼, 學校像是社會的縮影, 社 ...

AGREED!!

黃巴士

原帖由 Yanamami 於 11-10-26 10:12 發表


如果同一番說話係一個2X歲年青人見工時同我"sun"佢轉左工而得唔到前公司花紅, 或者我會立即"釘"佢.  但對個入世未深o既小朋友又的確毋須禁 .  學校對P1 同P6 ...

AGREED!!! 學校對P.1&.6犯校規都唔一樣.
囝囝老師都係, 與低小同學相處會嚴肅一些,  對高小同學會以傾談相處.
以有時大人因為動火而鬧了小朋友, 在事件上大人絕對是"啱", 但態度是"錯".
往往大人仍然都是"據理力爭", 演變成"大時偷金", 大人與小朋友的"隔膜", 有時就係因為大家不諒解而起.  老實說,這不算是什麼大事, 只是1次小朋友失望經歷, 何必過份"誇大"小朋友的感受是"大件事"呢???  
錯只在小朋友從小朋友的角度看; 大人從大人的角度找錯處. 錯在小朋友唔夠"圓滑"去發表&表達了這感受. 小朋友這篇是"感受發表"不是"投訴事情".
PS : 我F.5都是唔知世途險惡的"一舊雲". 在交付錢財時, 大人是否有作出在旁的適合輔道&支援呢??  要小朋友親身碰釘,  家長必須有能耐看得開.

**不喜勿插"**

[ 本帖最後由 黃巴士 於 11-10-26 11:41 編輯 ]

samuel89

原帖由 redkoni 於 11-10-26 10:07 發表
我都唔明, 你哋啲義正詞嚴的大人, 個個好似做咗佢嘅父母咁教訓佢, 你哋啲義正詞嚴的大人有無嘗試係佢角度諗, 佢嘅傷感是因為佢從一個快樂無憂的小朋友, 開始感受到學校的人情冷暖, 世態炎涼, 學校像是社會的縮影, 社會的人情冷暖, 世態炎涼, 不就是由你哋呢班義正詞嚴的大人數落別人而刻畫出來.  佢十四歲人做錯乜嘢, 佢不礙乎想表達佢嘅努力得不到公平回報啫, 佢錯就錯在用錯咗「絕情」兩個字, 觸動了各位義正詞嚴大人的神經線, 佢應該將標題改為「點解學校唔可以酌情?」去奉承你哋各位大人, 博你哋各位大人同情?  你哋各位義正詞嚴的大人或許也有一些溫室長大的寶貝兒女, 但有幾多個好似佢咁識諗和長進, 咁真誠表達自己的感受, 我倒是十分懷疑?  

請原諒我這番無禮的說話...我是會毫不猶豫為本質好的小朋友/青少年的心引入美麗陽光!

我覺得佢用「絕情」兩個字1d都冇錯呵.......獎學金系佢未離校時考獲既, 點解學校而家因佢離校就要扣回呢?好明顯學校甘做系「絕情」啦.......我唔認同甘多家長勸佢睇開d, 我認為佢應該先回校據理力爭, 區區600元系學校「絕情」同佢"計", 唔系佢想貪, 大家唔好攪錯,佢已經寫得好清楚:

原帖由 yinpang 於 11-10-23 23:33 發表
我並非CARE區區六百元,因為爸爸話左學校吾比佢都會比我
不過爸爸做工辛苦,我吾想佢百上加斤
物輕情義重,但係學校就少少師生情都不念
我真係好傷心………

samuel89

原帖由 khmama 於 11-10-25 22:40 發表


Agree. 我覺得呢個小朋友好乖, 識得體諒父母, 大家唔應該用大人既思維去評論佢唔正確既想法, 而係引導佢點樣去正面思考.

其實大家是否應該先考慮一下佢應唔應該回校爭取佢應得的獎學金???.....

黃巴士

過份執著, 只會令社會更多分化.
退一步海闊天空. 塞翁失馬, 焉知非福. 懂得看開一點, 日後得著多的是.

[ 本帖最後由 黃巴士 於 11-10-26 16:40 編輯 ]

yinpang

多謝大家的意見
但係學校連獎狀刀冇比我……
令到連少許足以留念的物品刀冇
我真的有點難過
而且我爸爸已承諾下月會多給我六百元
所以絕非錢的問題
難道得了獎學金支票不能留為紀念嗎?

ANChan59

你令我對你另眼相看........ 勁呀......

務著可能被封戶口之可能，請問你教唔教IB中文呀...

yinpang

原帖由 redkoni 於 11-10-25 14:19 發表


《呂氏春秋．貴公》
荊人有遺弓者，而不肯索，曰：「荊人遺之，荊人得之，又何索焉？」孔子聞之曰：「去其『荊』而可矣。」老聃聞之曰：「去其『人』而可矣。」故老聃則至公矣。

同學仔: 仲未放學啊!

上文意思大概是: 有楚國人去打 ...

首先,我刀好認同你的說法
但重點是學校不會把錢給別的同學
而且那位排在我之後的同學亦已轉校
換句話說就是學校省下了至少九百元!(我和我同學的獎學金合計)

HY412

直覺你不是 F.3 學生, 係暑假8月中, 有一位家長心急查問 “band3中學轉band1,吾知入邊間好”  “「轉校」恩主教同蒙民偉” …… 或許我的直覺係錯, 不如你先查問學校有無白紙黑字寫明發放獎學金的條款, 才再上來討論學校是否絕情 ?

yinpang

那位是我的同學

HY412

何解妳會答得咁快?  只有自己出標題才知道我講邊間學校? 或對 BK 搜尋工具非常熟識的人才可以做到, 但你說自己是 F.3 生??

其實我不是想玩踢爆, 無論你是 F.3 生或是家長, 都係個句: 不如你先查問學校有無白紙黑字寫明發放獎學金的條款, 才再上來討論學校是否絕情 ?

原帖由 yinpang 於 11-10-26 20:39 發表
那位是我的同學

khmama

你自己都講咗轉校恩主教啦, 質疑人地做咩? 係咪法證上身? 你地就當佢係你地個女, 同你地呻學校唔公平, 你地會唔會對個女講同一番說話?

khmama

原帖由 ANChan59 於 11-10-26 19:46 發表
你令我對你另眼相看........ 勁呀......

務著可能被封戶口之可能，請問你教唔教IB中文呀...

redkoni o的數都好得, 你請一個教兩科有著數

kls12

原帖由 HY412 於 11-10-26 20:52 發表
何解妳會答得咁快?  只有自己出標題才知道我講邊間學校? 或對 BK 搜尋工具非常熟識的人才可以做到, 但你說自己是 F.3 生??

其實我不是想玩踢爆, 無論你是 F.3 生或是家長, 都係個句: 不如你先查問學校有無白紙黑字 ...

同一人的機會非常大,他們使用"刀冇"