自閉症遺傳機會有幾高?

besmart

阿仔差不多在3歲時被評估為自閉,現在讀S位,今年10月尾就5歲了.我肚內的第二胎現在已差不多5個月,之前照到是仔都好唔開心,因為又驚他和哥哥一樣,但既然天意如似,都無辦法,現在惟有慳多點錢,及對細佬多加留意,有問題時就盡早面對.

besmart

我這個仔都是足月順產,不過就要催生.
我覺得問題可能出自催生的藥物.

besmart

送終呢D嘢我就唔會想太多,但如果我們這一代有兄弟姐妹,而他們又有下一代就不用太擔心,如果關係不太差,斷估都不會要我們死無葬身之地啩!!
再講吖!現在大把人養狗養貓當仔仔女女,咁身後事又點呢?唔好咁灰.

szeszes

唔好諗得咁灰啦!! 早 d 訓練, 真係會有好多進步, 只要係智商正常, 將來一定能照顧自己

講真, 我公司入面都有3個係有自傾, 2個係會計, 1個係做 IT (做 IT 果個比較嚴重, 坐係自己位成日傻笑, 仲有間中個頭同對手係到 chok, 當佢去到無人見到佢既地方 - 如廁格, 就開始自言自語, 而佢仲結埋婚, 有個仔仔)

另外, 2個係會計部, 1個係唔敢同人有眼神交流, 就 assistance 開下支票果 d (比支票人地簽名, 只係放係 tray 上, 無任何一句言語); 另1個就成日無拿拿行來行去, 坐係個位講一連串既英文

[ 本帖最後由 szeszes 於 11-5-16 17:50 編輯 ]

szeszes

其實最近係 baby kingdom 自由廣場, 都有幾位 mami 討論自閉呢樣野... 有一位叫 ~ 仔仔媽咪 ~ 既分享既 (佢仔仔今年小五):
http://www.baby-kingdom.com/forum.php?mod=viewthread&tid=3893060&extra=&page=1

自閉傾向只係暫時要黎將有delay或情緒行為問題既小朋友歸類啫,
呢樣都係我囝個精神科醫生咁同我講,
佢地都係暫時擺個小朋友响呢個ITEM度觀察,
到小朋友五六歲左右,
有D小朋友可以變咗唔係自閉甚至無問題,
有D小朋友會FIRM咗係自閉,
有D小朋友會變成係ADHD加自閉(我囝咁)...

[ 本帖最後由 szeszes 於 11-5-16 18:00 編輯 ]

kelvin_hmlau

大家都聽過半杯水故事. 當佢地係普通小孩再加社交+溝通+專注缺失, 導致行為有點失常.

通常你去努力教識佢地呢d 野, 到佢地成熟d, 佢地就越似正常小孩.

大家努力吧! 教得幾多得幾多!

wong503041

5月11日,我仔仔去CAC做咗評估,E生就話系自閉傾向!

原本當仔仔出世后都有PLAN再生多個,但而家~~~,生多個又驚再中獎!但又唔想得佢一個咁寂寞!勁矛盾!

今日帯仔仔去針灸,跟一位媽咪傾起,佢有两個小朋友,大果個正常,細呢個現時三歲,两歲幾時評估,E生話系自閉.聽完之后我個心好DOWN啊!

pocoyo123

講真, 我好担心第二名係仲差過大果個, 大果個都叫智力正常, 只不過有D自閉行為, 訓練下都有希望接近正常, 如果生個細仲差過佢, 到時, 不能預期中相親相愛, 反而仲要大果個照顧佢, 問你死未, 我諗左好耐, 都係唔博

xixi1218

唉，我其實很喜歡小朋友的，從不抗拒要生BB。當仔仔小時很難搞時（未確診），我想，等他懂事點再說吧，等他大點了，突然確診了，於是又不敢要了。很想要一個，如很多人所說想有個照應，也想有做正常母親的感受，但是，也正如另一方意見，萬一又中呢？萬一有其他不健康的病癥呢？？有時覺得如果註定要做個特殊媽媽，那麼給我兩個，大的是正常，小的特殊，那我也就不用這麼想又不敢了。。。。

helenhan1216

现在好像大肚时期是有的检验是否自闭的。问问医生吧。

xixi1218

原帖由 helenhan1216 於 11-5-24 16:02 發表
现在好像大肚时期是有的检验是否自闭的。问问医生吧。

有嗎？還沒有這個技術的吧？

besmart

未聽過喎!!有無多一點資料??

JJran

我仔仔是兔唇加自閉, 下一個中獎率各50% ~我真係唔敢再生

why-me

自閉証得30%智力正常, 70%因各種因素引致智力偏低.
我仔有個同學(S位), 佢係女仔, 幾靚女幾cute, 自傾, 佢媽咪話我知而家連第二個(仔)都出事, 明年又要入S位, 唔知第三個(仔, 1歲)會點,如果連中三元佢話佢實痴線.我聽到心都寒晒, 點敢再生.

samantha_yuen

原帖由 why-me 於 11-5-26 22:54 發表
自閉証得30%智力正常, 70%因各種因素引致智力偏低.
我仔有個同學(S位), 佢係女仔, 幾靚女幾cute, 自傾, 佢媽咪話我知而家連第二個(仔)都出事, 明年又要入S位, 唔知第三個(仔, 1歲)會點,如果連中三元佢話佢實痴線.我 ...

chiupopo

我第一個女在歲半時診斷有自傾,現4歲,一直有進步但比同齡小朋友仍有一段距離,故已打算不再生,但最近意外懷孕了!最初都打算順其自然,但我的情緒不受控地日思夜想好負面的,見社工後,我丈夫及其家人都覺得應該放棄,很痛很痛的決定!

shanyeungbb

原帖由 chiupopo 於 11-5-27 09:39 發表
我第一個女在歲半時診斷有自傾,現4歲,一直有進步但比同齡小朋友仍有一段距離,故已打算不再生,但最近意外懷孕了!最初都打算順其自然,但我的情緒不受控地日思夜想好負面的,見社工後,我丈夫及其家人都覺得應該放棄,很痛 ...

雖然話下一個小朋友同時有問題的機會是50%，但又不一定會有事。我比較好彩，大B自傾，細B無事。細B小時候我都擔心他有事，每次去健康院都會有一大堆問題問姑娘，但姑娘說你自己都睇到發展上無問題，而且又唔係一定有事。細B依家2歲幾，正常，仲同阿大一齊玩，唔爭玩具時好friend架

shanyeungbb

原帖由 samantha_yuen 於 11-5-27 00:32 發表
  

http://www.dhcas.gov.hk/tc_chi/health_pro/develop_dis_asd.html

Quote
研究顯示，大約七成自閉症兒童有發展遲緩或智障。能力較高的兒童，其發展會有不平均的現象，如刻板式記憶能力特別强。
Unquote

換句話，餘下三成自閉症没有智障。 Am I correct?